| schema:text
| - മനുഷ്യനു പിടിതരാത്ത പ്രപഞ്ചരഹസ്യങ്ങൾ ഏറെയാണ്. ആകാശത്തിനപ്പുറമുള്ള എല്ലാത്തിനെക്കുറിച്ചും ഒട്ടുമിക്ക രാജ്യങ്ങളിലും പഠനങ്ങൾ നടക്കുന്നണ്ട്. മനുഷ്യന്റെ അറിവിനുമപ്പുറത്തുള്ള വിഷയങ്ങൾ ആയതിനാൽത്തന്നെ മനുഷ്യന് കാണാൻ കഴിയുന്ന എല്ലാ പ്രതിഭാസങ്ങളെയും പേടിയോടെയും അത്ഭുത്തോടെയുമാണ് മനുഷ്യന് നോക്കിക്കാണുന്നത്. വൈകുന്നേരം ആകാശത്തേക്ക് നോക്കുമ്പോൾ കാണുന്നത് വരിവരിയായി ട്രെയിൻ പോലെ പോകുന്ന നക്ഷത്രക്കൂട്ടങ്ങളെ ആണെങ്കിലോ ? അത്തരത്തിൽ ഒരു ദൃശ്യം ഡിസംബർ 30ന് കേരളത്തിന്റെ ആകാശത്ത് കണ്ടതിന്റെ വീഡിയോ വൈറലാണ്. നിരതെറ്റാതെ പോകുന്ന നക്ഷത്രക്കൂട്ടം ആണെന്നും വാൽനക്ഷത്രമാണെന്നും ബഹിരാകാശ പേടകമാണെന്നും പലരും അവകാശപ്പെടുന്നുണ്ട്.
'ഇപ്പോൾ ആകാശത്തു കണ്ട പ്രതിഭാസം. വരിതെറ്റാതെ നൂറ് കണക്കിന് നക്ഷത്രങ്ങൾ വരിയായി നീങ്ങുന്നു' എന്നു തുടങ്ങുന്ന പോസ്റ്റിന്റെ പൂർണരൂപം ഇവിടെ വായിക്കാം.
എന്നാൽ പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാർ റൂം (AFWA) കണ്ടെത്തി. വരിതെറ്റാതെ പോകുന്ന നക്ഷത്രക്കൂട്ടങ്ങളല്ല ദൃശ്യങ്ങളിലുള്ളത്.
AFWA അന്വേഷണം
ഡിസംബർ 30ന് വൈകിട്ട് ഏഴിനാണ് കേരളത്തിന്റെ ചിലഭാഗങ്ങളിൽ ട്രെയിൻ പോലെ പ്രകാശിക്കുന്ന വസ്തു ആകാശത്ത് കാണപ്പെട്ടത്. നക്ഷത്രക്കൂട്ടമെന്ന് അവകാശവാദത്തോടെ ഇത് പലരും ഷെയർ ചെയ്യുകയുമുണ്ടായി. ശാസ്ത്രലോകം ഏറെ പുരോഗമിച്ചതിനാൽത്തന്നെ ഇത്തരത്തിൽ നക്ഷത്രക്കൂട്ടങ്ങളോ, വാൽനക്ഷത്രമോ, ഉൽക്കയോ ഭൂമിയുടെ അന്തരീക്ഷത്തിലേക്ക് വരുന്നതിനും മുമ്പ് തന്നെ കണ്ടുപിടിക്കാനാകും. മാത്രവുമല്ല ഇവ എവിടെയൊക്കെ ദൃശ്യമാകുമെന്നു പോലും ബഹിരാകാശ ഗവേഷണ ഏജൻസികൾ കൃത്യമായി പറയാറുമുണ്ട്. എന്നാൽ കഴിഞ്ഞ ദിവസം കണ്ട കാഴ്ചയെക്കുറിച്ച് അത്തരത്തിൽ ഒരറിയിപ്പും ഒരിടത്തു നിന്നും വന്നിരുന്നില്ല. ഇതേക്കുറിച്ച് വ്യക്തമായ അറിവ് ലഭിക്കുന്നതിന് ശാസ്ത്രലേഖകനും ഗവേഷകനുമായ ഡോ.രാജഗോപാൽ കാമത്തുമായി ബന്ധപ്പെട്ടു. 'ഭൂമിയുടെ ഏറ്റവും അടുത്ത നക്ഷത്രം പോലും പ്രകാശവർഷങ്ങൾ അകലെയാണുള്ളത്. ഇത് വാൽനക്ഷത്രവും അല്ല. അതിന്റെ മൂവ്മെന്റ് ഒന്നും കഴിഞ്ഞദിവസം ദൃശ്യമായെന്നു പറയുന്നതുപോലെ കാണാനാവില്ല. ഉൽക്കയും ഇങ്ങനെ നിരയായി വീഴില്ല. ചിതറിയാണ് പോവുക. ഇത്രയധികം നേരം കാണാനും ആവില്ല. ആളുകൾ കണ്ടെന്നു പറയുന്നത് സ്റ്റാർലിങ്ക് സാറ്റലൈറ്റുകളാവാനാണ് സാധ്യത. മുമ്പും ഇവ ദൃശ്യമായിട്ടുണ്ട്.' അദ്ദേഹം AFWAയോട് പറഞ്ഞു.
നിരയായി പോകുന്ന നക്ഷത്രക്കൂട്ടങ്ങളല്ല ഇതെന്ന് വ്യക്തത ലഭിച്ചതോടെ ഞങ്ങൾ അടുത്തതായി പരിശോധിച്ചത് സ്റ്റാർലിങ്ക് സാറ്റലൈറ്റ് ഇവിടെ ദൃശ്യമായിരുന്നോ എന്നാണ്. ഇന്ത്യയുടെ പലഭാഗത്തും സ്റ്റാർലിങ്ക് ദൃശ്യമായതായി സമൂഹമാധ്യമങ്ങളിൽ പലരും പോസ്റ്റ് ചെയ്തിട്ടുണ്ട്. മുംബൈ, ബെംഗളൂരു, മംഗലൂരു, കേരളം തുടങ്ങിയയിടങ്ങളിലാണ് ഡിസംബർ 30ന് സ്റ്റാർലിങ്ക് സാറ്റലൈറ്റുകൾ കണ്ടത്. കേരളത്തിൽ തിരുവനന്തപുരം, കണ്ണൂർ, കാസർഗോഡ് തുടങ്ങിയ പ്രദേശങ്ങളിൽ കണ്ടതായിട്ടാണ് പ്രചരിക്കുന്നത്. ഇവിടെ സാറ്റലൈറ്റ് ദൃശ്യമായിരുന്നോ എന്നറിയുന്നതിന് Find Starlink എന്ന വെബ്സൈറ്റ് പരിശോധിച്ചു. ഇതിൽനിന്നും ഡിസംബർ 30ന് രാത്രി 7:03ന് സ്റ്റാർലിങ്ക് സാറ്റലൈറ്റ് കടന്നുപോയതായി മനസ്സിലാക്കാൻ കഴിഞ്ഞു. 50 മുതൽ 60 വരെ ഉപഗ്രഹങ്ങൾ ഒരുമിച്ചാണ് വിക്ഷേപിക്കുന്നത്. ഇവ അന്തിമഭ്രമണപഥത്തിലേക്ക് പ്രവേശിക്കുന്നതോടുകൂടി ഭൂമിയിൽ നിന്നും അദൃശ്യമാകും.
ഇതിനുമുമ്പ് 2020ലും 2021ലും() 2022 ഒക്ടോബറിലും സമാനമായ രീതിയിൽ സ്റ്റാർലിങ്ക് സാറ്റലൈറ്റുകൾ കണ്ടതിനേക്കുറിച്ച് വാർത്തകളുണ്ട്. ആളുകളിൽ അന്നിതേറെ പരിഭ്രാന്തി സൃഷ്ടിച്ചതായിട്ട് വാർത്തകളിൽ പറയുന്നു.
ലോകത്തെങ്ങും ഏറ്റവും ചിലവ് കുറഞ്ഞ മാർഗത്തിൽ അതിവേഗ ഇന്റർനെറ്റ് എത്തിക്കുന്നതിന് ഇലോൺ മസ്കിന്റെ ഉടമസ്ഥതയിലുള്ള സ്പേസ് എക്സ് നിർമ്മിക്കുന്ന ഉപഗ്രഹങ്ങളുടെ കൂട്ടമാണ് സ്റ്റാർലിങ്ക് ഫാൽക്കൺ 9 റോക്കറ്റ് വഴിയാണ് ഉപഗ്രഹങ്ങൾ ബഹിരാകാശത്ത് എത്തിക്കുന്നത്. ഇതുവരെ 3,300 ചെറു ഉപഗ്രഹങ്ങളാണ് സ്പേസ് എക്സ് വിക്ഷേപിച്ചിട്ടുള്ളത്. 12,000 ഉപഗ്രഹങ്ങൾ വിക്ഷേപിക്കാനാണ് പദ്ധതിയിട്ടിട്ടുള്ളത്. ഇത് പിന്നീട് 42,000 ഉപഗ്രഹങ്ങളായി ഉയർത്താനും സാധിക്കും.
ലഭ്യമായ വിവരങ്ങളുടെ അടിസ്ഥാനത്തിൽ ഡിസംബർ 30ന് കേരളത്തിൽ ദൃശ്യമായത് നക്ഷത്രക്കൂട്ടം അല്ല, സ്റ്റാർലിങ്ക് സാറ്റലൈറ്റ് ആണ്. പ്രചരിക്കുന്ന പോസ്റ്റുകൾ തെറ്റിദ്ധരിപ്പിക്കുന്നതാണെന്ന് വ്യക്തം.
വരിതെറ്റാതെ നൂറ് കണക്കിന് നക്ഷത്രങ്ങൾ വരിയായി നീങ്ങുന്നു.
സ്പേസ് എക്സ് വിക്ഷേപിച്ച സ്റ്റാർലിങ്ക് സാറ്റലൈറ്റുകളാണ് ആകാശത്ത് ദൃശ്യമായത്. നക്ഷത്രക്കൂട്ടം അല്ല.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)