About: http://data.cimple.eu/claim-review/74a5f059e4d451e14ed31fac64b88d54718737428c68931ad4289e98     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പാർലമെൻറ് നടപടികൾ പുരോഗമിക്കവേ സഭയിൽ സംസാരിക്കുന്ന NCP എം.പി സുപ്രിയ സൂലെയുടെയും തിരുവനന്തപുരം എം.പി ശശി തരൂരിന്റെയും വീഡിയോ സമൂഹമാധ്യമങ്ങളിൽ വൈറലായിരുന്നു. തൻറെ ഇരിപ്പിടത്തിൽനിന്ന് നീങ്ങിവരുന്ന തരൂർ തല കൈകൾക്ക് മുകളിൽവെച്ച് കിടന്നുകൊണ്ട് തൊട്ടു മുന്നിലെ നിരയിൽനിന്നും തിരിഞ്ഞിരിക്കുന്നു സുപ്രിയ പറയുന്നത് പുഞ്ചിരിയോടെ കേൾക്കുന്നതാണ് വീഡിയോ ഉള്ളടക്കം. മുൻ ജമ്മു കശ്മീർ മുഖ്യമന്ത്രിയും മുതിർന്ന നേതാവുമായ ഫാറൂഖ് അബ്ദുള്ള സഭയിൽ സംസാരിക്കവേ സുപ്രിയയും തരൂരും സ്വകാര്യ സംഭാഷണത്തിൽ ഏർപ്പെട്ടത് നിരുത്തരവാദപരവും അനാദരവുമായി ആണ് സമൂഹമാധ്യമങ്ങളിൽ പലരും കണ്ടത്. വീഡിയോ വൈറലായതോടെ തരൂരിനെ ലക്ഷ്യംവച്ചുകൊണ്ട് ധാരാളം ട്രോളുകളും പുറത്തുവന്നിരുന്നു. എന്നാലിപ്പോൾ, ഇരുനേതാക്കളെയും പറ്റി മറ്റൊരു പ്രചാരണം നടക്കുന്നുണ്ട്. തന്റെയും സുപ്രിയയുടെയും വിവാഹനിശ്ചയം തരൂർ ട്വിറ്ററിലൂടെ പ്രഖ്യാപിച്ചു എന്നാണു പ്രചാരണം. പ്രസ്തുത ട്വീറ്റിന്റെ സ്ക്രീൻഷോട്ടും ഇതിനോടൊപ്പം പ്രചരിക്കുന്നുണ്ട്. പോസ്റ്റ് പ്രകാരം 2022 ഏപ്രിൽ 23നാണ് വിവാഹനിശ്ചയം തീരുമാനിച്ചിരിക്കുന്നത്. ഈ സ്ക്രീൻഷോട്ട് ഉപയോഗിച്ചിരിക്കുന്ന ഒരു പോസ്റ്റ് താഴെ കാണാം. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ പോസ്റ്റ് തെറ്റിദ്ധരിപ്പിക്കുന്നതാണെന്ന് കണ്ടെത്തി. പ്രചരിക്കുന്ന സ്ക്രീൻഷോട്ട് വ്യാജമാണ്. AFWA അന്വേഷണം ഏപ്രിൽ 5 ചൊവ്വാഴ്ച ലോക്സഭയിൽ ഉക്രൈൻ-റഷ്യ ഈ വിഷയത്തിൽ ചർച്ച നടക്കവേ ആയിരുന്നു വീഡിയോക്ക് ആസ്പദമായ സംഭവം. തുടർന്ന് ഏപ്രിൽ 7ന് ശശി തരൂർ തന്നെ ട്വിറ്ററിൽ ഒരു വിശദീകരണം നൽകിയിരുന്നു. സഭയിൽ അടുത്തതായി സംസാരിക്കേണ്ടിയിരുന്ന സുപ്രിയ ഒരു സംശയം താനുമായി പങ്കുവെക്കുകയായിരുന്നുവെന്നും, സംസാരിച്ചുകൊണ്ടിരുന്ന ഫാറൂഖ് അബ്ദുള്ളയെ ശല്യപ്പെടുത്തേണ്ട എന്ന് കരുതി ഇരുവരും പതിഞ്ഞ ശബ്ദത്തിൽ സംസാരിക്കാൻ ശ്രമിക്കുകയായിരുന്നു എന്നും തരൂർ കുറിച്ചു. For all those who've been enjoying themselves at @supriyaSule's &my expense over our brief exchange in the Lok Sabha, she was asking me a policy question because she was about to speak next. She was speaking softly so as not to disturb FarooqSahib, so i leaned over to hear her.🙏— Shashi Tharoor (@ShashiTharoor) April 7, 2022 പ്രചരിക്കുന്ന സ്ക്രീൻഷോട്ട് തരൂരിന്റെ ട്വിറ്റർ പേജിൽ ഞങ്ങൾക്ക് കണ്ടെത്താൻ സാധിച്ചില്ല. ട്വീറ്റുകൾ ഡിലീറ്റ് ചെയ്താലും കണ്ടെത്താൻ കഴിയുന്ന ആർക്കൈവ് വെബ്സൈറ്റുകളിലും തരൂരിന്റെ ഹാൻഡിലിൽനിന്ന് ഇങ്ങനെയൊരു ട്വീറ്റ് വന്നതിന്റെ തെളിവുകൾ ഉണ്ടായിരുന്നില്ല. NCP പ്രസിഡന്റ് ശരദ് പവാറിന്റെ മകളായ സുപ്രിയ സുലെ വിവാഹിതയും രണ്ടു കുട്ടികളുടെ അമ്മയുമാണ്. ലഭ്യമായ വിവരങ്ങൾ പ്രകാരം 1991ലാണ് സദാനന്ദ സുലേയും സുപ്രിയയും വിവാഹിതരായത്. ദമ്പതികൾക്ക് രേവതി, വിജയ് എന്ന മക്കളുമുണ്ട്. രേവതി സൂലെയുടെ ഇൻസ്റ്റഗ്രാമിൽ അച്ഛനും അമ്മയ്ക്കും സഹോദരനും ഒപ്പമുള്ള അനവധി കുടുംബചിത്രങ്ങൾ ലഭ്യമാണ്. ഇത് ഇവിടെ കാണാം. 2021ൽ ദമ്പതികൾക്ക് കോവിഡ് പിടിപെട്ടപ്പോൾ പുറത്തുവന്ന മാധ്യമ റിപ്പോർട്ട് താഴെ കാണാം. രണ്ട് പ്രമുഖ പ്രതിപക്ഷ എംപി മാർ പരസ്പരം വിവാഹം ചെയ്യുന്നു എന്ന അറിയിപ്പ് പുറത്തുവന്നിട്ടുണ്ടെങ്കിൽ തീർച്ചയായും മാധ്യമങ്ങൾ റിപ്പോർട്ട് ചെയ്യും. എന്നാൽ അങ്ങനെയൊരു പ്രഖ്യാപനത്തെപ്പറ്റി മാധ്യമങ്ങൾ ഇതുവരെ റിപ്പോർട്ട് ചെയ്തിട്ടില്ല. ഗൂഗിളിൽ "ശശിതരൂർ സുപ്രിയ സുലെ" എന്ന് തിരയുമ്പോൾ ഇപ്പോഴും ലഭ്യമാകുന്നത് വൈറൽ വീഡിയോയുടെ വിശദാംശങ്ങളും പ്രതികരണങ്ങളുമാണ്. ഇതിൽനിന്നും താനും എൻസിപി പാർലമന്റേറിയൻ സുപ്രിയ സൂലെയുംവിവാഹിതരാകുന്നു എന്ന വിവരം അറിയിച്ചു കൊണ്ട് തിരുവനന്തപുരം എംപി ശശി തരൂർ ട്വീറ്റ് ചെയ്തു എന്നത് തെറ്റായ വാർത്തയാണെന്ന് മനസ്സിലാക്കാം. ഇതിനായി ഉപയോഗിക്കുന്നത് കൃത്രിമമായി സൃഷ്ടിച്ച സ്ക്രീൻഷോട്ടാണ്. (വിവരങ്ങൾ നൽകിയത് നോയിഡയിൽ നിന്ന് സഞ്ജന സക്സേന) ഏപ്രിൽ 23 , 2022ന് താനും സുപ്രിയ സൂലെയും വിവാഹിതരാകുന്നു എന്ന വിവരം തിരുവനന്തപുരം എംപി ശശി തരൂർ ട്വിറ്ററിലൂടെ അറിയിച്ചു ഈ സ്ക്രീൻഷോട്ട് വ്യാജമാണ്. ഇങ്ങനെ ഒരു ട്വീറ്റ് ശശി തരൂരിന്റെ ഔദ്യോഗിക ഹാൻഡിൽ നിന്ന് വന്നതിന്റെ യാതൊരു സൂചനയും ലഭ്യമല്ല. മാധ്യമങ്ങളും വാർത്ത റിപ്പോർട്ട് ചെയ്തിട്ടില്ല. NCP നേതാവ് സുപ്രിയ സുലെ വിവാഹിതയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software