| schema:text
| - Fact Check: કેમ્બ્રિજમાં રાહુલ ગાંધીની નેમ પ્લેટ પર લખેલું ન હતું ‘રાહુલ રાજીવ ફિરોઝ’, એડિટેડ છે ફોટો
- By: Umam Noor
- Published: Apr 11, 2023 at 11:16 AM
નવી દિલ્હી (વિશ્વાસ ન્યૂઝ): સોશિયલ મીડિયા પર એક તસવીર વાયરલ થઈ રહી છે, જેમાં દાવો કરવામાં આવ્યો છે કે રાહુલ ગાંધીના કેમ્બ્રિજ સ્પીચ દરમિયાન તેમની આગળ મૂકવામાં આવેલી નેમ પ્લેટ પર ‘રાહુલ રાજીવ ફિરોઝ’ લખેલું હતું. આ તસવીરને સમાન દાવા સાથે સોશિયલ મીડિયાના અલગ-અલગ સોશિયલ મીડિયા પ્લેટફોર્મ પર શેર કરવામાં આવી રહી છે.
વિશ્વાસ ન્યૂઝને તેની તપાસમાં જાણવા મળ્યું કે રાહુલ ગાંધીના કેમ્બ્રિજ યુનિવર્સિટીમાં સંબોધન દરમિયાન તેમની આગળ લગાવવામાં આવેલી નેમ પ્લેટ પર કંઈપણ લખવામાં આવ્યું ન હતું. દુષ્પ્રચારના આશયથી નેમ પ્લેટ પર ‘રાહુલ રાજીવ ફિરોઝ’ને એડિટ કરીને લખવામાં આવ્યું છે.
શું છે વાયરલ પોસ્ટમાં?
એક ફેસબુક યુઝરે વાયરલ પોસ્ટ શેર કરી છે, જેમાં રાહુલ ગાંધીની કેમ્બ્રિજમાં આપવામાં આવેલી સ્પીચની તસવીર છે અને આગળ રાખવામાં આવેલી નેમ પ્લેટમાં લખ્યું છે કે, “Rahul Rajiv Feroz GOLD FROM POTATO EXPERT. WAYANAD, KERALA.”
પોસ્ટના આર્કાઇવ વર્ઝનને અહીં જુઓ.
તપાસ
અમને જાણવા મળ્યું કે હિન્દુ યુવા વાહિની ગુજરાત પ્રદેશના નિવર્તમાન પ્રભારી યોગી દેવનાથે પણ આ એડિટેડ તસવીરને ટ્વીટ કરી હતી અને આ ટ્વીટને 1.5 લાખ વ્યૂઝ મળ્યા છે.
અમારી તપાસ શરૂ કરતા અમે સૌથી પહેલા વાયરલ તસવીરને ગૂગલ લેન્સ દ્વારા સર્ચ કરી. સર્ચમાં અમને આ તસવીર 5 માર્ચે નેશનલ હેરાલ્ડમાં પ્રકાશિત થયેલા એક ઓપિનિયન આર્ટિકલમાં મળી. અહીં સ્પષ્ટપણે જોઈ શકાય છે કે રાહુલની આગળ દેખાતી નેમ પ્લેટ પર કંઈ લખેલું નથી.
તપાસને આગળ વધારતા અમે ઓરિજનલ તસવીર સામ પિત્રોડાના ટ્વિટર હેન્ડલ પર 1 માર્ચ 2023ના રોજ કરવામાં આવેલા એક ટ્વિટમાં મળી. આ ટ્વિટમાં આ જ પ્રસંગની બીજી પણ ઘણી તસવીરો જોઈ શકાય છે અને કોઈ પણ તસવીરમાં નેમ પ્લેટ પર ‘રાહુલ રાજીવ ફિરોઝ’ લખેલું દેખાતું નથી.
અસલ તસવીરને કોંગ્રેસ નેતા પવન ખેરાના ટ્વિટર હેન્ડલ પર પણ જોઈ શકાય છે.
બંને તસવીરોને જોઈને ખબર પડે છે કે વાયરલ તસવીર એડિટેડ છે. અસલ ફોટોમાં રાહુલ ગાંધીની નેમ પ્લેટ પર કંઈ લખેલું નથી, જ્યારે એડિટેડ તસવીરમાં ‘Rahul Rajiv Feroz GOLD FROM POTATO EXPERT. WAYANAD, KERALA’ લખેલું છે.
અહેવાલો અનુસાર , “રાહુલ ગાંધીએ કેમ્બ્રિજ યુનિવર્સિટીમાં‘Learning to Listen in the 21st Century’ ટોપિક પર ભાષણ આપ્યું હતું.”
અમે વાયરલ સાથે સંબંધિત પુષ્ટિ યુપી કોંગ્રેસ પાર્ટીના પ્રવક્તા અભિમન્યુ ત્યાગીનો સંપર્ક કર્યો અને તેમની સાથે વાયરલ પોસ્ટ શેર કરી. તેઓએ અમને કહ્યું કે આ તસવીર એડિટેડ છે.
ફેક પોસ્ટ શેર કરનાર ફેસબુક યુઝરના સોશિયલ સ્કેનીંગમાં અમને જાણવા મળ્યું કે યુઝર ‘રુદ્ર રાહુલ ચૌબે’ પટનાના રહેવાસી છે અને તેમને ફેસબુક પર 1070 લોકો ફોલો કરે છે.
નિષ્કર્ષ: વિશ્વાસ ન્યૂઝને તેની તપાસમાં જાણવા મળ્યું છે કે કેમ્બ્રિજ યુનિવર્સિટીમાં રાહુલ ગાંધીના ભાષણ દરમિયાન તેમની સામે મૂકવામાં આવેલી નેમ પ્લેટ પર કંઈપણ લખવામાં આવ્યું ન હતું. દુષ્પ્રચારના આશયથી નેમ પ્લેટ પર ‘રાહુલ રાજીવ ફિરોઝ’ એડિટ કરીને લખવામાં આવ્યું છે.
- Claim Review : કેમ્બ્રિજના ભાષણ દરમિયાન રાહુલ ગાંધીની સામે મૂકવામાં આવેલી નેમ પ્લેટ પર 'રાહુલ રાજીવ ફિરોઝ' લખેલું હતું.
- Claimed By : રુદ્ર રાહુલ ચોબે
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)