| schema:text
| - Rrena për shumën e blerjes së armëve nga Ushtria e Kosovës
Deklarata
Kaq investime për Ushtrinë e Kosovës për këtë vit
Vlerësimi
Rrenë
Artikulli me titullin “Kaq investime për Ushtrinë e Kosovës për këtë vit” që pretendon se brenda 3 viteve do të investohen 300 milionë euro në armë nga Ushtria e Kosovës është i rremë. Në artikull nuk ka asnjë burim të informacionit për këtë dhe rrjedhimisht vlerësohet si i rremë, pasi që nuk mbështetet në asnjë burim të saktë. Zëdhënësi i FSK-së e ka konfirmuar se ky informacion nuk mbështetet në informimin zyrtar dhe është i pa-saktë. Për më tepër në Kornizën Afatmesme të Shpenzimeve parashihet që në tri vitet e ardhshme të investohet rreth 191 milionë euro në investime kapitale nga Ministria e Mbrojtjes. Edhe këto 191 milionë nuk janë të gjitha të dedikuara për armë.
Artikulli
Faqja në internet ‘Skenderajpress’ me 6 shtator 2022 ka publikuar një lajm me titullin ‘Kaq investime për Ushtrinë e Kosovës për këtë vit’.
Përmbajtja e njejtë është shpërndarë edhe në disa faqe të Facebook-ut: Kosovo Army, Ushtria e Kosovës.
Brenda në tekst, në fjalinë e parë thuhet ‘Në tri vitet e ardhshme autoritetet tona do të blejnë armë me vlerë 300 milionë euro për ushtrinë’.
Pretendohet se do të investohet 300 milionë euro për blerjen e armëve, por ky pretendim nuk mbështetet me asnjë fakt.
Fillimisht, titulli është i rremë dhe ka për synim lexuesin të nxisë të klikojë në të. Më pas, teksti nuk ka asnjë burim të saktë të informacionit që i mbështet konstatimet e bëra. Në artikull nuk është cituar ministria e Mbrojtjes, Qeveria e Kosovës apo ndonjë institucion shtetëror dhe nuk është cituar asnjë dokument zyrtar.
KALLXO.com ka kontaktuar me zëdhënësin e Minsitrisë së Mbrojtjes, Ibrahim Shala, i cili e ka demantuar lajmin.
“Lajmi nuk është përgjigje dhe informacion i yni. Plani i Ministrisë së Mbrojtjes së blerjes dhe kontraktimit të sistemeve të mbrojtjes përe tri vitet e ardhshme do të realizohet në bazë të Planit Gjithëpërfshirës të Tranzicionit (2019 – 2028), plan ky që nënkupton ngritjen dhe funksionalizimin e aftësive dhe kapaciteteve të plotë operacionale të Ushtrisë sonë, për të realizuar detyrat ligjore dhe misionin kushtetues” – ka thënë Shala për KALLXO.com.
“Lajmet e tilla që plasohen nga mediume të papërgjegjshme pa kontaktuar me autoritetin tonë zyrtar për inforimim dhe këto media i vlerësojmë joprofesionale, pa paragjykuar tendencat e tyre” – ka thënë tutje ai.
Në ndërkohë, në Kornizën Afatmesme të Shpenzimeve të Qeverisë për 2022-2024, buxheti për shpenzimet kapitale të Ministrisë së Mbrojtjes është 55 milionë e 296 mijë për 2022, 61 milionë e 438 mijë e 846 euro për 2023 dhe 74 milionë e 541 mijë e 260 euro për 2024. Pra, në total janë 191.1 milionë euro për investime kapitale. E në investime kapitale nuk janë vetëm armët, por hyjnë edhe ndërtimin e objekteve të ndryshme dhe furnizime me pajisje tjera transportuese jo-ushtarake.
Në mungesë të burimit të informacionit dhe demantimit nga Ministria e Mbrojtjes, lajmi konsiderohet i rremë.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)