| schema:text
| - Rrena se përzierja e orizit me një përbërës mund të jetë fatal
Deklarata
Mjekët me urdhër të prere. Mos i shtoni këtë përbërës orizit kur e gatuani, mund të jetë ‘fatale’
Vlerësimi
Rrenë
Artikulli me titull “Mjekët me urdhër të prere. Mos i shtoni këtë përbërës orizit kur e gatuani, mund të jetë ‘fatale’” ka përmbajtje të rreme. Në artikull janë bërë konstatime të pa-mbështetura në shkencë dhe as nga profesionistët shëndetësor. Në artikull nuk është cituar asnjë burim kredibil, edhe pse titulli është bërë duke u thirrur në shkencë. Përveç mungesës së të dhënave në artikull, KALLXO.com ka kontaktuar gastroenterologun Driton Shabani i cili ka thënë se nuk ka hulumtime të cilat flasin se mënyra e zakonshme e përgatitjes (zierja) së orizit ka efekte të dëmshme në organizimin e njeriut.
Artikulli
Më 22 qershor 2023, faqja në Facebook “Rreth Botes” ka shpërndarë artikullin me titull “Mjekët me urdhër të prere. Mos i shtoni këtë përbërës orizit kur e gatuani, mund të jetë ‘fatale”.
I njëjti artikull është publikuar në faqen e internetit “KapeLajmin”. Në këtë artikull flitet për mënyrën e përgatitjes së orizit.
Titulli konstaton se mjekët kanë dhënë urdhër të prerë që orizit të mos i shtohet një përbërës i caktuar pasi që mund të jetë “fatale”.
Përkundër kësaj, në tekst dhe video në asnjë vend nuk përmendet ndonjë përbërës i caktuar me të cilin nuk duhet të përgatitet orizi. Pra, titulli dhe përmbajtja e artikullit kanë përmbajtje të cilat nuk përkojnë.
Në artikull dhe video, poashtu nuk tregohet ndonjë burim kredibil i cili ka dhënë urdhër të tillë si paralajmërohet në titull.
Tutje teksti flet për një mënyrë të caktuar se si duhet të përgatitet orizi. Kjo mënyrë është që orizi të lihet natën në ujë, më pas të hiqet uji i ndenjur dhe të zihet në tenxhere me ujë të pastër, me një gotë oriz dhe pesë gota ujë.
“Eksperimentet sugjerojnë se metoda e zakonshme për gatimin e orizit mund t’i ekspozojë konsumatorët në gamën e problemeve te shumta” – thuhet në tekst, por për këtë nuk është dhënë asnjë argument shkencor.
Po ashtu, sipas artikullit shkencëtarët thonë se konsumimi normal i orizit krijon sëmundje dhe probleme të ndryshme. Mirëpo, as këtu nuk përmendet emri i ndonjë burimi kredibil.
KALLXO.com ka kontaktuar me Driton Shabanin, Gastroenterolog.
“Nuk ka hulumtime të cilat flasin se mënyra e zakonshme e përgatitjes (zierja) ka efekte të dëmshme në organizimin e njeriut”- ka thënë Shabani për KALLXO.com.
Zarife Gashi, mjeke e përgjithshme, ka thënë nuk ka bazë shkencore konstatimi se konsumimi i orizimit mund të jetë fatal. Ajo ka thënë se artikulli i tillë ka konstatime të rreme, të cilat ngrisin panikë tek qytetarët.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)