About: http://data.cimple.eu/claim-review/6208b25a4524c1725a261fd76a11534f181e111bfdf9be080f2818bf     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഭക്ഷണ സാധനങ്ങളില് മായം കലര്ത്തി നിര്മ്മാണം നടത്തുന്നതുമായി ബന്ധപ്പെട്ട് നിരവധി സംഭവങ്ങള് ഇടയ്ക്കിടെ റിപ്പോര്ട്ട് ചെയ്യപ്പെടാറുണ്ട്. സാമ്പത്തിക ലാഭത്തിനായി രാസപദാര്ഥങ്ങള് കലര്ത്തി വില്പന നടത്തുമ്പോള് കാന്സര് ഉള്പ്പെടെയുള്ള മാരക രോഗത്തിന് അടിമപ്പെടും എന്നതും വസ്തുതയാണ്. ഗോവയില് വ്യാജ കശുവണ്ടി നിര്മ്മിക്കുന്നു എന്ന രീതിയില് ഒരു വീഡിയോ സമൂഹമാധ്യമങ്ങളില് ഇപ്പോള് വൈറലാണ്. 'അടുത്ത തവണ ഗോവയില് നിന്ന് കശുവണ്ടി വാങ്ങുമ്പോള്, ഇത് മനസ്സില് വയ്ക്കുക. ഗുണനിലവാരമില്ലാത്ത പരിപ്പ് / മാലിന്യങ്ങളില് നിന്ന് കൃത്രിമ കശുവണ്ടി ഉണ്ടാക്കുന്നു. കൂടുതലും മാര്വാരികളാണ് ഈ കച്ചവടത്തില് ഏര്പ്പെട്ടിരിക്കുന്നത് ' എന്നുള്ള കുറിപ്പിനൊപ്പം പ്രചരിക്കുന്ന വീഡിയോയുടെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വീഡിയോ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത് കശുവണ്ടിയുടെ രൂപത്തിലുള്ള ബിസ്ക്കറ്റ് നിര്മ്മിക്കുന്ന വീഡിയോയാണ്. AFWA അന്വേഷണം പ്രചാരത്തിലുള്ള വീഡിയോയില് രണ്ടുപേരെ കാണാനാകുന്നുണ്ട്. ചപ്പാത്തി മാവിനു സമാനമായി കുഴച്ചെടുത്ത പൊടി ഉപയോഗിച്ച് കശുവണ്ടിയുടെ ആകൃതിയില് അടര്ത്തിയെടുക്കുകയാണ് ഒരാള്. കുപ്പിയുടെ അടപ്പ് ഉപയോഗിച്ചാണ് ഇത് ചെയ്യുന്നതെന്ന് വ്യക്തമാകുന്നുണ്ട്. ശേഷം ഇവ തിളച്ചുകൊണ്ടിരിക്കുന്ന എണ്ണയിലിട്ട് വറുത്തെടുക്കുന്നു. കശുവണ്ടിയുടെ ആകൃതിയില് തന്നെ ലഭ്യമായ ഇതിലേക്ക് മസാലയെന്ന് തോന്നുന്ന പൊടികള് വിതറി പാത്രത്തിലേക്ക് പകര്ന്ന് കൊടുക്കുന്നതാണ് കാണാനാകുന്നത്. മോശമായ ധാന്യങ്ങള് ഉപയോഗിച്ച് വ്യാജ കശുവണ്ടി നിര്മ്മിക്കുന്നുവെന്നാണ് അവകാശവാദം. ഞങ്ങള് ഈ വീഡിയോയുടെ കീ ഫ്രെയ്മുകള് റിവേഴ്സ് ഇമേജില് തിരഞ്ഞപ്പോള് മാര്ച്ച് 18ന് ഒരു ഫേസ്ബുക്ക് പേജില് ഇത് പങ്കുവച്ചിട്ടുള്ളതായി കണ്ടെത്താനായി. സ്പൂണ്സ് ഓഫ് ഇന്ഡോര് എന്ന പേജിലാണ് വീഡിയോ ലഭ്യമായത്. 'Spoons of Indore' എന്ന വാട്ടര്മാര്ക്കാണ് പ്രചരിക്കുന്ന വീഡിയോയിലുമുള്ളത്. 'How fake kaju is made?' എന്ന ക്യാപ്ഷനൊപ്പം പങ്കുവച്ചിട്ടുള്ള വീഡിയോ നിരവധിപ്പേരാണ് ഷെയര് ചെയ്തിട്ടുള്ളത്. ഈ പേജിനെക്കുറിച്ചുള്ള വിവരണത്തില് വ്യക്തമാക്കുന്നത് ഫുഡ് വ്ലോഗര് എന്നാണ്. ഇതേ പേരിലുള്ള യുട്യൂബ്, ഇന്സ്റ്റഗ്രാം പേജുകളിലേക്കുള്ള ലിങ്കും കാണാനാകും. പ്രൊഫൈല് വിശദമായി പരിശോധിച്ചതില് നിന്ന് സ്ട്രീറ്റ് ഫുഡുകളിലെ വൈവിധ്യമാണ് ഇവര് പരിചയപ്പെടുത്തുന്നതെന്ന് വ്യക്തമായി. കൊല്ക്കത്ത, നാസിക് തുടങ്ങി വിവിധ സ്ഥലങ്ങളിലെ വൈവിധ്യമാര്ന്ന ഭക്ഷണങ്ങളുടെ റെസിപ്പികള് ഈ പേജില് പങ്കുവച്ചിട്ടുള്ളതായി കാണാനായി. എന്നാല് ഇപ്പോള് പ്രചരിക്കുന്ന വീഡിയോ 'ഫേക്ക് കാജു മേക്കിംഗ് ' എന്ന് ക്യാപ്ഷന് നല്കിയിരിക്കുന്നതിനാല് പലരും തെറ്റിദ്ധരിച്ച് പങ്കിടുകയാണെന്ന് മനസിലാക്കാനായി. ഇക്കാര്യം നിരവധിപ്പേര് കമെന്റുകളില് സൂചിപ്പിച്ചിട്ടുണ്ട്. വീഡിയോയുടെ പ്രതികരണങ്ങളില് ചിലത് താഴെ കാണാം. പ്രതികരണങ്ങളില് നിന്നുള്ള സൂചന ഉപയോഗിച്ച് തിരഞ്ഞപ്പോള് കാജു ബിസ്ക്കറ്റ് എന്ന സ്നാക്സ് ഉണ്ടാക്കുന്ന നിരവധി വീഡിയോകളാണ് ലഭ്യമായത്. പ്രചാരത്തിലുള്ള വീഡിയോയിലേതിനു സമാനമായി കുപ്പിയുടെ അടപ്പ് ഉപയോഗിച്ച് മാവ് വേര്പെടുത്തുന്നതും എണ്ണയിലിട്ട് വറുത്തെടുക്കുന്നതുമായ നിരവധി വീഡിയോകളാണ് യു ട്യൂബിലുള്ളത്. മെഷീന് ഉപയോഗിച്ചും കാജു ബിസ്ക്കറ്റ് തയാറാക്കുന്നുണ്ട്. ഇവയില് ഒരു വീഡിയോ താഴെ കാണാം. വ്യാജ കശുവണ്ടി നിര്മ്മാണവുമായി ബന്ധപ്പെട്ട് നിരവധി വീഡിയോകള് മുന്പും പ്രചരിച്ചിരുന്നു. 2020ല് ഇത്തരത്തിലൊരു വീഡിയോ വൈറലായത് 'യന്ത്രമുപയോഗിച്ച് വ്യാജ കശുവണ്ടി നിര്മിക്കുന്നു'എന്ന രീതിയിലാണ്. അന്ന് അതേപ്പറ്റി വ്യക്തമാക്കി ആജ് തക് നല്കിയ റിപ്പോര്ട്ട് ഇവിടെ കാണാം. പോസ്റ്റില് ആരോപിക്കുന്നതുപോലെ ഗോവയില് വ്യാജ കശുവണ്ടി നിര്മ്മാണം നടന്നിട്ടുണ്ടോ എന്നും ഞങ്ങള് പരിശോധിച്ചു. ഇതുസംബന്ധിച്ച് 2022ലെ ഒരു വാര്ത്താ റിപ്പോര്ട്ട് ലഭ്യമായി. എന്നാലിത് ഗുണനിലവാരം കുറഞ്ഞ കശുവണ്ടികള് ഇതരസംസ്ഥാനത്ത് നിന്ന് എത്തിച്ച് വില്പ്പന നടത്തുന്നതുമായി ബന്ധപ്പെട്ടാണ്. ഇത്തരം പരാതിയില് ഫുഡ് ആന്റ് സേഫ്റ്റി വിഭാഗം നടത്തിയ അന്വേഷണമാണ് വാര്ത്തയില് പരാമര്ശിക്കുന്നത്. ഇവിടെയും വ്യാജമായി നിര്മിച്ച കശുവണ്ടികള് വില്പ്പന നടത്തിയതായി പറയുന്നില്ല. പ്രചരിക്കുന്ന വീഡിയോ കാജു ബിസ്ക്കറ്റ് നിര്മ്മാണമാണെന്ന വസ്തുത വ്യക്തമായെങ്കിലും തെറ്റിദ്ധരിപ്പിക്കുന്ന ക്യാപ്ഷനോടെ വീഡിയോ പങ്കിട്ട 'സ്പൂണ്സ് ഓഫ് ഇന്ഡോര്' എന്ന വ്ലോഗര്ക്ക് ഞങ്ങള് ഇ-മെയില് സന്ദേശം അയച്ചിട്ടുണ്ട്. അദ്ദേഹത്തിന്റെ മറുപടി ലഭ്യമാകുന്ന മുറയ്ക്ക് വാര്ത്ത അപ്ഡേറ്റ് ചെയ്യുന്നതാണ്. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ വ്യാജ കശുവണ്ടി നിര്മ്മാണത്തിന്റേതല്ലെന്നും കാജു ബിസ്ക്കറ്റ് എന്ന ഭക്ഷ്യപദാര്ഥം (Tea Snacks) പാചകം ചെയ്യുന്നതിന്റേതാണെന്നും വ്യക്തം. ഗോവയില് വ്യജമായി കശുവണ്ടി നിര്മ്മിക്കുന്ന വീഡിയോ. ഇത് വ്യാജ കശുവണ്ടി നിര്മ്മാണത്തിന്റെ വീഡിയോ അല്ല. കാജു ബിസ്ക്കറ്റ് എന്ന സ്നാക്ക്സ് പാചകം ചെയ്യുന്ന വീഡിയോയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software