About: http://data.cimple.eu/claim-review/772213e4a389862a9dec8ff121da3f5a6cdf1fef8428c6d8e297a166     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പാലക്കാട് ഉപതിരഞ്ഞെടുപ്പുമായി ബന്ധപ്പെട്ട് കോണ്ഗ്രസിനെതിരെ ഉയര്ന്ന കള്ളപ്പണ ആരോപണം വലിയ ചര്ച്ചയായിരുന്നു. ഇതോടനുബന്ധിച്ചുള്ള ഹോട്ടല് റെയ്ഡും തുടര്ന്നുള്ള വിവാദങ്ങളും ഉപതിരഞ്ഞെടുപ്പിനെ സ്വാധീനിക്കുമെന്നാണ് രാഷ്ട്രീയ പാര്ട്ടികളുടെ വിലയിരുത്തല്. അതിനിടെ പാലക്കാട് ഡിസിസി ഓഫിസില് പണം പങ്കുവച്ചതുമായി ബന്ധപ്പെട്ട് കോണ്ഗ്രസ് പ്രവര്ത്തകര് തമ്മിലടിക്കുന്നുവെന്ന രീതിയില് ഒരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. മാധ്യമങ്ങള്ക്ക് മുന്നില് പരസ്പരം കലഹിക്കുന്ന പ്രവര്ത്തകരെ വീഡിയോയില് കാണാം. "പാലക്കാട് കോണ്ഗ്രസ് ഓഫീസില് കള്ളപ്പണം പങ്കുവെക്കുന്നതിനിടെ നേതാക്കള് തമ്മില് കൂട്ടയടി " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വീഡിയോ പാലക്കാട് ഡിസിസി ഓഫിസില് നടന്ന സംഘര്ഷത്തിന്റേതല്ലെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ലോക്സഭാ തിരഞ്ഞെടുപ്പിലെ പരാജയത്തെ തുടര്ന്ന് ജൂണ് ഏഴിന് തൃശൂര് ഡിസിസി ഓഫിസില് നടന്ന സംഘര്ഷമാണിത്. അന്വേഷണം റിപ്പോര്ട്ടര് ടിവിയുടെ വാര്ത്തയാണ് വൈറല് വീഡിയോയില് ഉള്പ്പെടുത്തിയിട്ടുള്ളത്. വീഡിയോയില് രണ്ടിടത്ത് തൃശൂര് ഡിസിസി ഓഫിസില് സംഘര്ഷമെന്ന് പറയുന്നത് കേള്ക്കാനാകും. ഡിസിസി പ്രസിഡന്റ് ജോസ് വള്ളൂരിനെ അനുകൂലിക്കുന്ന വിഭാഗവും കെ മുരളീധരനെ അനുകൂലിക്കുന്ന വിഭാഗവും തമ്മിലാണ് അടി നടക്കുന്നതെന്നും റിപ്പോര്ട്ടര് പറയുന്നത് കേള്ക്കാം. ഈ സൂചനകള് ഉപയോഗിച്ച് കീവേര്ഡ് സെര്ച്ച് നടത്തിയപ്പോള് റിപ്പോര്ട്ടര് ടിവി പ്രസിദ്ധീകരിച്ച യഥാര്ഥ വീഡിയോ ലഭ്യമായി. 'ഇതിവിടെയൊന്നും തീരില്ല...പൊരിഞ്ഞ അടി'; തൃശൂര് DCC ഓഫിസില് തമ്മില്തല്ല് ' എന്ന വിവരണത്തോടെ 2024 ജൂണ് ഏഴിനാണ് റിപ്പോര്ട്ടര് ടിവിയുടെ യുട്യൂബ് പേജില് ഈ വീഡിയോ പങ്കുവച്ചിട്ടുള്ളത്. ഇതിന്റെ പൂര്ണ്ണരൂപം ചുവടെ കാണാം. ലോക്സഭയില് കോണ്ഗ്രസിന്റെ സിറ്റിംഗ് സീറ്റായിരുന്ന തൃശൂരില് കെ മുരളീധരന് മൂന്നാം സ്ഥാനത്തേയ്ക്ക് തള്ളപ്പെട്ടിരുന്നു. ഇതിനു പിന്നില് ഡിസിസി പ്രസിഡന്റായിരുന്ന ജോസ് വെള്ളൂരാണെന്ന് ആരോപിച്ചായാരുന്നു സംഘര്ഷം നടന്നതെന്ന് റിപ്പോര്ട്ടില് പറയുന്നു. ഡിസിസി ഓഫിസില് നടന്ന സംഘര്ഷം സംബന്ധിച്ച് മറ്റ് മാധ്യമങ്ങള് നല്കിയ വാര്ത്തകളിലും കെ മുരളീധരന്റെ പരാജയമാണ് സംഘര്ഷത്തിലേക്ക് നയിച്ചതെന്ന് വ്യക്തമാക്കുന്നുണ്ട്. ഈ സംഘര്ഷത്തിനു പിന്നില് പണം ഇടപാടുകളോ മറ്റ് ആരോപണങ്ങളോ ഉള്ളതായി വാര്ത്തകളില് പറയുന്നില്ല. ഡിസിസി ഓഫിസിലെ സംഘര്ഷത്തില് ജോസ് വെള്ളൂര് ഉള്പ്പെടെ 20 പേര്ക്കെതിരെ കേസെടുത്തിരുന്നു. ഈ കൂട്ടത്തല്ല് പാര്ട്ടിക്ക് നാണക്കേടുണ്ടാക്കിയതോടെ എഐസിസി നേതൃത്വം ഇടപെട്ടു. ഇതോടെ ഡിസിസി പ്രസിഡന്റ് ജോസ് വെള്ളൂരും യുഡിഎഫ് ജില്ലാ ചെയര്മാന് എംപി വിന്സെന്റും രാജി വച്ചതായി ജൂണ് 10ന് മാതൃഭൂമി റിപ്പോര്ട്ട് ചെയ്തിട്ടുണ്ട്. കെ മുരളീധരന് പരാജയപ്പെട്ട ശേഷം ജോസ് വെള്ളൂരിനും ടിഎന് പ്രതാപനുമെതിരെ യൂത്ത് കോണ്ഗ്രസ് പ്രവര്ത്തകര് ഡിസിസി ഓഫിസിന്റെ മതിലില് പോസ്റ്റര് പതിച്ചിരുന്നു. ഇത് ചോദ്യം ചെയ്തതാണ് വാക്കു തര്ക്കത്തിലേക്കും പിന്നീട് കൈയ്യാങ്കളിയിലേക്കും എത്തിയതെന്നും റിപ്പോര്ട്ടിലുണ്ട്. ഇതു സംബന്ധിച്ച മാതൃഭൂമി വാര്ത്തയുടെ സ്ക്രീന്ഷോട്ട് ചുവടെ കാണാം. പാലക്കാട് ഡിസിസി ഓഫിസില് അടുത്തിടെ ഇത്തരം സംഘര്ഷമുണ്ടായിരുന്നോ എന്നും ഞങ്ങള് പരിശോധിച്ചു. ഉപതിരഞ്ഞെടുപ്പിലെ സ്ഥാനാര്ഥി നിര്ണയവുമായി ബന്ധപ്പെട്ടുണ്ടായ കത്ത് വിവാദങ്ങളല്ലാതെ പാലക്കാട് ഡിസിസിയില് മറ്റ് പ്രശ്നങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല. പോസ്റ്റിലെ മറ്റൊരു ആരോപണം കള്ളപ്പണ വിവാദത്തെപ്പറ്റിയാണ്. എന്നാല് കോണ്ഗ്രസിനെതിരെ സിപിഎമ്മും ബിജെപിയും ആരോപിച്ച കള്ളപ്പണ വിവാദത്തില് തെളിവില്ലാത്തതിനാല് പൊലീസ് കേസെടുത്തിട്ടില്ലെന്ന് റിപ്പോര്ട്ടുകളുണ്ട്. സ്പെഷ്യല് ബ്രാഞ്ച് റിപ്പോര്ട്ടനുസരിച്ചാകും തുടര് നടപടിയെന്നും പൊലീസ് വിശദീകരിച്ചിട്ടുണ്ട്. ലഭ്യമായ വിവരങ്ങളില് നിന്ന് പാലക്കാട് ഡിസിസി ഓഫിസില് കള്ളപ്പണം പങ്കിടുന്നതിനിടെയുണ്ടായ തമ്മിലടിയെന്ന രീതിയില് പ്രചരിക്കുന്നത് ജൂണില് തൃശൂര് ഡിസിസിയില് നടന്ന സംഘര്ഷത്തിന്റെ വീഡിയോയാണെന്ന് വ്യക്തമായി. പാലക്കാട് ഡിസിസി ഓഫിസില് കള്ളപ്പണം പങ്കിടുന്നതിനിടെയുണ്ടായ സംഘര്ഷം. ഇക്കഴിഞ്ഞ ജൂണ് 7ന് തൃശൂര് ഡിസിസി ഓഫിസിലുണ്ടായ സംഘര്ഷത്തിന്റെ വീഡിയോയാണിത്. കെ മുരളീധരന്റെ തിരഞ്ഞെടുപ്പ് പരാജയത്തെ ചൊല്ലിയുണ്ടായ ഈ തര്ക്കത്തില് കെപിസിസി നടപടിയെടുത്തിരുന്നു.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software