| schema:text
| - Agron Kuçi, kryetar i komunës së Junikut
Rrenat e Junikut për grevën e mësimdhënësve
Deklarata
Fatos Shala, më 21 janar: Me MAShT-in kemi vendosur që me u dhënë nxënësve pushim për shkak të kushteve jo të mira atmosferike.
Agron Kuçi, më 22 janar: Jemi në proces të mirë për me ja nis mësimit. Po ka filluar mësimi, dy orët e para ose tri orët e para.
Fatos Shala, më 22 janar: Në grevë janë shkollat e Junikut.
Vlerësimi
Rrenë
Komuna e Junikut, njëjtë sikur komunat tjera që udhëhiqen nga Aleanca për Ardhmërinë e Kosovës, është ngutur për të paralajmëruar nisjen e mësimit menjëherë pas konferencës së kryeministrit Ramush Haradinaj në të cilin shpalosi ofertën e tyre për sindikatën. Mësimi nuk ka nisur sipas paralajmërimeve të Komunës së Junikut. Komuna e Junikut fillimisht si arsye për mosfillim të mësimit i ka dhënë kushtet atmosferike, e më vonë kanë thënë se për shkak të grevës.
Artikulli
Komuna e Junikut në faqen e saj zyrtare në Facebook me 20 janar kishte shkruar se mësimi në këtë komunë do të fillojë nga dita e hënë (21 janar).
Njoftimi ishte bërë pas konferencës së kryeministrit Ramush Haradinaj, i cili kishte dhënë ofertën e tij për rritje pagash të mësimdhënësve grevistë.
“Njoftojmë të gjithë qytetarët se nesër me datë 21.01.2019, e Hënë fillon gjysmëvjetori i dytë në të gjitha shkollat në Komunën së Junikut sipas orarit paraprak. Të gjithë mësimdhënësve dhe nxënësve ju urojmë suksese”, thuhet në publikimin e Komunës.
Drejtori i Drejtorisë së Arsimit në Junik, Fatos Shala në një prononcim për KALLXO.com të hënën (21 janar) kishte deklaruar se greva e mësimdhënësve po vazhdon dhe se paralajmërimi i mbrëmshëm nuk kishte të bënte drejtpërdrejt me grevën.
“Me MAShT-in kemi vendosur që me u dhënë nxënësve pushim për shkak të kushteve jo të mira atmosferike, andaj në komunikatën e mbrëmshme ishte fjala që me fillu mësimi pas këtij pushimi, që ka qenë deri sot, dhe jo për shkak të grevës”, ka thënë Shala të hënën me 21 janar.
Kryetari i Komunës së Junikut, Agron Kuçi ka thënë të martën për KALLXO.com se pjesërisht ka filluar mbajtja e orëve mësimore nëpër shkolla, pra jo me orar të rregullt.
“Jemi në proces të mirë për me ia nisë mësimit. Po ka filluar mësimi, dy orët e para ose tri orët e para”, tha Kuçi përmes telefonit, të martën, me 22 janar.
KALLXO.com ka kontaktuar edhe një herë me drejtorin e DKA-së në këtë Komunë, Fatos Shala.
“Në grevë janë shkollat e Junikut”, u përgjigj Shala për KALLXO.com, të martën, me 22 janar.
E këto deklarata dhe thirrje të kryetarëve të komunave për ndërprerje të grevës, nënkryetarja e SBAShK-ut, Vjollca Shala, i konsideroi si presion, i cili nëse vazhdon do të ndiqet ligjërisht.
“Ne edhe më herët kemi deklaruar se të gjithë kryetarët e komunave dhe drejtoritë e arsimit komunale që të mos bëjnë presion te grevistët sepse përndryshe nëse bëhet presion nga ana e drejtorive komunale ndaj tyre do të bëjmë padi sepse ne jemi duke e mbajtur grevën në bazë të ligjit në fuqi”, deklaroi Shala.
https://kallxo.com/shkollat-e-decanit-junikut-e-mamushes-megjithate-ne-greve/
https://kallxo.com/juniku-e-decani-paralajmerojne-fillimin-e-procesit-mesimor-neser/
https://kallxo.com/dorezohet-haradinaj-rrit-pagat-per-mesimdhenesit/
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)