About: http://data.cimple.eu/claim-review/60fc52476a357eccfbf4eeb7d62115a4dd8a3370fa670854e0976376     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മമ്മൂട്ടി ചിത്രം ടര്ബോ റലീസ് ചെയ്തിട്ട് ഒരാഴ്ച പിന്നിടുകയാണ്. അതിനിടെ ചിത്രം പ്രദര്ശിപ്പിച്ച കോഴിക്കോട് മാജിക് ഫ്രെയിംസ് അപ്സര തിയറ്ററില് മമ്മൂട്ടി ആരാധകന് അല്ലാഹു അക്ബര് വിളിച്ചുകൊണ്ട് ബോംബ് ഭീഷണി മുഴക്കി ഭീകരാന്തരീക്ഷം സൃഷ്ടിച്ചുവെന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് പ്രചരിക്കുന്നുണ്ട്. "Turbo സിനിമയ്ക് ആവേശം കേറി മമ്മൂട്ടിയെ കാണിച്ച സീനില് 'അള്ളാഹു അക്ബര്' വിളിച്ചു ആരാധകന്..... ചിതറി ഓടി സിനിമ കാണാന് വന്നവര്. ഉടന് തന്നെ ബോംബ് സ്ക്വാടും പോലീസും തീയേറ്ററില് എത്തി സെര്ച്ച് തുടങ്ങി" എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. സിനിമാ പ്രദര്ശനത്തിനിടെ അപ്സര തിയറ്ററിനകത്തു നിന്ന് യാതൊരു ഭീഷണിയും ഉണ്ടായിട്ടില്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പ്രചരിക്കുന്ന വീഡിയോയുടെ സ്ക്രീന്ഷോട്ടുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് ചില യുട്യൂബ് പേജുകളിലും ഓണ്ലൈന് വെബ്സൈറ്റുകളിലും ഇത് അപ്ലോഡ് ചെയ്തിട്ടുള്ളതായി കണ്ടെത്തി. ബോംബ് ഭീഷണിയെത്തുടര്ന്ന് കോഴക്കോട് അപ്സര തിയറ്ററില് പൊലീസ് പരിശോധന നടത്തുന്നുവെന്ന രീതിയിലാണ് ഇവ പങ്കുവച്ചിട്ടുള്ളത്. കീവേര്ഡ് സെര്ച്ച് നടത്തിയപ്പോള് ഇതു സംബന്ധിച്ച മാധ്യമ റിപ്പോര്ട്ടുകള് ലഭ്യമായി. 2024 മെയ് 26ന് റിപ്പോര്ട്ടര് ടിവിയുടെ വെബ്സൈറ്റില് ഇതുസംബന്ധിച്ച് നല്കിയ വാര്ത്തയില് പറയുന്നത് കോഴിക്കോട് അപ്സര തിയറ്ററില് വ്യാജ ബോംബ് ഭീഷണിയുണ്ടായി എന്നാണ്. ജീവനക്കാരന്റെ വാട്സാപ്പിലേക്ക് അയച്ച ഭീഷണി സന്ദേശം വ്യാജമാണെന്ന് സ്ഥിരീകരിച്ചതായും സിനിമയുടെ ഇടവേളയില് ബോംബ് സ്ക്വാഡ് പരിശോധന നടത്തിയെന്നും റിപ്പോര്ട്ടിലുണ്ട്. മെയ് 27ന് 'സീ ന്യൂസ് മലയാളം' നല്കിയ വിശദമായ വാര്ത്തയില് പറയുന്നത് പത്തനംതിട്ട സ്വദേശിയാണ് വ്യാജ സന്ദേശം അയച്ചതെന്നാണ്. മെയ് 26ന് രാത്രി എട്ടരയോടെ തിയറ്ററിന്റെ വാട്സ്ആപ് ഗ്രൂപ്പില് ലഭിച്ച സന്ദേശം ഉടന് തന്നെ പൊലീസിന് കൈമാറിയെന്നും ഇത് വ്യാജമാണെന്ന് പൊലീസ് സ്ഥിരീകരിക്കുകയും ചെയ്തതായി റിപ്പോര്ട്ടില് പറയുന്നു. വാര്ത്തയുടെ സ്ക്രീന് ഷോട്ട് ചുവടെ കാണാം. തുടര്ന്ന് ഞങ്ങള് കോഴിക്കോട് അപ്സര തിയറ്റര് ഉള്പ്പെടുന്ന മാജിക്ഫ്രെയിംസ് തിയറ്റര് ശ്യംഖലയുടെ ജനറല് മാനേജര് സെന്തില് രാജേഷുമായി ഫോണില് സംസാരിച്ചു. രാജേഷ് നല്കിയ വിവരം അനുസരിച്ച് സോഷ്യല് മീഡിയ പോസ്റ്റുകള് തെറ്റിദ്ധരിപ്പിക്കുന്നതാണ്. " പ്രചരിക്കുന്ന വീഡിയോയില് കാണുന്നത് അപ്സര തിയറ്ററില് പൊലീസും ബോംബ് സ്ക്വാഡും പരിശോധന നടത്തുന്നത് തന്നെയാണ്. ഞായറാഴ്ച രാത്രി 8.10നാണ് തിയറ്ററിന്റെ വാട്സ്ആപ് ഗ്രൂപ്പ് അഡ്മിനായ റിയാസിന്റെ മൊബൈലിലേക്ക് ഒരു ശബ്ദ സന്ദേശമെത്തുന്നത്. അപ്സര തിയറ്ററില് സ്ഫോടനം ഉണ്ടാകാന് സാധ്യതയുണ്ടെന്ന സന്ദേശം ഞങ്ങള് കോഴിക്കോട് സിഐയ്ക്ക് കൈമാറി. അദ്ദേഹം ഉടന് തന്നെ സ്റ്റേഷനില് വിളിച്ച് പരിശോധനയ്ക്കായി പൊലീസുകാരെ അയച്ചു. ഭീഷണി സന്ദേശം അയച്ചയാള് പത്തനംതിട്ട സ്വദേശിയാണെന്ന് പൊലീസ് കണ്ടെത്തുകയും സന്ദേശം വ്യാജമാണെന്ന് ഉറപ്പിക്കുകയും ചെയ്തു. എന്നിരുന്നാലും സുരക്ഷ മുന്നിര്ത്തി സിനിമയുടെ ഇടവേളയില് ബോംബ് സ്ക്വാഡെത്തി സൂക്ഷ്മമായി പരിശോധന നടത്തി. 45 മിനിട്ടിന് ശേഷം ഷോ പുനരാരംഭിക്കുകയും ചെയ്തു. ഭീഷണി സന്ദേശം അയച്ചയാള് മാനസിക അസ്വാസ്ഥ്യമുള്ളയാളാണെന്ന് അറിയാന് കഴിഞ്ഞിട്ടുണ്ട്. 1030 സീറ്റുകളുള്ള വലിയ തിയറ്ററാണ് അപ്സര. യാതൊരു തരത്തിലുള്ള പ്രകോപനവും ഇവിടെ ഉണ്ടായിട്ടില്ല. ആരും തന്നെ തിയറ്ററിനുള്ളില് നിന്ന് ഭീഷണി മുഴക്കിയിട്ടില്ല. പ്രേക്ഷകരും പൊലീസും വളരെയധികം സഹകരിച്ചാണ് പരിശോധന പൂര്ത്തിയാക്കിയത്. അതിനിടെ ഇത്തരം വര്ഗീയ പരാമര്ശങ്ങള് നടത്തുന്നത് ലജ്ജാകരമാണ്. " സെന്തില് രാജേ്ഷ് ഇന്ത്യാ ടുഡേയോട് പറഞ്ഞു. അപ്സര തിയറ്ററില് പരിശോധനയ്ക്ക് നേതൃത്വം നല്കിയ കോഴിക്കോട് ടൗണ് അസിസ്റ്റന്റെ കമ്മിഷ്ണര് കെജി സുരേഷിനെയും ഞങ്ങള് ബന്ധപ്പെട്ടു. " പ്രചരിക്കുന്ന സന്ദേശം തികച്ചും വ്യാജമാണ്. അത്തരമൊരു സംഭവമേ തിയറ്ററില് ഉണ്ടായിട്ടില്ല. ബോംബ് ഭീഷണി സന്ദേശം അറിഞ്ഞയുടന് തന്നെ സൈബര് സെല്ലിന്റെ സഹായത്തോടെ നമ്പര് ട്രേസ് ചെയ്തു. അന്വേഷണത്തില് സന്ദേശം അയച്ചയാള് മാനസിക അസ്വാസ്ഥ്യമുള്ളയാളാണെന്ന് വ്യക്തമായി. അയാളുടെ സഹോദരനും മാനസികനില തകരാറിലായ ആളാണ്. സന്ദേശം വ്യാജമാണെന്ന് മനസിലായെങ്കിലും സുരക്ഷാ മുന്കരുതലെന്ന നിലയിലാണ് ബോംബ് സ്ക്വാഡ് എത്തി പരിശോധന നടത്തിയത്. മറ്റ് പ്രചാരണങ്ങളൊക്കെ വ്യാജമാണ്. മാത്രമല്ല ഈ സംഭവത്തിന് യാതൊരു വര്ഗീയതലവുമില്ല, " എസിപി കെജി സുരേഷ് ഇന്ത്യാ ടുഡേയോട് വ്യക്തമാക്കി. ഒരു വര്ഷമായി അടഞ്ഞു കിടന്നിരുന്ന കോഴിക്കോട് അപ്സര തിയറ്റര് ടര്ബോ സിനിമയുടെ റിലീസ് ദിവസമാണ് പുനരാരംഭിച്ചത്. മാജിക് ഫ്രെയിംസ് തയറ്റര് ശ്യംഖലായാണ് അപ്സര തിയറ്ററിന്റെ പുതിയ നടത്തിപ്പുകാര്. ലഭ്യമായ വിവരങ്ങളില് നിന്ന് കോഴിക്കോട് അപ്സരാ തിയറ്ററിനുള്ളില് 'അള്ളാഹു അക്ബര്' വിളിച്ച് മമ്മൂട്ടി ആരാധകന് ബോംബ് ഭീഷണി മുഴക്കിയെന്ന രീതിയിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് വ്യക്തമായി. കോഴിക്കോട് അപ്സരാ തിയറ്ററിനുള്ളില് 'അള്ളാഹു അക്ബര്' വിളിച്ച് മമ്മൂട്ടി ആരാധകന് ബോംബ് ഭീഷണി മുഴക്കി. മെയ് 26ന് രാത്രി അപ്സര തിയറ്ററിന്റെ വാട്സ് ആപ് ഗ്രൂപ്പില് ഒരു ഭീഷണി സന്ദേശം ലഭിച്ചതിനാലാണ് പെലീസ് പരിശോധന നടത്തിയത്. തിയറ്ററിനുള്ളില് നിന്ന് ആരും തന്നെ ഭീഷണി ഉയര്ത്തി ഭീകരാന്തരീക്ഷം സൃഷ്ടിച്ചിട്ടില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software