About: http://data.cimple.eu/claim-review/07f31195d09e90340c738acd7f63ee290732fa17cc7e7f790e5f1bf1     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന്റെ ബുള്ഡോസര് നടപടി വാര്ത്തകളില് ഇടംപിടിക്കാറുണ്ട്. ക്രിമിനലുകളെയും ഗൂണ്ടാലിസ്റ്റിലുള്ളവരെയും അറസ്റ്റ് ചെയ്യുമ്പോള് അവരുടെ വീട് ഇടിച്ചു നിരത്തുന്ന നടപടി യുപിയില് വ്യാപകമാണ്. അതിനിടെ ഉത്തര്പ്രദേശിലെ ഒരു മുസ്ലീം പള്ളിയില് പാകിസ്ഥാന് പതാക ഉയര്ത്തിയതിനെത്തുടര്ന്ന് യോഗിയുടെ പൊലീസ് പള്ളി ഇടിച്ചു നിരത്തിയെന്ന രീതിയില് ഒരു വീഡിയോ സമൂഹമാധ്യമങ്ങളില് വ്യാപകമായി പ്രചാരത്തിലുണ്ട്. "പ്രയാഗ്രാജ്, യുപിയില് പള്ളിക്ക് മുകളില് പാക്കിസ്ഥാന് പതാക ഉയര്ത്തി ദേശ വിരുദ്ധര് ???? പതാക മാറ്റാന് നിന്നില്ല പകരം ആ പള്ളി അങ്ങ് പൊളിച്ചു കളയാന് ഉത്തരവ് കൊടുത്തു യോഗിജീ ???? ഇതായിരിക്കണം രാജ്യസ്നേഹം ഇതാണ് ചങ്കുറപ്പുള്ള ഭരണാധിക്കാരി ?????? ##യോഗിആദിത്യനാഥ് അഭിനന്ദനങ്ങള് " എന്നുള്ള വീഡിയോയുടെ പൂര്ണ്ണരൂപം താഴെ കാണാം. എന്നാല് പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് വ്യക്തമായി. പ്രയാഗ്രാജിലെ മോസ്കില് പാകിസ്ഥാന് പതാക ഉയര്ത്തിയെന്നത് തെറ്റായ വിവരമാണ്. ആര്ക്കൈവ് ചെയ്ത ലിങ്ക് അന്വേഷണം പ്രചാരത്തിലുള്ള വീഡിയോയില് ഒരു മോസ്ക് ജെസിബി ഉപയോഗിച്ച് പൊളിച്ചുമാറ്റുന്നത് കാണാനാകും. പള്ളിക്ക് മുന്നിലൂടെയുള്ള റോഡില് ട്രാഫിക് കുരുക്കുണ്ടായപ്പോള് ആരോ പകര്ത്തിയ വീഡിയോ ആണെന്നും മനസിലാക്കാനാകും. ദൃശ്യത്തിലുള്ള വാഹനങ്ങളില് യുപി നമ്പര് പ്ലേറ്റുകളാണുള്ളത്. തുടര്ന്ന് വീഡിയോയുടെ നിജസ്ഥിതി അറിയാനായി ഞങ്ങള് ഇതിന്റെ കീഫ്രെയ്മുകള് റിവേഴ്സ് ഇമേജില് തിരഞ്ഞപ്പോള് നിരവധിപ്പേര് ഇത് സമൂഹമാധ്യമങ്ങളില് പങ്കുവച്ചിരിക്കുന്നതായി കാണാനായി. "ഷേര്ഷാ സൂരിയുടെ കാലത്ത് പണികഴിപ്പിച്ച അലഹബാദിലെ ഷാഹി മസ്ജിദ് പൊളിച്ചു നീക്കി, ജിടി റോഡ് വീതികൂട്ടുന്നതിനായി പൊതുമരാമത്ത് വകുപ്പ് ഉദ്യോഗസ്ഥരുടെ സാന്നിധ്യത്തിലായിരുന്നു നടപടി" എന്നാണ് ഇവയില് പറയുന്നത്. ഈ സൂചന ഉപയോഗിച്ച് പരിശോധിച്ചപ്പോള് 2023 ജനുവരിയില് ദൈനിക് ഭാസ്കര് നല്കിയ ഒരു റിപ്പോര്ട്ട് ലഭ്യമായി. പള്ളി പൊളിച്ചുമാറ്റുന്ന ദൃശ്യവും ഇതില് ഉള്പ്പെടുത്തിയിട്ടുണ്ട്. പ്രയാഗ്രാജിലെ ഹാന്ഡിയ തഹ്സിലിന് കീഴിലുള്ള സൈദാബാദ് മാര്ക്കറ്റിലെ ഷാഹി മസ്ജിദ് റോഡ് വീതികൂട്ടുന്നതിന്റെ ഭാഗമായാണ് പൊളിച്ചതെന്ന് വാര്ത്തയില് പറയുന്നു. അഡ്മിനിസ്ട്രേറ്റീവ് സെക്യൂരിറ്റി ഫോഴ്സിന്റെയും PWD ഉദ്യോഗസ്ഥരുടെയും സാന്നിധ്യത്തിലായിരുന്നു നടപടി. പ്രയാഗ്രാജ് മുതല് ഹാല്ദിയ വരെയുള്ള ജിടി റോഡ് കടന്നുപോകുന്നത് മസ്ജിദിനു മുന്നിലൂടെയാണ്. റോഡിന് വീതികൂട്ടാനായി പള്ളി പൊളിക്കണമെന്ന് ആവശ്യപ്പെട്ട് സംസ്ഥാന പൊതുമരാമത്ത് വകുപ്പ് അധികൃതര് ഷാഹി മസ്ജിദ് കമ്മിറ്റിക്ക് നോട്ടീസ് നല്കിയിരുന്നതായി റിപ്പോര്ട്ടില് പറയുന്നുണ്ട്. റിട്ട് ഹര്ജിയുമായി നാട്ടുകാര് നേരത്തെ ഹൈക്കോടതിയെ സമീപിച്ചിരുന്നെങ്കിലും കോടതി ഹര്ജി തള്ളിയിരുന്നു. അതേസമയം, ഇവിടെ പാകിസ്ഥാന് പതാക ഉയര്ത്തിയെന്നതിനെക്കുറിച്ച് റിപ്പോര്ട്ടില് ഒരിടത്തും പരാമര്ശമില്ല. തുടര്ന്ന് ഞങ്ങള് മറ്റ് മാധ്യമ റിപ്പോര്ട്ടുകളും പരിശോധിച്ചു. 2023 ജനുവരി ഒന്പതിന് ലൈവ് ഹിന്ദുസ്ഥാന് നല്കിയ വാര്ത്തയിലും സമാനമായ വിവരമാണുള്ളത്. പാകിസ്ഥാന് പതാകയുടെ കാര്യം ഇതിലും വ്യക്തമാക്കുന്നില്ല. പിന്നീടുള്ള തിരച്ചിലില് ഷാഹി മസ്ജിദ് പൊളിക്കുന്നതിനെക്കുറിച്ച് വ്യക്തമാക്കി പ്രയാഗ്രാജ് പൊലീസ് കമ്മിഷ്ണര് ട്വീറ്റ് നല്കിയതായി കണ്ടെത്തി. ഇതില് പറയുന്നത് 2023 ജനുവരി ഒന്പതിന് പള്ളി കമ്മറ്റിയും ഉദ്യോഗസ്ഥരും തമ്മില് ഇക്കാര്യം സംബന്ധിച്ച് വ്യക്തത വരുത്തിയതായും പള്ളിയുടെ അറിവോടെ ഉദ്യോഗസ്ഥര് നടപടി പൂര്ത്തിയാക്കിയെന്നുമാണ്. പൊലീസ് വിശദീകരണം താഴെ കാണാം. പള്ളയില് പാകിസ്ഥാന് പതാക ഉയര്ത്തി എന്ന രീതിയില് പ്രചരിക്കുന്നത് തെറ്റായ വിവരമാണെന്ന് മസ്ജിദ് ഉള്പ്പെടുന്ന പ്രദേശമായ ഹാന്ഡിയ പൊലീസ് സ്റ്റേഷനില് നിന്ന് മാധ്യമങ്ങളോട് വ്യക്തമാക്കിയിരുന്നു. പ്രദേശത്ത് അത്തരത്തിലൊരു പ്രശ്നവും ഉണ്ടായിട്ടില്ലെന്നും പൊലീസ് പറഞ്ഞു. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകളില് പറയുന്നതുപോലെ ഉത്തര്പ്രദേശിലെ മസ്ജിദില് പാകിസ്ഥാന് പതാക ഉയര്ത്തിയതിനെത്തുടര്ന്ന് മസ്ജിദ് പൊളിച്ചു കളയുന്നു എന്ന പ്രചാരണം അടിസ്ഥാന രഹിതമാണെന്ന് വ്യക്തം. പാകിസ്ഥാന് പതാക ഉയര്ത്തിയതിന് യുപിയിലെ പ്രയാഗ്രാജില് മസ്ജിദ് പൊളിച്ചു നീക്കുന്ന ദൃശ്യം. പ്രയാഗ്രാജ് മുതല് ഹാല്ദിയ വരെയുള്ള ജിടി റോഡ് വീതികൂട്ടുന്നതിന്റെ ഭാഗമായി ഷാഹി മസ്ജിദ് പൊളിച്ചുമാറ്റുന്ന ദൃശ്യമാണിത്. ഈ മസ്ജിദില് പാകിസ്ഥാന് പതാക ഉയര്ത്തിയെന്നത് തെറ്റായ വിവരമാണെന്ന് പൊലീസ് സ്ഥിരീകരിച്ചിട്ടുണ്ട്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software