| schema:text
| - Raportim i rremë për Ramush Haradinaj
Deklarata
Kur e bleva 3.50 euro arin Dauti më tha pse u ngute se ta kisha gjete ma lirë
Vlerësimi
Rrenë
Ish-kryeministri i Kosovës, Ramush Haradinaj asnjëherë nuk ka deklaruar se “kur e bleva 3.50 euro arin Dauti më tha pse u ngute se ta kisha gjete ma lirë”- si i është mveshur në këtë postim. Në raportin e shitjeve të ndërmarrjeve shoqërore të Agjencisë Kosovare të Privatizimit figuron se Ramush Haradinaj i ka privatizuar 198 hektarë tokë në vlerë prej 70 mijë euro. Lidhur me blerjen e kësaj toke, Haradinaj kishte deklaruar “kam blerë në privatizim me ligjet e Kosovës, në çmim të tregut tokën e babait tim në Gllogjan, ka qenë dikur kooperativë tash është djerrinë, s’kam blerë metër katror jashtë katundit tim”.
Artikulli
Më 11 janar 2024 në Facebook (arkive) është publikuar një fotografi e kreut të Aleancës për Ardhmërinë e Kosovës, Ramush Haradinaj me vëllaun e tij, Daut Haradinaj. Kjo fotografi është publikuar me mbishkrimin “Kur e bleva 3.50 euro arin Dauti më tha pse u ngute se ta kisha gjete ma lirë”.
Krypometër ka kontaktuar me zëdhënësin e partisë, Aleanca për Ardhmërinë e Kosovës, Kushtrim Xhemali, për të parë nëse kryetari i kësaj partie e ka bërë një deklarim të tillë.
Ai ka thënë se Haradinaj asnjëherë nuk e ka bërë një deklarim të tillë.
“Shpifësit dihen me emër e mbiemër e prapë vazhdojnë prodhimin e ‘fake news’ për ta sulmuar Ramush Haradinajn”- është shprehur Xhemaili.
Krypometër përmes kërkimeve në rrjetet sociale dhe internet ka gjetur disa deklarime që i kishte bërë Haradinaj rreth blerjes së tokës nga Agjencia Kosovare e Privatizimit.
Më 3 nëntor 2021, Ramush Haradinaj ishte deklaruar (arkive) në RTV Dukagjini lidhur me akuzën e kryeministrit Kurti se ai e kishte blerë një ari tokë për vetëm 3.50 euro.
Ai e kishte pranuar që ka blerë tokë, por kishte thënë se ajo tokë është e familjes së tij që i ishte tjetërsuar nga shteti në mënyrë arbitrare.
“Unë kam blerë në privatizim me ligjet e Kosovës, në çmim të tregut tokën e babait tim në Gllogjan, ka qenë dikur koperativë tash është djerrinë, s’kam blerë metër katror jashtë katundit tim. Unë e kam blerë tokën që na e ka marrë kooperativa, e kam në oborr të shpisë, në çmim të tregu të asaj kohe. Turp është të marrësh pagen e Kosovës e të blesh banesë në Norvegji, gruaja e tij ka ble banesë 400 mijë euro, unë e kam blerë tokën që na e kanë marrë dikur, e kam riblerë tokën time”- ishte shprehur Haradinaj.
Në një deklarim tjetër në ATV, Haradinaj kishte thënë se është i gatshëm me dhanë tokën e edhe jetën për Kosovën.
Më 19 tetor 2021 në seancën plenare të Kuvendit, kryeministri i Kosovës, Albni Kurti kishte akuzuar kreun e AAK-së, Ramush Haradinaj se e ka blerë pronë 3.50 euro ari.
Në raportin e shitjeve të ndërmarrjeve shoqërore të Agjencisë Kosovare të Privatizimit figuron se Ramush Haradinaj i ka privatizuar 198 hektarë tokë në vlerë prej 70 mijë euro.
Derisa, përmes reverse image ka gjetur se foto e përdorur në ilustrim të këtij postimi është përdorur si ilustrim për raportime të ndryshme që nga viti 2018.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)