About: http://data.cimple.eu/claim-review/59adeafe2da75ea91eed56da8008120f09582ed6300bcb1e06e41ed9     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മോഹൻലാൽ മാധ്യമങ്ങളോട് സംസാരിക്കുന്ന ഒരു വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. മോഹൻലാൽ സംവിധാനം ചെയ്ത ബറോസ് എന്ന ചിത്രത്തിന്റെ രണ്ടാം ഭാഗത്തെ കുറിച്ച് റിപ്പോർട്ടർ ചോദിച്ചപ്പോൾ അദ്ദേഹം ദേഷ്യപ്പെട്ടു എന്ന രീതിയിലാണ് വീഡിയോ പ്രചരിക്കുന്നത്. ബറോസിന്റെ രണ്ടാം ഭാഗം ഉടനെ ഉണ്ടാകുമോ എന്ന ചോദ്യത്തിന് നിങ്ങൾക്ക് നാണമുണ്ടോ ഇങ്ങനെയുള്ള അനാവശ്യ ചോദ്യങ്ങൾ ചോദിക്കാൻ എന്ന് പറയുന്ന മോഹൻലാലിനെ വീഡിയോയിൽ കാണാം. "ബറോസ്സെക്കൻ്റ് പാർട്ടിനെകുറിച്ച് ചോദിച്ചപ്പോൾ പൊട്ടി തെറിച്ചു ലാലേട്ടൻ" എന്നെഴുതിയ വീഡിയോ ഉൾപ്പെടുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള വീഡിയോ എഡിറ്റഡ് ആണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. 2018ൽ കന്യാസ്ത്രീകളുടെ സമരത്തെ കുറിച്ചുള്ള ചോദ്യത്തിന് മോഹൻലാൽ പറഞ്ഞ മറുപടിയാണ് എഡിറ്റ് ചെയ്ത് പ്രചരിപ്പിക്കുന്നത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ വീഡിയോ ഏഷ്യാനെറ്റ് ന്യൂസിന്റെ റിപ്പോർട്ടിൽ നിന്നുള്ള ഭാഗമാണ്. വീഡിയോ സൂക്ഷ്മമായി പരിശോധിച്ചപ്പോൾ ചില ഭാഗങ്ങൾ കട്ട് ചെയ്ത് ചേർത്തിട്ടുള്ളതായി വ്യക്തമായി. മോഹൻലാൽ റിപ്പോർട്ടർമാരോട് "നിങ്ങൾക്ക് നാണമുണ്ടോ ഇങ്ങനത്തെ അനാവശ്യ ചോദ്യങ്ങൾ ചോദിക്കാൻ.." എന്ന് പറഞ്ഞാണ് ദേഷ്യപ്പെടുന്നത്. ഇതിന്റെ അടിസ്ഥാനത്തിൽ നടത്തിയ കീവേഡ് സെർച്ചിലൂടെ 2018 സെപ്റ്റംബർ 15ന് മനോരമ ഓൺലൈൻ പ്രസിദ്ധീകരിച്ച വാർത്ത ലഭ്യമായി. 'ആ ചോദ്യത്തിൽ ക്ഷുഭിതനായി മോഹന്ലാൽ; വിഡിയോ' എന്ന തലകെട്ടിൽ പ്രസിദ്ധീകരിച്ച വീഡിയോയിൽ കന്യാസ്ത്രീകൾ നടത്തുന്ന സമരത്തെ കുറിച്ച് ചോദിച്ചപ്പോഴായിരുന്നു മോഹൻലാൽ ക്ഷുഭിതനായതെന്ന് വ്യക്തമാക്കിയിട്ടുണ്ട്. ഈ റിപ്പോർട്ടിന്റെ സ്ക്രീൻഷോട്ട് ചുവടെ കാണാം. പിന്നീട് ഞങ്ങൾ യൂട്യൂബ് കേന്ദ്രീകരിച്ച് നടത്തിയ അന്വേഷണത്തിലൂടെ മോഹൻലാൽ ദേഷ്യപ്പെടുന്ന വീഡിയോ മെട്രോമാറ്റിനി.കോം എന്ന യൂട്യൂബ് ചാനലിൽ കണ്ടെത്തി. റിപ്പോർട്ടറുടെ ചോദ്യം സഹിതമാണ് ഈ വീഡിയോ പങ്കുവച്ചിരിക്കുന്നത്. റിപ്പോർട്ടർ കന്യാസ്ത്രീകളുടെ സമരത്തെ കുറിച്ച് ചോദിക്കുന്നതും ഇതിന് മറുപടിയായി മോഹൻലാൽ നിങ്ങൾക്ക് നാണമുണ്ടോ ഇങ്ങനെയുള്ള അനാവശ്യ ചോദ്യങ്ങൾ ചോദിക്കാൻ എന്ന് തുടങ്ങുന്ന മറുപടി പറയുന്നതും വീഡിയോയിലുണ്ട്. വീഡിയോ ചുവടെ കാണാം. വൈറൽ വീഡിയോയിൽ ഉപയോഗിച്ചിരിക്കുന്ന ഏഷ്യാനെറ്റ് ന്യൂസ് റിപ്പോർട്ടും ഞങ്ങൾ കണ്ടെത്തി. "'Aren't you ashamed?': Mohanlal snaps at reporter when asked about Nun Rape case" എന്ന തലകെട്ടോടെ 2018 സെപ്റ്റംബർ 15നാണ് വീഡിയോ പങ്കുവച്ചിരിക്കുന്നത്. വിശ്വശാന്തി ഫൗണ്ടേഷന്റെ രണ്ടാം ഘട്ട പ്രളയ ദുരിതാശ്വാസ പ്രവര്ത്തനങ്ങള്ക്ക് കൊച്ചിയില് തുടക്കം കുറിക്കാൻ എത്തിയപ്പോഴാണ് മോഹൻലാലിന്റെ വിവാദ പ്രതികരണം എന്ന് റിപ്പോർട്ടിൽ വ്യക്തമാക്കുന്നു. കന്യാസ്ത്രീ സമരത്തെ കുറിച്ചുള്ള മോഹൻലാലിന്റെ പ്രതികരണമാണ് ഇതെന്നും വാർത്തയിൽ വിശദീകരിച്ചിട്ടുണ്ട്. "നിങ്ങൾക്ക് നാണമുണ്ടോ ഇങ്ങനെയുള്ള ആവശ്യമില്ലാത്ത കാര്യങ്ങൾ ചോദിക്കാൻ, നല്ലൊരു കാര്യം നടക്കുമ്പോൾ. കന്യാസ്ത്രീ എന്ത് ചെയ്യണം. അതും ഇതുമായിട്ട് എന്താ ബന്ധം" എന്നാണ് മോഹൻലാൽ വീഡിയോയിൽ പറയുന്നത്. ഈ റിപ്പോർട്ട് ചുവടെ കാണാം. മോഹൻലാൽ മാധ്യമപ്രവർത്തകരോട് മറുപടി പറയുന്നതിനിടെ കന്യാസ്ത്രീ എന്ന് പറയുന്ന ഭാഗം കട്ട് ചെയ്തും മറ്റുള്ള ഭാഗങ്ങൾ കൂട്ടിച്ചേർത്തുമാണ് വൈറൽ വീഡിയോ നിർമ്മിച്ചിരിക്കുന്നത്. ഇതിനൊപ്പം തന്നെ റിപ്പോർട്ടറുടെ ചോദ്യം എന്ന രീതിയിൽ ബറോസിന്റെ രണ്ടാം ഭാഗത്തെ കുറിച്ചുള്ള ചോദ്യത്തിന്റെ ഓഡിയോയും വീഡിയോയിൽ എഡിറ്റ് ചെയ്ത് ചേർത്തതാണ്. മാധ്യമപ്രവർത്തകരോട് ദേഷ്യപ്പെട്ട സംഭവത്തിൽ ക്ഷമ ചോദിച്ചുകൊണ്ട് മോഹൻലാൽ 2018 സെപ്റ്റംബർ 16ന് ഫേസ്ബുക്കിൽ ഒരു കുറിപ്പ് പങ്കുവച്ചിരുന്നു. വിശ്വശാന്തി ഫൌണ്ടേഷന്റെ പ്രവർത്തനങ്ങളെ കുറിച്ച് വിശദീകരിക്കുന്നതിനിടയിൽ വന്ന ചോദ്യമായത് കൊണ്ടാണ് ഇത്തരമൊരു പ്രതികരണം ഉണ്ടായതെന്നും ഇതിൽ ക്ഷമ ചോദിക്കുന്നുവെന്നും മോഹൻലാൽ എഴുതിയിട്ടുണ്ട്. ഈ ഫേസ്ബുക്ക് പോസ്റ്റ് ചുവടെ കാണാം. ലഭ്യമായ വിവരങ്ങളിൽ നിന്നും ബറോസ് രണ്ടാം ഭാഗത്തെ കുറിച്ചുള്ള ചോദ്യത്തിന് മോഹൻലാൽ ക്ഷുഭിതനായി എന്ന രീതിയിൽ പ്രചരിക്കുന്ന വീഡിയോ എഡിറ്റ് ചെയ്തതാണെന്ന് വ്യക്തമായി. ബറോസ് രണ്ടാം ഭാഗത്തെ കുറിച്ചുള്ള ചോദ്യത്തിന് റിപ്പോർട്ടറോട് ദേഷ്യപ്പെടുന്ന മോഹൻലാൽ. വൈറൽ വീഡിയോ എഡിറ്റ് ചെയ്തതാണ്. 2018 സെപ്റ്റംബറിൽ കന്യാസ്ത്രീകളുടെ സമരത്തെ കുറിച്ചുള്ള ചോദ്യത്തിന് മോഹൻലാൽ പറഞ്ഞ മറുപടി എഡിറ്റ് ചെയ്താണ് പ്രചരിപ്പിക്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software