| schema:text
| - Publikimi i pambështetur se Kosova thyen passwordin e Serbisë
Deklarata
Kosova thyer paswordin Serbisë
Vlerësimi
Rrenë
Publikimi se Kosova thyer paswordin Serbisë është i rremë. Krypometër me burime zyrtare ka konfirmuar se pamjet që shfaqen në publikim nuk janë nxjerrë nga ndonjë proces i thyerjes së paswordëve, por nga dronët të cilët janë konfiskuar nga grupi terrorrist.
Artikulli
Më datë 1 tetor 2023, faqja në Facebook “Flaka Tv” ka publikuar një video material në të cilin shfaqen pamje të sulmit që kishte ndërmarrë një grup i dyshuar terrorist në Banjskë të Zveçanit dhe kundërsulmin e pjesëtarëve të Policisë së Kosovës në orët e hershme të asaj dite.
Faqja në Facebook përkrah këtyre pamjeve të cilat i ka publikuar ka shkruar “Kosova thyen passwordin e Serbisë”.
Krypometri ka verifikuar se pamjet të cilat janë përdorur nga faqja “Flaka tv” janë të njëjtat që Policia e Kosovës më 1 tetor 2023 i prezantoi në një konferencë të jashtëzakonshme për media që u mbajt në Drejtorinë e Policisë në Mitrovicën e Jugut.
Por, sipas verifikimit të Krypometrit, në asnjë rast Policia e Kosovës nuk kishte përmendur se ka thyer pasworde të Serbisë.
Njoftimi zyrtar i Zyrës për Media të Policisë së Kosovës më 1 tetor 2023 thotë specifikisht se pamjet e publikuara janë marrë nga dëshmitë e konfiskuara nga grupi terrorist.
“Nga dëshmitë e konfiskuara prej grupit terrorist, posaçërisht nga dronët e tyre janë nxjerrë pamje reale ku shihen anëtarët e grupit terrorist duke kryer përgatitje, trajnime si dhe duke simuluar operacione të sulmeve të ndryshme”- thuhet në komunikatën e Policisë më datë 1 tetor 2023.
Për të ri-konfirmuar këtë, Krypometri ka biseduar me zyrtarët nga Zyra për Media e Policisë së Kosovës.
“Çdo gjë që kemi për këtë çështje, i kemi thënë në konferencën të cilën e kemi mbajtur për këtë çështje, nuk ka asgjë jashtë kësaj”- ka thënë për Krypometrin Zyra për Media e Policisë së Kosovës me datë 29/10/2023.
Të njëjtat burime nga zyra e mediave kanë thënë se pamjet të cilat u jane dhënë mediave janë marrë nga dronët e konfiskuar, e jo nga ndojnë proces i thyerjes së paswordëve.
Në konferecën e 1 tetorit 2023, Policia e Kosovës publikoi prova të reja të cilat ishin zbuluar pas ekzaminimit të pajisjeve teknologjike të cilat i ka konfiskuar në Banjskë.
Aty drejtori i policisë Gazmend Hoxha sqaroi se pamjet ishin nxjerrë nga dronët të cilët u konfiskuan nga grupi terrorist.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)