About: http://data.cimple.eu/claim-review/44f8949a5da02d4bfd660da7bd6eb616eba78fa2b875f4138d44a0ce     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തമിഴ്നാട് ബിജെപി അധ്യക്ഷന് കെ.അണ്ണാമലൈയുടെ ചെറുപ്പകാലത്തെ പ്രസംഗം എന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് വൈറലാണ്. രജനീകാന്തില് നിന്ന് സമ്മാനം വാങ്ങിയ ശേഷം പ്രസംഗിക്കുന്ന 16കാരനായ അണ്ണാമലൈയുടെ ദൃശ്യം എന്നാണ് പോസ്റ്റുകളില് പറയുന്നത്. രജനീകാന്ത് ഇരിക്കുന്ന വേദിയില് നിന്ന് ഒരു ചെറുപ്പക്കാരന് സംസാരിക്കുന്നതും കാണികള് ആവേശഭരിതരായി കൈയ്യടിക്കുന്നതും വീഡിയോയില് കാണാം. "സൂപ്പര്സ്റ്റാര് രജനികാന്തില് നിന്ന് സമ്മാനം നേടിയ ശേഷം 16 വയസ്സില് K.Annamalai സംസാരിക്കന്ന പഴയകാല വീഡിയോ...! " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വീഡിയോയില് സംസാരിക്കുന്നത് അണ്ണാമലൈ അല്ല, പെരുമാള് മണി എന്നയാളാണ്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പ്രചരിക്കുന്ന വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ചിത്രം ഉള്പ്പെടുന്ന പോസ്റ്റ് Angry fellow എന്നുള്ള X യൂസര് പങ്കുവച്ചിട്ടുള്ളതായി കണ്ടെത്തി. "ഈ വീഡിയോ നിങ്ങള് ഓര്ക്കുന്നുവെങ്കില് നിങ്ങള് ശരിയായ തലൈവര്(രജനികാന്ത്) ഫാന് ആണ്. പെരുമാള് മണി എന്ന കുട്ടിയുടെ പ്രചോദനാത്മകമായ പ്രസംഗം" എന്ന കുറിപ്പിനൊപ്പം 2017 മെയ് 24നാണ് പോസ്റ്റ് പങ്കുവച്ചിട്ടുള്ളത്. ഒരു യുവാവിന്റെ ചിത്രവും ഒരു യുട്യൂബ് വീഡിയോയുടെ സ്ക്രീന്ഷോട്ടും X പോസ്റ്റില് കാണാം. 'Padayappa Silver Jubilee Manigandan's speech' എന്നാണ് യുട്യൂബ് ലിങ്കില് എഴുതിയിട്ടുള്ളത്. ഇതേ കീവേര്ഡ് ഉപയോഗിച്ച് തിരഞ്ഞപ്പോള് 'നവീന് കുമാര്' എന്ന യുട്യൂബ് പേജില് 2011 മാര്ച്ച് ആറിന് വൈറല് വീഡിയോയുടെ ദൈര്ഘ്യമേറിയ പതിപ്പ് പങ്കുവച്ചിട്ടുള്ളതായി കണ്ടെത്തി. രജനീകാന്ത്, കമല് ഹാസന് എന്നിവര് വേദിയിലിരിക്കുന്നത് കാണാം. 9.19 മിനിട്ട് ദൈര്ഘ്യമുള്ള ഈ വീഡിയോയില് നടന് വിവേകാണ് മണികണ്ഠന് എന്നയാളെ സംസാരിക്കാന് ക്ഷണിക്കുന്നത്. ഈ ചെറുപ്പക്കാരന് കടന്നുവരുമ്പോള് രജനീകാന്ത് മാലയിട്ട് സ്വീകരിക്കുന്നതും ചേര്ത്തു പിടിക്കുന്നതും കാണാം. സംസാരത്തിന്റെ തുടക്കത്തില് തന്നെ അദ്ദേഹം കാണികളെ ആവേശഭരിതരാക്കുന്നുണ്ട്. വീഡിയോയുടെ പൂര്ണ്ണരൂപം ചുവടെ കാണാം. X പോസ്റ്റില് പറഞ്ഞിട്ടുള്ള പെരുമാള് മണി തന്നെയാണോ യുട്യൂബ് വീഡിയോയില് സൂചിപ്പിച്ചിട്ടുള്ള മണികണ്ഠന് എന്ന വിവരമാണ് ഞങ്ങള് പിന്നീട് അന്വേഷിച്ചത്. കീവേര്ഡ് സെര്ച്ചില് പെരുമാള് മണിയെപ്പറ്റിയുള്ള കൂടുതല് വിവരങ്ങള് ലഭ്യമായി. യുടേണ് 2023 ജനുവരി 19ന് പങ്കുവച്ച റിപ്പോര്ട്ടില് ഇതേപ്പറ്റി വിശദമാക്കുന്നുണ്ട്. ചാനല് ഷോയില് രജനി ചിത്രം പടയപ്പയെപ്പറ്റി വളരെ നന്നായി സംസാരിച്ച മണികണ്ഠന് എന്ന ചെറുപ്പക്കാരനെ സിനിമയുടെ അണിയറക്കാര് വിജയാഘോഷത്തിലേക്ക് ക്ഷണിക്കുകയായിരുന്നു. കടുത്ത രജനി ആരാധകന് കൂടിയായ മണികണ്ഠന് എന്ന പെരുമാള് മണി ഇപ്പോള് മാധ്യമപ്രവര്ത്തകനാണ്. പെരുമാള് മണിയുടെ x പേജില് അദ്ദേഹം രജനിക്ക് പിറന്നാള് ആശംസയറിച്ച് 2021ല് പങ്കുവച്ച പോസ്റ്റര് ലഭ്യമാണ്. 1999 മെയ് 23ന് നടന്ന പടയപ്പ സിനിമയുടെ വിജയാഘോഷത്തെപ്പറ്റിയുള്ള പോസ്റ്ററില് പെരുമാള് മണിയുടെ ചെറുപ്പകാലത്തെ ചിത്രവും കാണാം. വൈറല് വീഡിയോയില് സംസാരിക്കുന്നയാള് തന്നെയാണിതെന്ന് വ്യക്തമാണ്. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോയിലുള്ളത് ബിജെപി തമിഴ്നാട് അധ്യക്ഷന് അണ്ണാമലൈ അല്ലെന്നും മാധ്യമപ്രവര്ത്തകനായ പെരുമാണ് മണി എന്ന മണികണ്ഠന് ആണെന്നും വ്യക്തമായി. 16-ാം വയസില് രജനീകാന്തില് നിന്ന് സമ്മാനം വാങ്ങിയ ശേഷം പ്രസംഗിക്കുന്ന തമിഴ്നാട് ബിജെപി അധ്യക്ഷന് കെ.അണ്ണാമലൈ. വീഡിയോയിലുള്ളത് അണ്ണാമലൈ അല്ല, മാധ്യമ പ്രവര്ത്തകനും രാഷ്ട്രീയ നിരീക്ഷകനുമായ പെരുമാള് മണിയാണ്. 1999ല് പടയപ്പ സിനിമയുടെ വിജയാഘോഷത്തില് നിന്നുള്ള ദൃശ്യമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software