About: http://data.cimple.eu/claim-review/630a3e60eeb024bcb1f9d5205546621dae14472ed67af5e664d3411b     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • 'പ്രായം റിവേഴ്സ് ഗിയറിലാണ് ' ചില മനുഷ്യരെപ്പറ്റി എഴുതുമ്പോള് മാധ്യമങ്ങള് നല്കാറുള്ള വര്ണനയാണിത്. പ്രായം കൂടി വരുന്നത് പഴയ തലമുറയെ ആശങ്കപ്പെടുത്തിയിരുന്നെങ്കില് ഇന്ന് പലരും പ്രായമാകുമ്പോഴും ജീവിതം ആസ്വദിക്കുകയാണ്. ജീവിത നിലവാരം ഉയര്ന്നതും മെഡിക്കല് സയന്സിന്റെ വളര്ച്ചയുമൊക്കെ മനുഷ്യരുടെ ശരാശരി പ്രായപരിധി ഉയര്ത്തിയിട്ടുണ്ട്. ഇപ്പോള് പ്രായത്തെക്കുറിച്ച് ഒരു കണക്ക് സമൂഹമാധ്യമങ്ങളില് പ്രചാരത്തിലുണ്ട്. WHO യുടെ പുതിയ കണക്കുകള് പ്രകാരം 50 വയസുവരെയുള്ളവര് യുവാക്കളും 50-75 വരെ മധ്യവയസ്ക്കരും അതിനു മുകളില് വാര്ധക്യം എന്നും നിര്വചിച്ചിരിക്കുന്നുവെന്നാണ് അവകാശവാദം. 'പണ്ടൊക്കെ 40 വയസ്സ് കഴിഞ്ഞാല് ആളുകള് വൃദ്ധരാകുമായിരുന്നു. സ്ത്രീകളാണെങ്കില് 35 വയസ്സില് തന്നെ പ്രായം ബാധിച്ചിട്ടുണ്ടാകും. വേഷവും ഭാവവും പ്രായക്കൂടുതലിനു സംഭാവന നല്കിയിരുന്നു. ശരാശരി ആയുസും കുറവ്. ' എന്നു തുടങ്ങുന്ന പോസ്റ്റില് ' WHO യുടെ പുതിയ തീയറി പ്രകാരം 12 മുതല് 24 വയസ് വരെ കൗമാരവും, 25വയസ്സു മുതല് 50 വയസ്സുവരെ യൗവനകാലമാണ്.51മുതല് 75 വരെ മധ്യവയസ്സും 75 നു മുകളില് വാര്ധക്യവുമാണ്..' എന്നാണ് അവകാശപ്പെടുന്നത്. ഇത്തരമൊരു പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റില് പറയുന്നത് തെറ്റിദ്ധരിപ്പിക്കുന്ന വിവരങ്ങളാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. WHO ഇത്തരമൊരു നിര്വചനം നല്കിയിട്ടില്ല. AFWA അന്വേഷണം പ്രചാരത്തിലുള്ള പോസ്റ്റിന്റെ ആദ്യ ഭാഗങ്ങളില് പറയുന്നതുപോലെ പഴയ കാലഘട്ടത്തെ അപേക്ഷിച്ച് ഇപ്പോള് ജീവിത നിലവാരം ഉയര്ന്നുവെന്നത് ശരിയാണ്. മെഡിക്കല് സയന്സിന്റെ വളര്ച്ച കൊണ്ട് ആയുസ് വര്ധിപ്പിക്കാനും രോഗങ്ങളില് നിന്ന് വേഗത്തില് മുക്തി നേടാനും ഒക്കെ കഴിഞ്ഞിട്ടുണ്ട്. എന്നാല് ലോകാരോഗ്യ സംഘടനയുടെ റിപ്പോര്ട്ട് പ്രകാരം ഇത്തരത്തിലൊരു തരംതിരിക്കല് കണ്ടെത്താനായില്ല. ഇതേ പോസ്റ്റ് വര്ഷങ്ങളായി സമൂഹമാധ്യമങ്ങളില് പ്രചാരത്തിലുള്ളതാണെന്ന് കണ്ടെത്താനായി. 75 വയസുവരെയുള്ളവര് യുവാക്കള് അല്ലെങ്കില് മധ്യ വയസ്ക്കര് എന്നാണ് ഇവയില് പറയുന്നത്. ഇതെപ്പറ്റിയുള്ള ആധികാരിക റിപ്പോര്ട്ടുകള് പരിശോധിച്ചെങ്കിലും കൃത്യമായ ഒരു ഏജ് ഡെഫനിഷന് എവിടെയും പറയുന്നതായി കാണാനായില്ല. സാമൂഹിക-സാമ്പത്തിക അവസ്ഥ, ആരോഗ്യ-വിദ്യാഭ്യാസസ മേഖല എന്നിവയുമായി ബന്ധപ്പെടുത്തിയാണ് ഏജ് ഗ്രൂപ്പുകള് വിഭജിച്ചിരിക്കുന്നത്. യുണൈറ്റഡ് നേഷന്സ്(UN), ഇക്കണോമിക്സ് ആന്റ് സോഷ്യല് അഫയേഴ്സ് നിര്വചിച്ചിരിക്കുന്നതനുസരിച്ച് യൂത്ത് എന്നാല് 15നും 24നും ഇടയിലുള്ളവരാണ്. യുവജനങ്ങളെ സംബന്ധിച്ച് യുഎന് തയാറാക്കുന്ന എല്ലാ കണക്കുക്കളും ഇത് അടിസ്ഥാനപ്പെടുത്തിയാണ്. 14 വയസിനു താഴെയുള്ളവരെയാണ് കുട്ടികളായി കണക്കാക്കുന്നത്. എന്നാല് കുട്ടികളുടെ അവകാശ സംരക്ഷണത്തിനുള്ള നിയമാവലിയില് ഇത് 18 വയസുവരെയാണ്. കൂടാതെ 13-19 വയസുവരെയുള്ള ടീനേജേഴസ്, 20-24 വയസുവരെയുള്ള യഗ് അഡല്ട്ട്സ് എന്നിവര് ചേര്ന്നാണ് യുവാക്കള്(Youth) എന്നും ഇതില് പ്രത്യേകം എടുത്തു പറയുന്നുണ്ട്. യുഎന് ജനറല് അസംബ്ലി നിയമാവലി അനുസരിച്ചാണ് യുവാക്കളുടെ പ്രായപരിധി കണക്കാക്കുന്നതെന്നും ഇതില് പറയുന്നുണ്ട്. യുഎന് നിര്വചനം താഴെ കാണാം. വൃദ്ധര്(മുതിര്ന്നവര്) എന്ന ഗ്രൂപ്പില് വരുന്നവരെക്കുറിച്ച് യുഎന് ഹൈക്കമ്മീഷന് ഓഫ് റെഫ്യൂജീസ് (UNHCR) നല്കിയ നിര്വചനവും ലഭ്യമായി. 60 വയസ് പിന്നിട്ടവരെയാണ് യുഎന് മുതിര്ന്നവരായി കണക്കാക്കുന്നത്. സാമ്പത്തികവും സാമൂഹികവുമായി ചുറ്റുപാട് പ്രായമായി എന്ന തോന്നലിന് ഘടകമായേക്കാമെന്നും യുഎന് പറയുന്നു. ആരോഗ്യം, ശാരീരിക അവസ്ഥ എന്നിവ പരിഗണിച്ച് പലരും 60 വയസിന് മുന്പ് തന്നെ വാര്ധക്യ അവശതകള് നേരിടുന്നുണ്ട്. റിപ്പോര്ട്ടിലെ പ്രസക്ത ഭാഗം താഴെ കാണാം. മധ്യവയസ് (മിഡില് ഏജ് ) എന്നുള്ള കാലഘട്ടത്തെക്കുറിച്ച് പ്രത്യേക റിപ്പോര്ട്ടുകളൊന്നുമില്ല. Youth Adults, Middle aged, Middle aged adults എന്നിങ്ങനെ യുവാക്കള്ക്കും മുതിര്ന്നവര്ക്കും ഇടയിലുള്ള ഗ്രൂപ്പിനെ വിശദീകരിക്കുന്ന റിപ്പോര്ട്ടുകള് കാണാനായി. യുവാക്കളുടെ പരിധിയിലേക്ക് 18-65 വയസുള്ളവരെ പരിഗണിച്ചു എന്നുള്ള റിപ്പോര്ട്ട് മുന്പ് വൈറലായപ്പോള് എഎഫ്പി വിശദമായ ഫാക്ട് ചെക്ക് റിപ്പോര്ട്ട് നല്കിയിരുന്നു. യുഎന് സ്പോക്സ് മാന് Wai Kit-Si-Tou, കമ്മ്യൂണിക്കേഷന് അഡൈ്വസര് Roy Wadia എന്നിവരുമായി സംസാരിച്ചാണ് എഎഫ്പി ഈ വാദങ്ങള് തെറ്റാണെന്ന് വ്യക്തമാക്കിയത്. സമാനമായ പ്രചാരണമാണ് ഇപ്പോള് മലയാളത്തിലും വൈറലായിട്ടുള്ളത്. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റിലെ WHO റിപ്പോര്ട്ടിനെക്കുറിച്ച് പ്രതിപാദിക്കുന്ന ഭാഗം തെറ്റിദ്ധരിപ്പുക്കനതാണെന്ന് വ്യക്തം. WHO റിപ്പോര്ട്ട് പ്രകാരം 25-50 വയസുവരെ യൗവ്വനകാലമാണ്. ഇത്തരമൊരു റിപ്പോര്ട്ടില്ല. ഐക്യരാഷ്ട്രസഭ നിര്വചിച്ചിരിക്കുന്ന യൂത്ത് കാറ്റഗറിയില് ഉള്ളത് 15 മുതല് 24 വയസുവരെയുള്ളവരാണ്. 60 വയസിനു മുകളിലുള്ളവരെ മുതിര്ന്ന പൗരന്മാരായും കണക്കാക്കുന്നു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software