| schema:text
| - Video e manipuluar për Albin Kurtin
Deklarata
Kur flasim keq per vetveten cka pritet te thojne te tjeret
Vlerësimi
Rrenë
Video në të cilën Albin Kurti gjoja flet për krimet e supozuara të UÇK në një tubim elektoral është e manipuluar. Video është bërë në vitin 2021 gjatë fushatës zgjedhore për Zgjedhjet komunale dhe aty Kurti nuk flet për krimet e supozuara të UÇK, por, për miratimin e buxhetit dhe e kërkon votën e qytetarëve për kandidaten e Lëvizjes Vetëvendosje, Mimoza Kusari Lila. Zëri që i është bashkëngjitur kësaj videoje është marrë nga një fjalim që Albin Kurti, derisa ishte Deputet i Kuvendit të Kosovës, e kishte mbajtur në vitin 2014 për të kundërshtuar formimin e Gjykatës Speciale. Nga fjalimi i plotë i është shkëputur vetëm një pjesë e deklarimit, në mënyrë që i njëjti të paraqitet rrejshëm si qëndrim i Kurtit. Kurti nuk ka thënë se UÇK ka kryer krimet më monstruoze.
Artikulli
Më 27.01.2025, faqja në Facebook AlbLajm.ch (arkiva dhe arkiva) ka publikuar një video në të cilën shihet kryeministri i Kosovës, Albin Kurti, njëherësh kandidat për Kryeministër i Lëvizjes Vetëvendosje.
Në video pretendohet se Kurti është duke folur për krimet e supozuara të UÇK në një tubim elektoral.
“Serbët kanë bërë më shumë krime, por krimet më monstruoze i kanë bërë shqiptarët, korrjen dhe trafikimin e organeve. Me të vërtetë, për nga sasia do të thuhet që serbët kanë bërë më shumë krime, ama krimet më monstruoze i kanë bë shqiptarët.”- dëgjohet duke thënë Kurti (arkiva dhe arkiva).
Për të verifikuar këtë informacion, Krypometër përmes kërkimit në internet ka gjetur videon reale, e cila ishte bërë në Gjakovë, gjatë kohës kur ishte duke u zhvilluar fushata zgjedhore e Zgjedhjeve lokale të vitit 2021.
Në këtë video Kurti kishte folur për procedurën e shkrimit dhe miratimit të buxhetit të Republikës së Kosovës dhe të Komunës së Gjakovës, për të cilën ai kishte premtuar se do të jetë në përputhje me nevojat e qytetarëve të kësaj Komune.
Në këtë video dhe në këtë takim Kurti nuk kishte folur për Gjykatën Speciale dhe as për krimet e supozuara të UÇK.
Tutje, Krypometër përmes kërkimit përmes fjalëve kyçe e ka gjetur videon e plotë, në të cilën Kurti flet për Gjykatën Speciale.
Nga fjalimi i plotë i kryeministrit Kurti, që ishte mbajtur në Kuvendin e Kosovës në vitin 2014, nuk kishte thënë se UÇK i ka kryer krimet më monstruoze.
“Pas kësaj Gjykate të veçantë do të thuhet që po, serbët kanë bërë më shumë krime, por krimet më monstruoze i kanë bërë shqiptarët, korrjen dhe trafikimin e organeve. Me të vërtetë, për nga sasia do të thuhet se serbët kanë bërë më shumë krime se Serbia, ama krimet më monstruoze i kanë bërë shqiptarët.”- deklaronte Kurti më 23 prill 2014 në Kuvend.
Më 03.08.2015, deputetët e Kuvendit të Kosovës me shumicë votash kishin votuar ndryshimet kushtetuese që i hapnin rrugën themelimit të Gjykatës Speciale e cila do të gjykonte pretendimet për krimet e luftës në Kosovë.
Votat pro për Specialen i dhanë një pjesë e madhe e deputetëve të Partisë Demokratike të Kosovës (PDK) dhe Lidhjes Demokratike të Kosovës (LDK).
Lëvizja Vetëvendosje, Aleanca për Ardhmërinë e Kosovës dhe Nisma për Kosovën kërkonin që të mos votohej ky mekanizëm i cili sipas tyre po cenonte rendin kushtetues.
Kjo video është publikuar vetëm disa ditë para Zgjedhjeve që pritet të mbahen më 09.02.20025, si është caktuar nga presidentja e Republikës së Kosovës, Vjosa Osmani.
Kurti është kandidat për Kryeministër nga radhët e Lëvizjes Vetëvendosje për një mandat të ri, në Zgjedhjet që pritet të mbahen më 09.02.2025.
Në këto Zgjedhje, kandidatë tjerë për kryeministra nga subjektet politike në vend janë: Bedri Hamza nga Partia Demokratike e Kosovës, Lumir Abdixhiku nga Lidhja Demokratike e Kosovës dhe Ramush Harandinaj nga Aleanca për Ardhmërinë e Kosovës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)