About: http://data.cimple.eu/claim-review/885c5347aefb35aec342b52c40283d126f65856fba553c09596a4526     Goto   Sponge   Distinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഹൈന്ദവ ആചാര പ്രകാരം പതൃ സ്മരണയ്ക്കായി ബലിതര്പ്പണം നടത്തുന്ന ദിവസമാണ് കര്ക്കടക മാസത്തിലെ കറുത്തവാവ്. ഇന്നാണ് ഈ വര്ഷത്തെ കര്ക്കടക വാവ്. ഇതിനോടനുബന്ധിച്ച് ബലിതര്പ്പണ കേന്ദ്രങ്ങളിലേക്ക് സ്പെഷ്യല് സര്വീസ് നടത്തുന്ന കെഎസ്ആര്ടിസി ബസുകള്ക്ക് ടിക്കറ്റ് നിരക്കിന്റെ 30% അധിക തുക നല്കണം. ഇതുമായി ബന്ധപ്പെട്ട് തെറ്റിദ്ധാരണ പരത്തുന്ന ചില പോസ്റ്റുകള് സമൂഹമാധ്യമങ്ങളില് വൈറലാണ്. 'മന്ദബുദ്ധി വോട്ടര്മാരായ കൃസ്ത്യാനികള്ക്കും ഹിന്ദുക്കള്ക്കുമായി സമര്പ്പിക്കുന്നു. ഹജജ് യാത്ര സൗജന്യമാക്കിയത് മുതലാക്കാന് വേറെ വഴിയില്ല ' എന്നുള്ള കുറിപ്പിനൊപ്പം ബസ് ചാര്ജ് വര്ധനവിന്റെ ഒരു വാര്ത്താ റിപ്പോര്ട്ടുമുണ്ട്. ഈ ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഉത്സവ സീസണിലെ ബസ് ചാര്ജ് വര്ധനവുമായി ബന്ധപ്പെട്ട നിയമം അനുസരിച്ചാണ് കര്ക്കടക വാവ് സ്പെഷ്യല് സര്വീസുകളുടെ നിരക്ക് വര്ധന. AFWA അന്വേഷണം പ്രചരിക്കുന്ന പോസ്റ്റിലുള്ളത് കര്ക്കടക വാവുബലി സ്പെഷ്യല് ബസ് സര്വീസുകള്ക്ക് 30% ടിക്കറ്റ് നിരക്ക് വര്ധിപ്പിച്ച വാര്ത്തയാണ്. ചില ഓണ്ലൈനുകളിലും ഇതുസംബന്ധിച്ച് വാര്ത്ത നല്കിയിട്ടുണ്ടെന്ന് കണ്ടെത്താനായി. ഇതുസംബന്ധിച്ച് അന്വേഷണം നടത്തിയപ്പോള് ഉത്സവ കാലങ്ങളിലെ പ്രത്യേക സര്വീസുകള്ക്ക് 30% അധിക നിരക്ക് ഈടാക്കാന് കെഎസ്ആര്ടിസിക്ക് അനുവാദമുണ്ടെന്ന് മനസിലാക്കാനായി. മോട്ടോര് വാഹന നിയമം 2012 പ്രകാരമാണ് ഉത്സവസീസണിലെ സ്പെഷ്യല് സര്വീസുകള്ക്ക് 30% അധിക നിരക്ക് ഈടാക്കാന് അനുവദിക്കുന്നത്. കെഎസ്ആര്ടിസിക്ക് മാത്രമല്ല സ്വകാര്യ ബസ് സര്വീസുകള്ക്കും ഉത്സവ സീസണില് നിരക്ക് വര്ധന നടപ്പാക്കാവുന്നതാണ്. ഇതുസംബന്ധിച്ച് ആക്ടില് വ്യക്തമാക്കുന്ന പ്രസക്ത ഭാഗം താഴെ കാണാം. അതായത് നിയമപ്രകാരം ഉത്സവ സീസണില് നിശ്ചിത നിരക്ക് വര്ധിപ്പിക്കാനുള്ള അനുവാദമുണ്ട്. ഏതെല്ലാം ഉത്സവങ്ങള്ക്കാണ് ഇത്തരത്തില് നിരക്ക് വര്ധന ബാധകമാകുന്നതെന്ന കാര്യവും ഞങ്ങള് പരിശോധിച്ചു. 2020ല് ഇതുസബംന്ധിച്ച് സര്ക്കാര് പുറപ്പെടുവിച്ച ഉത്തരവില് ആരാധനാലയങ്ങളുടെ ലിസ്റ്റ് കണ്ടെത്താനായി. 53 ആരാധനാലയങ്ങളുടെ പട്ടികയാണ് ഇതില് ഉള്പ്പെട്ടിട്ടുള്ളത്. ഇവയില് ക്ഷേത്രങ്ങള്, പള്ളികള്, മോസ്കുകള് തുടങ്ങി എല്ലാ മതവിഭാഗങ്ങളുടെയും ആരാധനാലയങ്ങളുണ്ട്. ഉത്സവങ്ങളുടെ ദിവസം അനുസരിച്ചാണ് നിരക്കു വര്ധന. സാധാരണ ദിവസങ്ങളില് ഈ വര്ധനവ് ബാധകമല്ലെന്നതും വ്യക്തമാണ്. ലിസ്റ്റില് 23-ാമതായാണ് കര്ക്കടക വാവിനെ കുറിച്ച് പറയുന്നത്. കര്ക്കടക വാവ് സ്പെഷ്യല് ബസ് സര്വീസുകള്ക്ക് രണ്ട് ദിവസമാണ് ഉയര്ന്ന നിരക്ക് ഈടാക്കാന് അനുവാദമുള്ളത്. ഇതുസംബന്ധിച്ച് വ്യക്തമാക്കുന്ന ഭാഗം താഴെ കാണാം. മുന്പ് സമാനമായ രീതിയില് ശബമലയിലെ ബസ് ചാര്ജ് വര്ധനവിനെക്കുറിച്ചും കൊട്ടിയൂര് അമ്പലത്തിലെ ഉത്സവ സീസണിലെ നിരക്ക് വര്ധനവിനെക്കുറിച്ചും തെറ്റിദ്ധരിപ്പിക്കുന്ന സന്ദേശങ്ങള് വൈറലായപ്പോള് ഇന്ത്യാ ടുഡേ ഫാക്ട് ചെക്ക് റിപ്പോര്ട്ടുകള് നല്കിയിരുന്നു. ഇവ താഴെ കാണാം. Fact Check: നിലയ്ക്കല്-പമ്പ റൂട്ടിലെ ബസ് ചാര്ജ് 100 രൂപയാണോ? Fact Check: കൊട്ടിയൂർ ഉത്സവത്തിന് KSRTC നിരക്ക് ഉയർത്തുന്നത് എന്തുകൊണ്ട്? പോസ്റ്റില് പറയുന്ന മറ്റൊരു വിവരം ഹിന്ദു-ക്രിസ്ത്യന് വിഭാഗക്കാര്ക്ക് മാത്രമാണ് ഇത്തരമൊരു വര്ധനവെന്നും മുസ്ലീം വിഭാഗങ്ങളിലെ ആരാധനാലയങ്ങളില് സൗജന്യമാണെന്നുമുള്ള വിവരമാണ്. എന്നാല് ഇതും തെറ്റിദ്ധരിപ്പിക്കുന്നതാണെന്ന് സര്ക്കാര് നല്കിയിട്ടുള്ള ലിസ്റ്റില് നിന്ന് വ്യക്തമാകും. കൂടാതെ ഹജ്ജ് തീര്ഥാടകര്ക്കായി ഏര്പ്പെടുത്തുന്ന കെഎഎസ്ആര്ടിസി സര്വീസുകള് സൗജന്യ നിരക്കിലല്ല എന്നതും മറ്റൊരു വിവരമാണ്. ഇതു സംബന്ധിച്ച് 2016ല് മാതൃഭൂമി നല്കിയ വാര്ത്തയിലും 2018ല് മീഡിയ വണ് നല്കിയ വാര്ത്തയിലും ടിക്കറ്റ് നിരക്കിനെപ്പറ്റി പറയുന്നുണ്ട്. കൂടാതെ ഇക്കഴിഞ്ഞ ജൂണ് 2ന് കെഎസ്ആര്ടിസിയുടെ ഔദ്യോഗിക ഫേസ്ബുക്ക് പേജില് ഹജ്ജ് ക്യാമ്പില് നിന്ന് നെടുമ്പാശേരി എയര്പോര്ട്ടിലേക്കുള്ള സര്വീസിനെപറ്റി വ്യക്തമാക്കുന്ന പോസ്റ്റ് ലഭ്യമായി. ഇതിലും ടിക്കറ്റ് നിരക്കിനെപ്പറ്റി പ്രതിപാതിക്കുന്നുണ്ട്. കെഎസ്ആര്ടിസിയുടെ ഫേസ്ബുക്ക് പോസ്റ്റ് ഇവിടെ കാണാം. ലഭ്യമായ വിവരങ്ങളില് നിന്ന് കര്ക്കടക വാവ് സ്പെഷ്യല് ബസ് ഫെയര് സംബന്ധിച്ച് പ്രചരിക്കുന്നത് തെറ്റിദ്ധരിപ്പിക്കുന്ന സന്ദേശമാണെന്ന് വ്യക്തം. കര്ക്കടക വാവിനുള്ള സ്പെഷ്യല് ബസ് സര്വീസിന് 30% ഇരട്ടി നിരക്ക് ഏര്പ്പെടുത്തി കെഎസ്ആര്ടിസി. ഹിന്ദുക്കളുടെ ഉത്സവങ്ങള്ക്ക് മാത്രമാണ് ഇത്തരത്തില് വിവേചനം. മോട്ടോര് വാഹന നിയമം 2012 പ്രകാരമാണ് ഉത്സവ സീസണുകളില് 30% നിരക്ക് വര്ധനവ് നടപ്പാക്കുന്നത്. കേരളത്തിലെ 53 പ്രധാന ആരാധനാലയങ്ങളിലെ ഉത്സവങ്ങള്ക്ക് ഇത് ബാധകമാണ്്. ഇവയില് ഹിന്ദു, ക്രിസ്ത്യന്, മുസ്ലീം ആരാധനാകേന്ദ്രങ്ങള് എല്ലാം ഉള്പ്പെടും.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software