| schema:text
| - ଫ୍ୟାକ୍ଟ ଚେକ୍: ପ୍ରଧାନମନ୍ତ୍ରୀଙ୍କ ବେରୋଜଗାର ଭତ୍ତା ଯୋଜନା 2022 ନାମରେ ସେୟାର କରାଯାଉଥିବା ପଞ୍ଜୀକରଣ ଲିଙ୍କ୍ ନକଲି
ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନରୁ ଜାଣିପାରିଛି ଯେ ଭାଇରାଲ୍ ପୋଷ୍ଟ ସହିତ କରାଯାଇଥିବା ଦାବି ମିଥ୍ୟା ଅଟେ। କେନ୍ଦ୍ର ସରକାରଙ୍କ ଦ୍ୱାରା ସେପରି କୌଣସି ଯୋଜନା ଚାଲୁ କରି ନାହାଁନ୍ତି କିମ୍ବା ଏଥିପାଇଁ କୌଣସି ପଞ୍ଜୀକରଣ ଫର୍ମ ଜାରି କରାଯାଇ ନାହିଁ। ଭାଇରାଲ୍ ପୋଷ୍ଟଟି ନକଲି ଅଟେ।
- By: Jyoti Kumari
- Published: Jun 26, 2022 at 07:20 PM
- Updated: Jul 10, 2023 at 11:39 AM
ନୂଆଦିଲ୍ଲୀ (ବିଶ୍ୱାସ ଟିମ୍)। ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଦାବି କରାଯାଉଛି ଯେ ପ୍ରଧାନ ମନ୍ତ୍ରୀ ବେରୋଜଗାର ଭତ୍ତା ଯୋଜନା 2022 ପାଇଁ ପଞ୍ଜୀକରଣ ଆରମ୍ଭ ହୋଇଛି। ଏହି ଯୋଜନା ଅଧୀନରେ ମୋଦୀ ସରକାର ବେରୋଜଗାର ଯୁବକମାନଙ୍କୁ ଜୀବିକା ନିର୍ବାହ ପାଇଁ ପ୍ରତି ମାସରେ 6000 ଟଙ୍କା ଦେବେ। ଭାଇରାଲ୍ ପୋଷ୍ଟରେ ଏକ ଲିଙ୍କ୍ ମଧ୍ୟ ଦିଆଯାଇଛି। ଦିଆଯାଇଥିବା ଲିଙ୍କରେ ୟୁଜରଙ୍କୁ ପଞ୍ଜିକରଣ କରିବାକୁ ମଧ୍ୟ କୁହାଯାଇଛି। ଅନୁସନ୍ଧାନରେ ବିଶ୍ୱାସ ନ୍ୟୁଜ୍ ଜାଣିବାକୁ ପାଇଲା ଯେ ଭାଇରାଲ୍ ପୋଷ୍ଟରେ କରାଯାଇଥିବା ଦାବି ମିଥ୍ୟା ଅଟେ। କେନ୍ଦ୍ର ସରକାରଙ୍କ ଦ୍ୱାରା ସେପରି କୌଣସି ଯୋଜନା ଆରମ୍ଭ ହୋଇନାହିଁ କିମ୍ବା ଏଥିପାଇଁ କୌଣସି ପଞ୍ଜୀକରଣ ଫର୍ମ ଜାରି କରାଯାଇ ନାହିଁ। ଭାଇରାଲ୍ ପୋଷ୍ଟ ମିଥ୍ୟା ଅଟେ।
ଭାଇରାଲ୍ ପୋଷ୍ଟରେ କ’ଣ ଅଛି?
ଭାଇରାଲ ପୋଷ୍ଟକୁ ସେୟାର କରି ଫେସବୁକ ବ୍ୟବହାରକାରୀ “ଅବିନଭ କୁମାର” ଲେଖିଛନ୍ତି ଯେ “ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି, ବେରୋଜଗାର ଯୁବକମାନଙ୍କୁ ଜୀବିକା ନିର୍ବାହ ପାଇଁ ସରକାର ପ୍ରତି ମାସରେ 6000 ଟଙ୍କା ଦେବେ, ପ୍ରଧାନମନ୍ତ୍ରୀ ବେରୋଜଗାର ଭତ୍ତା ଯୋଜନା 2022 ପାଇଁ ପଞ୍ଜୀକରଣ ଆରମ୍ଭ ହୋଇଛି, ଏହି ଯୋଜନା ଅଧୀନରେ ସମସ୍ତ ବେକାର ଯୁବକଙ୍କୁ ପ୍ରତି ମାସରେ 6000 ଟଙ୍କା ଦିଆଯାଉଛି।
ନିମ୍ନରେ ଦିଆଯାଇଥିବା ଲିଙ୍କରୁ ମୋବାଇଲ୍ ଜରିଆରେ ବର୍ତ୍ତମାନ ନିଜର ପଞ୍ଜିକରଣ କରନ୍ତୁ”
ଅନ୍ୟ କେତେକ ଉପଭୋକ୍ତା ଏହି ପୋଷ୍ଟ ସହିତ ମେଳ ଖାଉଥିବା ସମାନ ଦାବି ସେୟାର କରୁଛନ୍ତି। ଫେସବୁକ୍ ପୋଷ୍ଟଗୁଡ଼ିକର ବିଷୟବସ୍ତୁ ଏଠାରେ ଅବିକଳ ଲେଖା ହୋଇଛି। ଏହାର ଆର୍କାଇଭ୍ଡ ସଂସ୍କରଣ ଏଠାରେ ଦେଖାଯାଇପାରିବ। ବିଶ୍ୱାସ ନ୍ୟୁଜକୁ ଏହାର ଫ୍ୟାକ୍ଟ ଚେକିଂ ହ୍ୱାଟସ୍ ଆପ୍ ଚାଟବଟ୍ (+91 95992 99372)ରେ ଯାଞ୍ଚ କରିବା ପାଇଁ ଏହି ପୋଷ୍ଟ ମିଳିଥିଲା।
ଅନୁସନ୍ଧାନ
ଭାଇରାଲ୍ ପୋଷ୍ଟଗୁଡ଼ିକର ସତ୍ୟତା ଜାଣିବା ପାଇଁ ଆମେ ପ୍ରଥମେ ସଂପୃକ୍ତ କୀ ୱର୍ଡ ଟାଇପ୍ କରି ଏହାକୁ ଖୋଜିଲୁ। ଆମେ ଏପରି କୌଣସି ଖବର ପାଇଲୁ ନାହିଁ ଯେଉଁଥିରେ ସରକାର ବେକାର ଯୁବକମାନଙ୍କୁ ବେରୋଜଗାର ଭତ୍ତା ଭାବରେ ପ୍ରତି ମାସରେ 6000 ଟଙ୍କା ଦେବାକୁ ନିଷ୍ପତ୍ତି ନେଇଛନ୍ତି।
ଅନୁସନ୍ଧାନ ଆଗକୁବଢ଼ାଇ, ଆମେ ବାର୍ତ୍ତା ସହିତ ସେୟାର କରାଯାଇଥିବା ଲିଙ୍କରେ କ୍ଲିକ୍ କଲୁ। ଲିଙ୍କରେ କ୍ଲିକ୍ କରିବା ପରେ ଆବେଦନ କରିବାକୁ କୁହାଗଲା। ଏହା ଉପରେ କ୍ଲିକ୍ କରିବା ମାତ୍ରେ ଆପଣଙ୍କୁ ପେଟିଏମ୍, ଫୋନ୍ ପେ, ଗୁଗୁଲ୍ ପେ ନମ୍ବର ଲେଖିବା ପାଇଁ କୁହାଯିବ।
ଏଠାରେ ଧ୍ୟାନ ଦେବାର କଥା ହେଉଛି ଯେ ଯେତେବେଳେ ବି ଆମେ କୌଣସି ସରକାରୀ ଯୋଜନା ପାଇଁ ଅନଲାଇନ୍ ଆବେଦନ କରୁ, ସମ୍ପୂର୍ଣ୍ଣ ଫର୍ମ ପୂରଣ ନ କଲେ, ଆମର ଆବେଦନ ଗ୍ରହଣୀୟ ହୋଇ ନ ଥାଏ। ଆପଣଙ୍କର ନାମ କିମ୍ବା ଅନ୍ୟ କୌଣସି ବ୍ୟକ୍ତିଗତ ସୂଚନା ଏହି ପୂରା ପ୍ରକରଣରେ କୌଣସି ସ୍ଥାନରେ ପଚରା ଯାଇ ନାହିଁ। ଆମେ ଆମର ପାଠକମାନଙ୍କୁ ଅନୁରୋଧ କରୁଛୁ ଯେ ଏହିପରି କୌଣସି ଲିଙ୍କରେ କ୍ଲିକ୍ କରନ୍ତୁ ନାହିଁ।
ଆମେ ୱେବସାଇଟର ୟୁଆରଏଲକୁ ଧ୍ୟାନର ସହ ଦେଖିଲୁ ଏବଂ ଜାଣିବାକୁ ପାଇଲୁ ଯେ ଏହା କୌଣସି ସରକାରୀ ୱେବସାଇଟର ୟୁଆରଏଲ ନୁହେଁ। ଭାରତରେ, ସରକାରୀ ୱେବସାଇଟର ୟୁଆରଏଲ ଶେଷରେ .gov.in ଲେଖାଯାଇଥାଏ, କିନ୍ତୁ ଏହାର ୟୁଆରଏଲ ଶେଷରେ .blogspot.com ଲେଖାଯାଇଛି। ତେଣୁ ଏହା ସ୍ପଷ୍ଟ ଯେ ଏହି ଲିଙ୍କରେ ପଞ୍ଜୀକରଣ କରିବା ପରେ ମଧ୍ୟ ବେକାରି ଭତ୍ତା ମିଳିବ ନାହିଁ। ଏହା ଏକ ନକଲି ୱେବସାଇଟର ଲିଙ୍କ୍।
ଭାଇରାଲ୍ ଦାବି ସହ ଜଡିତ ସୂଚନା ପାଇଁ ଆମେ ସାଇବର ସୁରକ୍ଷା ବିଶେଷଜ୍ଞ ତଥା ରାଜସ୍ଥାନ ସରକାରଙ୍କ ଜନ ଅଭିଯୋଗ କମିଟିର ପୂର୍ବତନ ଆଇଟି ପରାମର୍ଶଦାତା ଆୟୁଷ ଭରଦ୍ୱାଜଙ୍କୁ ଭାଇରାଲ୍ ବାର୍ତ୍ତା ପଠାଇଲୁ। ଆୟୁଷ ଭରଦ୍ୱାଜ ଆମକୁ କହିଲେ, ଭାଇରାଲ୍ ପୋଷ୍ଟ ସମ୍ପୂର୍ଣ୍ଣ ମିଥ୍ୟା। କେବଳ ଉପଭୋକ୍ତାମାନଙ୍କ ତଥ୍ୟ ଚୋରି କରିବା ପାଇଁ ଏହା ଏକ ଉପାୟ। ଲିଙ୍କ୍ ଉପରେ କ୍ଲିକ୍ କଲେ, ଉପଭୋକ୍ତାଙ୍କର ସମସ୍ତ ସୂଚନା ସେମାନଙ୍କ ପାଖକୁ ଚାଲିଯିବ। ଅତୀତରେ ମଧ୍ୟ ଏହି ଦାବି ଅନେକ ଥର ଭାଇରାଲ ହୋଇଛି।
ଏହିଭଳି ସମାନ ଦାବି ପୂର୍ବରୁ ମଧ୍ୟ ଭାଇରାଲ ହୋଇଥିଲା, ସେତେବେଳେ ମଧ୍ୟ ବିଶ୍ୱାସ ନ୍ୟୁଜ୍ ଏହାର ଫ୍ୟାକ୍ଟ-ଚେକ୍ କରିଥିଲା। ଆପଣ ଆମର ପୂର୍ବ ଅନୁସନ୍ଧାନ ଏଠାରେ ପଢ଼ି ପାରିବେ।
ଅନୁସନ୍ଧାନ ପରେ ଫେସବୁକରେ ଏହି ପୋଷ୍ଟ ସେୟାର କରିଥିବା ଉପଭୋକ୍ତା ଅବିନଭ କୁମାରଙ୍କର ପ୍ରୋଫାଇଲ୍ ସ୍କାନ କରିବାର ପାଳି ଥିଲା। ୟୁଜର୍ ଷ୍ଟୁଡେଣ୍ଟସ୍ ସ୍କୁଲ୍ ଇନଫର୍ମେସନ୍ ନାମକ ଏକ ଫେସବୁକ୍ ପେଜରେ ଏହି ପୋଷ୍ଟକୁ ସେୟାର୍ କରିଛନ୍ତି। ଏହି ପୃଷ୍ଠାରେ 91 ଜଣ ସଦସ୍ୟ ଅଛନ୍ତି।
निष्कर्ष: ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନରୁ ଜାଣିପାରିଛି ଯେ ଭାଇରାଲ୍ ପୋଷ୍ଟ ସହିତ କରାଯାଇଥିବା ଦାବି ମିଥ୍ୟା ଅଟେ। କେନ୍ଦ୍ର ସରକାରଙ୍କ ଦ୍ୱାରା ସେପରି କୌଣସି ଯୋଜନା ଚାଲୁ କରି ନାହାଁନ୍ତି କିମ୍ବା ଏଥିପାଇଁ କୌଣସି ପଞ୍ଜୀକରଣ ଫର୍ମ ଜାରି କରାଯାଇ ନାହିଁ। ଭାଇରାଲ୍ ପୋଷ୍ଟଟି ନକଲି ଅଟେ।
- Claim Review : ପ୍ରଧାନମନ୍ତ୍ରୀଙ୍କ ବେରୋଜଗାର ଭତ୍ତା ଯୋଜନା 2022 ପାଇଁ ପଞ୍ଜୀକରଣ ଆରମ୍ଭ ହୋଇଛି, ଏହି ଯୋଜନା ଅଧୀନରେ ସମସ୍ତ ବେକାର ଯୁବକଙ୍କୁ ଜୀବିକା ନିର୍ବାହ ପାଇଁ ପ୍ରତି ମାସରେ 6000 ଟଙ୍କା ଦିଆଯାଉଛି।
- Claimed By : ଅବିନଭ କୁମାର
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)