About: http://data.cimple.eu/claim-review/13d1abe7670f5d72aa89af341b785ab2fd3094befe0c962e890e8d4e     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇന്ത്യയിലെ ഒട്ടുമിക്ക സംസ്ഥാനങ്ങളില് നിന്നുമുള്ള ആളുകള് ഉപജീവനമാര്ഗം തേടി ഗള്ഫ് രാജ്യങ്ങളിലേക്ക് കടല്കടന്നുപോയിട്ടുണ്ട്. ഇതിലൂടെ നാടിനും കുടുംബത്തിനും അഭിവൃദ്ധിയുണ്ടായിട്ടുണ്ട്. സമാനരീതിയില് ഗള്ഫ് രാജ്യങ്ങളുടെ വളര്ച്ചയില് ഇന്ത്യക്കാര്ക്കുള്ള പങ്കും വളരെ വലുതാണ്. ഗള്ഫ് രാജ്യങ്ങളിലെ എല്ലാ തൊഴില്മേഖലയിലും ഇന്ത്യന് സാന്നിധ്യമുണ്ട്. ദുബായിയിലെ അല് മിന്ഹാദ് ജില്ലയുടെ പേര് ഹിന്ദ് സിറ്റി എന്ന് പുനര്നാമകരണം ചെയ്യുന്നത് ഇന്ത്യയോടുള്ള നന്ദിപ്രകടനം ആണെന്നാണ് സമൂഹമാധ്യമങ്ങളില് പ്രചരിക്കുന്നത്. "ദുബായ് ഭരണാധികാരിയും യുഎഇ പ്രധാനമന്ത്രിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂം UAE യിലെ ഒരു ജില്ലയ്ക്ക് 'ഹിന്ദ് സിറ്റി' എന്ന് പുനര്നാമകരണം ചെയ്യാന് ഉത്തരവിട്ടിരിക്കുകയാണ്. ഇന്ത്യയും ഹിന്ദുക്കളും മാനവികതയ്ക്ക് നല്കിയ സംഭാവനകളെ മാനിക്കുന്നതിനായി അല് മിന്ഹാദും അതിന്റെ ചുറ്റുമുള്ള 84 ചതുരശ്ര കിലോമീറ്റര് പ്രദേശങ്ങളും ഇനി മുതല് ഹിന്ദ് സോണുകള് എന്നറിയപ്പെടും. JaiHind" എന്ന പോസ്റ്റ് ഇവിടെ വായിക്കാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ദുബായ് ഭരണകൂടം ഇന്ത്യയോടുള്ള ആദരവ് പ്രകടിപ്പിക്കുന്നതിനല്ല നഗരത്തിന്റെ പേര് മാറ്റിയത്. AFWA അന്വേഷണം അല് മിന്ഹാദ് പ്രദേശവും, അതിന്റെ പരിസരപ്രദേശങ്ങളും ഉള്പ്പെടുന്ന മേഖലയുടെ പേര് 'ഹിന്ദ് സിറ്റി' എന്ന് പുനര്നാമകരണം ചെയ്തുകൊണ്ട് ദുബായ് ഭരണാധികാരി ഷെയ്ഖ് മുഹമ്മദ് ബിന് റാഷിദ് അല് മക്തൂം ഉത്തരവിറക്കി. 2023 ജനുവരി 29-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്. എമിറേറ്റ്സ് റോഡ്, ദുബായ് അല് ഐന് റോഡ്, ജബല് അലി ലെഹ്ബാബ് റോഡ് തുടങ്ങിയ പ്രധാന പാതകള് ഈ മേഖലയിലൂടെയാണ് കടന്ന് പോകുന്നത്. 83.9 കിലോമീറ്റര് വിസ്തൃതിയുള്ള ഈ മേഖലയെ ഹിന്ദ് 1, ഹിന്ദ് 2, ഹിന്ദ് 3, ഹിന്ദ് 4 എന്നിങ്ങനെ നാല് പ്രത്യേക സോണുകളായി തിരിച്ചിട്ടുണ്ട്. ഹിന്ദ് എന്നത് ഇന്ത്യയ്ക്കുള്ള അംഗീകാരം ആണെന്നാണ് സമൂഹമാധ്യമങ്ങളില് ഒരു വിഭാഗം ഉന്നയിക്കുന്ന വാദം. എന്നാല് ദുബായ് ഭരണകൂടം പുറത്തിറക്കിയ പത്രക്കുറിപ്പിലോ പത്രവാർത്തകളിലോ ഇത്തരത്തിലൊരു സൂചനയും ഇല്ല. ഹിന്ദ് ഒരു അറബിക് പേര് ആണ്. ദുബായ് ഭരണാധികാരി ഷെയ്ഖ് മുഹമ്മദ് ബിന് റാഷിദ് അല് മക്തൂം തന്റെ ഭാര്യ ഷെയ്ഖ ഹിന്ദ് ബിന്ത് മക്തൂമിനോടുള്ള ആദരവ് പ്രകടിപ്പിക്കുന്നതിനാണ് അല് മിന്ഹാദ് പ്രദേശത്തിന്റെ പേര് ഹിന്ദ് സിറ്റി എന്ന് പുനര്നാമകരണം ചെയ്തതെന്ന് എഎഫ്പി റിപ്പോര്ട്ട് ചെയ്തിട്ടുണ്ട്. ദുബായ് സര്ക്കാരിന്റെ മീഡിയ ഓഫീസ് ആണ് ഇക്കാര്യം വ്യക്തമാക്കിയത്. ദുബായിയില് ഇതാദ്യമായിട്ടല്ല പ്രദേശങ്ങളുടെയും ബില്ഡിങ്ങുകളുടെയും പേര് മാറ്റുന്നത്. ജെഎല്റ്റി, ബര്ഷാ ഹൈറ്റ്സ്, ബുര്ജ് ഖലീഫ, കൈറ്റ് ബീച്ച് തുടങ്ങിയവയൊക്കെ ഇങ്ങനെ പേരുമാറ്റം നടത്തിയ ഇടങ്ങളാണ്. ലഭ്യമായ വിവരങ്ങളുടെ അടിസ്ഥാനത്തില് ദുബായ് ഭരണാധികാരി ഷെയ്ഖ് മുഹമ്മദ് ബിന് റാഷിദ് അല് മക്തൂം തന്റെ ഭാര്യ ഷെയ്ഖ ഹിന്ദ് ബിന്ത് മക്തൂമിനോടുള്ള ആദരവ് പ്രകടിപ്പിക്കുന്നതിനാണ് അല് മിന്ഹാദ് പ്രദേശത്തിന്റെ പേര് ഹിന്ദ് സിറ്റി എന്ന് പുനര്നാമകരണം ചെയ്തത്. ഇതിന് ഇന്ത്യയുമായി ഒരു ബന്ധവുമില്ല. ദുബായിയിലെ അല് മിന്ഹാദ് ജില്ലയുടെ പേര് ഹിന്ദ് സിറ്റി എന്ന് പേരുമാറ്റുന്നത് ഇന്ത്യയോടുള്ള ആദരവ് പ്രകടിപ്പിക്കുന്നതിന് ദുബായ് ഭരണാധികാരി ഷെയ്ഖ് മുഹമ്മദ് ബിന് റാഷിദ് അല് മക്തൂം തന്റെ ഭാര്യ ഷെയ്ഖ ഹിന്ദ് ബിന്ത് മക്തൂമിനോടുള്ള ആദരവ് പ്രകടിപ്പിക്കുന്നതിനാണ് അല് മിന്ഹാദ് പ്രദേശത്തിന്റെ പേര് ഹിന്ദ് സിറ്റി എന്ന് പുനര്നാമകരണം ചെയ്തത്. ഇതിന് ഇന്ത്യയുമായി ഒരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software