| schema:text
| - Last Updated on अक्टोबर 24, 2024 by Neelam Singh
सारांश
मृगौलालाई सुरक्षित राख्ने र सफा गर्ने वनस्पति भन्दै एउटा भिडियो सामाजिक संजालमा पोस्ट गरिएको छ । उक्त भिडियोमा काली गेडी वनस्पतिको पातलाई सागको रुपमा सेवन गर्दा मृगौला सुरक्षित राख्छ र सफा गर्छ भन्ने दाबी गरिएको छ । जब हामीले यो दावी जाँच गर्यौं हामीले यो दावी आंशिक गलत भएको पायौं।
दाबी
Rama Khanal Bhattarai नामक टिकटक आइडीमा पोस्ट गरिएको भिडियोमा काली गेडी वनस्पतिको बोट देख्न सकिन्छ । साथै भिडियोमा एकजना व्यक्ति बोलिरहेको सुन्न सकिन्छ । ती व्यक्तिले यस्तो भनेका छन्-
‘आफ्नो किड्नी सुरक्षित गर्न चहानुहुन्छ, सुरक्षित राख्न चहानुहुन्छ भने एकदमै राम्रो टिप्स । धेरै मानिसमा किड्नीको समस्या आएको तपाईंहरुलाई थाहा छ, तपाईंलाई मैले यो काली गेडी देखाइराको छु, यसको साग ८-१० मुन्टाभन्दा बेसी एक दिनमा नखानुहोला, धेरै राख्नुहुँदैन । यसको साग वर्षमा २० पटक खानु भयो भने तपाईंको किड्नी एकदमै सुरक्षित राख्छ र किड्नीलाई यसले एकदमै सफा गर्छ । माछा र सुँगुरको मासुसँग यो कहिल्यै नखानू खतरा हुनसक्छ ।’
काली गेडी वनस्पतिको पातलाई सागको रुपमा सेवन गर्दा मृगौला सुरक्षित राख्ने र सफा गर्ने काम गर्छ त? वास्तविकता पत्ता लगाउन हामीले तथ्यजाँच गरेका छौँ ।
तथ्य जाँच
काली गेडी के हो?
काली गेडी वनस्पतिको पातलाई सागको रुपमा सेवन गर्दा मृगौला सुरक्षित राख्छ र सफा गर्छ भन्ने दाबीमा आंशिक सत्यता छ । काली गेडीलाई परम्परागत रूपमा मृगौलाको उपचारमा प्रयोग गरिएतापनि यसलाई मृगौला समस्याहरूको सामधान र औषधिकारुपमा हेर्नु हुँदैन ।
काली गेडीले किडनीको सुरक्षा गर्छ भन्ने दावीलाई समर्थन गर्ने वैज्ञानिक प्रमाण छ?
काली गेडी वनस्पतिमा स्टेरोइडल एल्कालोइड जस्ता सक्रिय यौगिकहरू हुन्छन्, जसले मृगौलाको लागि सुरक्षात्मक प्रभावहरू प्रदान गर्न सक्छन् । यी एल्कालोइडहरूमा एन्टिअक्सिडेन्ट र एन्टी-इन्फ्लेमेटरी गुणहरू भएकाले सम्भावित स्वास्थ्य लाभहरू प्रदान गर्न सक्छन् । तर, यो वनस्पतिको विषाक्तालाई पनि ध्यान दिन जरुरी छ ।
काली गेडी वनस्पतिको सेवनका सम्भावित जोखिमहरू छन् । वनस्पतिमा सोलानाइन जस्ता विषाक्त पदार्थहरूको उपस्थितिले ग्यास्ट्रोइन्टेस्टाइनल जलन र सम्भावित जोखिमहरू निम्त्याउन सक्छन् ।
काली गेडीलाई ब्ल्याक नाइटशेड वा इन्डियन नाइटशेड पनि भनिन्छ । सोलानेसी परिवारसँग सम्बन्धित यो वनस्पति विश्वका विभिन्न क्षेत्रमा पाइन्छ । यसलाई परम्परागत औषधिमा पनि प्रयोग गरिन्छ । हरियो तथा पातदार यस वनस्पतिको विरुवामा साना र गोलाकार फलहरू फल्छन् । यसको अत्याधिक उपभोग विषाक्त हुन सक्छ । यसका पातहरूलाई कहिलेकाहीँ सागका रुपमा रूपमा खाइन्छ ।
काली गेडी र यसको झारलाई परम्परागत चिनियाँ चिकित्सामा औषधीय प्रयोग गर्ने गरिएको लामो इतिहास छ । ताङ राजवंशको दस्तावेजमा पहिलोपटक यसको प्रयोगका बारेमा उल्लेख गरिएको पाइन्छ ।
काली गेडीको झारमा हुने एन्टिस्पास्मोडिक गुणहरु पाइन्छन् । यो वनस्पति डिटोक्सिफिकेशन, सूजन कम गर्ने, घाउ कार्बनकल, एक्जिमा र मूत्र समस्याहरू जस्ता विभिन्न रोगहरूको उपचारमा प्रयोग हुने गरेको पाइन्छ । तर, यसको प्रयोग गर्नुअघि स्वास्थ्य सेवा पेशेवरहरूसँग परामर्श गर्नु आवश्यक छ ।
काली गेडी वनस्पतिको पाललाई सागको रुपमा सेवन गर्दा मृगौला सुरक्षित राख्छ र सफा गर्छ भन्ने दाबीमा आंशिक सत्यता छ । काली गेडीलाई परम्परागत रूपमा मृगौलाको उपचारमा प्रयोग गरिएतापनि यसलाई मृगौला समस्याहरूको सामधान र औषधिका रुपमा हेर्नु हुँदैन ।
This Fact Check is published under a collaborative newsroom effort with Newschecker. You can read more about the collaboration here.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)