About: http://data.cimple.eu/claim-review/179723a28236634c66da9e1a7d6bbf65eb441b883f7384c784f914e4     Goto   Sponge   Distinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ലോക്സഭാ പ്രതിപക്ഷ നേതാവ് രാഹുൽ ഗാന്ധി അമേരിക്കൻ സന്ദർശനത്തിനിടെ ഇന്ത്യയ്ക്കെതിരായ പരാമർശങ്ങൾ നടത്തിയെന്ന് ആരോപിച്ച് വലിയ വിമർശനങ്ങളാണ് ഉയരുന്നത്. സംവരണത്തെ കുറിച്ച് ഉൾപ്പെടെ രാഹുൽ നടത്തിയ പ്രസ്താവനകൾ എൻഡിഎ ആയുധമാക്കിയിട്ടുണ്ട്. ഇതിനിടെ രാഹുലിന്റെ പ്രസ്താവനകളെ വിമർശിച്ച് അമേരിക്കൻ പത്രം രംഗത്തെത്തി എന്ന രീതിയിൽ ഒരു ചിത്രം സമൂഹമാധ്യമങ്ങളിൽ പ്രചരിക്കുന്നുണ്ട്. രാഹുൽ ഇന്ത്യക്കാരനാണോ പാകിസ്ഥാനിയാണോ എന്ന ചോദ്യവുമായി അമേരിക്കൻ പത്രം എന്ന രീതിയിലാണ് ഈ ചിത്രം പ്രചരിക്കുന്നത്. "അമേരിക്കയിലെ സാൻഫ്രാൻസിസ്ക്കോ യിൽ നിന്ന് ഇറങ്ങിയ പത്രം ചോദിക്കുന്നു രാഹുൽ ഇന്ത്യക്കാരൻ ആണൊ അതൊ പാകിസ്താനി ആണൊ എന്ന് ?" എന്ന് തുടങ്ങുന്ന കുറിപ്പോടെ പങ്കുവച്ച ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള ചിത്രം അമേരിക്കൻ പത്രത്തിന്റേതല്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. ഹിന്ദി പത്ര കട്ടിങ്ങിനെ ഗൂഗിൾ ട്രാൻസലേറ്റ് ചെയ്ത ചിത്രമാണിത്. അന്വേഷണം വൈറൽ പത്ര കട്ടിങ്ങിൽ എഴുതിയ തലക്കെട്ടുമായി ബന്ധപ്പെട്ട ഇംഗ്ലീഷ് കീവേഡുകൾ ഉപയോഗിച്ച് തിരഞ്ഞപ്പോൾ അമേരിക്കൻ മാധ്യമങ്ങളിൽ ഇത്തരം വാർത്തകളൊന്നും വന്നതായി കണ്ടെത്താനായില്ല. ഈ ചിത്രത്തിൽ മെയ് 31 എന്ന തിയ്യതിയുണ്ട്, വാർത്തയിൽ രാഹുൽ ഗാന്ധിയുടെ അമേരിക്കൻ പര്യടനത്തെ കുറിച്ച് പരാമർശിക്കുന്നുമുണ്ട്. എന്നാൽ 2024 മെയ് 31 ന് രാഹുൽ ഗാന്ധി അമേരിക്കയിലായിരുന്നില്ല, ആ സമയത്ത് ഇന്ത്യയിൽ ലോക്സഭാ തിരഞ്ഞെടുപ്പ് നടക്കുകയായിരുന്നു. 2023 മെയ് 31നാണ് രാഹുൽ ഗാന്ധി 10 ദിവസത്തെ സന്ദർശനത്തിനായി അമേരിക്കയിലെ സാൻ ഫ്രാൻസിസ്കോയിലെത്തിയത്. ഇതിൽ നിന്നും പത്ര കട്ടിങ് 2023ലേതാണെന്ന് വ്യക്തമായി. സൂക്ഷ്മമായി പരിശോധിച്ചപ്പോൾ വൈറലായ ചിത്രത്തിലെ ഇംഗ്ലീഷ് ഫോണ്ടിൽ ചില അപാകതകളുള്ളതായി ശ്രദ്ധയിൽപ്പെട്ടു.ഇതിൽ ചില വാക്കുകളുടെ ഫോണ്ടുകൾ വലുതാണ്. തൊട്ടടുത്ത വാർത്തയുടെ തലകെട്ടിന്റെ ചെറിയൊരു ഭാഗവും ചിത്രത്തിൽ കാണാം, ഇത് ഹിന്ദി അക്ഷരമാണെന്ന സംശയമുണ്ടായി. ഇതിൻ്റെ അടിസ്ഥാനത്തിൽ ഹിന്ദി കീവേഡുകൾ ഉപയോഗിച്ച് തിരഞ്ഞപ്പോൾ 2023 ജൂലൈ 8ന് പ്രകാശ് അശോക് എന്ന എക്സ് അക്കൌണ്ടിൽ പങ്കുവച്ച ഹിന്ദി വാർത്ത കട്ടിങ് ലഭ്യമായി. ഇതിൽ നിന്നും ഹിന്ദി പത്രത്തിൽ പ്രസിദ്ധീകരിച്ച വാർത്തയെ വിവർത്തനം ചെയ്ത് അമേരിക്കൻ പത്രമാണെന്ന രീതിയിൽ അവതരിപ്പിക്കുകയാണെന്ന് വ്യക്തമായി. എക്സ് പോസ്റ്റ് ഇവിടെ കാണാം. ഈ ഹിന്ദി വാർത്ത ഗൂഗിൾ ലെൻസിലൂടെ വിവർത്തനം ചെയ്തു നോക്കിയപ്പോൾ വൈറൽ ചിത്രത്തിന് സമാനമായ വാക്കുകൾ തന്നെയാണ് ഉള്ളതെന്ന് വക്തമായി. വിവർത്തനം ചെയ്തതിന്റെ ചിത്രം ചുവടെ കാണാം. സാൻ ഫ്രാൻസിസ്കോയിൽ താമസിക്കുന്ന ഇന്ത്യക്കാരെ അഭിസംബോധന ചെയ്ത് രാഹുൽ ഗാന്ധി നടത്തിയ പ്രസംഗത്തെ കുറിച്ച് മെയ് 31 ന് പ്രസിദ്ധീകരിച്ച വാർത്ത കട്ടിങ്ങിൽ പരാമർശിച്ചിട്ടുണ്ട്. വൈറലായ പത്ര റിപ്പോർട്ടിൽ പറഞ്ഞ കാര്യങ്ങൾ മറ്റ് മാധ്യമങ്ങളും റിപ്പോർട്ട് ചെയ്തിട്ടുണ്ട്. ഏത് ഹിന്ദി പത്രത്തിന്റെ കട്ടിങ്ങാണ് തെറ്റായ രീതിയിൽ പ്രചരിപ്പിക്കുന്നതെന്ന് കണ്ടെത്താനായില്ല. ഇന്ത്യാ ടുഡേ ഹിന്ദി ഫാക്റ്റ്ചെക്കിങ് ടീമിന്റെ സഹായത്തോടെ പരിശോധിച്ചപ്പോൾ ഈ പത്ര കട്ടിങ് മുഖ്യധാരാ പത്രത്തിന്റേതല്ലെന്ന് വ്യക്തമായി. തലക്കെട്ടിൽ തന്നെ, രാഹുൽ ഗാന്ധിയുടെ പ്രസ്താവനകളെ "ഭ്രാന്തൻ അസംബന്ധം" എന്ന രീതിയിലുള്ള വാക്ക് ഉപയോഗിച്ചാണ് അഭിസംബോധന ചെയ്തിരിക്കുന്നത്. ഇത്തരമൊരു ഭാഷ മുഖ്യധാര പത്രങ്ങൾ ഉപയോഗിക്കാറില്ല. ലഭ്യമായ വിവരങ്ങളിൽ നിന്നും രാഹുൽ ഗാന്ധി ഇന്ത്യക്കാരനാണോ എന്ന ചോദ്യം ഉന്നയിച്ച അമേരിക്കൻ പത്രം എന്ന രീതിയിൽ പ്രചരിക്കുന്നത് 2023ലെ ഒരു ഹിന്ദി പത്രം കട്ടിങ്ങിനെ ഇംഗ്ലീഷിലേക്ക് വിവർത്തനം ചെയ്തതിന്റെ ചിത്രമാണെന്ന് വ്യക്തമായി. രാഹുൽ ഗാന്ധി ഇന്ത്യക്കാരനാണോ പാകിസ്ഥാനിയാണോ എന്ന് ചോദിക്കുന്ന അമേരിക്കൻ പത്രത്തിലെ വാർത്തയുടെ ചിത്രം. വൈറൽ ചിത്രം ഹിന്ദി പത്രവാർത്ത ഗൂഗിൾ ലെൻസ് ഉപയോഗിച്ച് ട്രാൻസലേറ്റ് ചെയ്തതാണ്. രാഹുൽ ഗാന്ധിയുടെ 2023ലെ അമേരിക്കൻ സന്ദർശനത്തിനിടെ പ്രസിദ്ധീകരിച്ച വാർത്തയാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software