| schema:text
| - Fact Check: ম্যানমাৰৰ পৰা মণিপুৰলৈ অবৈধ অনুপ্ৰৱেশৰ দাবী কৰি ভাইৰেল কৰা ভিডিঅ’টো ইৰাণৰ, ভুৱা ভিডিঅ’ ভাইৰেল হৈছে
- By: Sharad Prakash Asthana
- Published: Aug 30, 2023 at 04:17 PM
নতুন দিল্লী (বিশ্বাস সংবাদ)। মণিপুৰত সংঘটিত হিংসাত্মক ঘটনাৰ পিছত, বহুতো ভুৱা আৰু বিভ্ৰান্তিকৰ ভিডিঅ’ আৰু ছবি ছচিয়েল মিডিয়াত উচটনিমূলক দাবীৰে ভাইৰেল হৈ পৰিছে। এতিয়া সামাজিক মাধ্যমত এটা ভিডিঅ’ শ্বেয়াৰ কৰি থকা হৈছে। ইয়াত, মহিলা আৰু পুৰুষসকলক সৰু ল’ৰা-ছোৱালীৰ সৈতে পাহাৰৰ দুৰ্গম পথত খোজ কাঢ়ি থকা দেখা যায়। ছ’চিয়েল মিডিয়া ব্যৱহাৰকাৰীসকলে এই ভিডিঅ’টো শ্বেয়াৰ কৰি দাবী কৰিছে যে এই লোকসকলে গোপনে ম্যানমাৰৰ পৰা মণিপুৰত প্ৰৱেশ কৰিছে।
বিশ্বাস নিউজে নিজৰ অনুসন্ধানত বিচাৰি পালে যে ভাইৰেল ভিডিঅ’টোৰ ম্যানমাৰৰ সৈতে কোনো সম্পৰ্ক নাই। এই ভিডিঅ’টো ইৰাণৰ যাযাবৰ সকলৰ, যিসকলে দুৰ্গম পাহাৰীয়া পথত খোজ কাঢ়ি জীৱন যাপন কৰে।
ভাইৰেল পোষ্টটো কি?
বিশ্বাস নিউজৰ হোৱাটছএপ টিপলাইন নম্বৰ +91 9599299372, ব্যৱহাৰকাৰীসকলে এই ভিডিঅ’টো প্ৰেৰণ কৰি সঁচা কথা জনাবলৈ অনুৰোধ কৰিছে ।
ফেচবুক ব্যৱহাৰকাৰী ‘অনন্ত গান্ধী‘ ‘(আৰ্কাইভ লিঙ্ক)’ য়ে ১১ আগষ্টত এই ভিডিঅ’টো পোষ্ট কৰি লিখিছিল,
“ম্যানমাৰৰ পৰা মণিপুৰলৈ চোৰাং পথ…এই লোকসকলে কেনেকৈ তেওঁলোকৰ জীৱন ৰক্ষা কৰিবলৈ পণ দি #ভাৰতলৈ আহে?”
অনুসন্ধান
ভাইৰেল দাবীটো অনুসন্ধান কৰিবলৈ, আমি প্ৰথমে ভিডিঅ’টোৰ কিছুমান কীফ্ৰেম উলিয়াইছিলো আৰু সেইবোৰ ইয়াণ্ডেক্স ৰিভাৰ্চ ছবিৰে অনুসন্ধান কৰিছিলো। অনুসন্ধানত, আমি ইউটিউব চেনেল DENA-ত ভাইৰেল ভিডিঅ’ৰ দৰে এটা ভিডিঅ’ পাইছিলো। 14 ফেব্ৰুৱাৰী 2023 তাৰিখে আপলোড কৰা এই প্ৰায় এক ঘণ্টাৰ ভিডিঅ’টোত, ভাইৰেল ভিডিঅ’টোত দেখা পোৱা লোকসকলক দেখা যায়। ইয়াত, শিশুৰ সৈতে, মহিলা আৰু পুৰুষসকলক পাহাৰৰ বিপদজনক পথৰ মাজেৰে খোজ কাঢ়ি থকা দেখা যায়। ইয়াৰ বৰ্ণনাত লিখা আছে যে ইৰাণত যাযাবৰসকলৰ জীৱনৰ ওপৰত ই এখন তথ্যচিত্ৰ।
একেটা ইউটিউব চেনেলত আৰু কিছুমান একে ধৰণৰ ভিডিঅ’ দেখা যায়।
সেইবোৰৰ বৰ্ণনাত কোৱা হৈছে যে ইৰানী যাযাবৰসকলে শিশুক কঢ়িয়াবলৈ স্থানীয় বেকপেক ব্যৱহাৰ কৰে। তেওঁলোকে তেওঁলোকৰ সন্তানক জুলনাত শুৱাই পিঠিত বান্ধি লয় আৰু কঠিন পথ অতিক্ৰম কৰে। এই চলচ্চিত্ৰখনত আমি দেখুৱাইছো যে যাযাবৰ শিশুসকলে কেনেদৰে খোজ কাঢ়ে।
ভাইৰেল ভিডিঅ’টোৰ কিছু অংশ ইউটিউব চেনেলত 12 মাৰ্চ 2023 তাৰিখে আপলোড কৰা এটা ভিডিঅ’ত দেখা যায়। ভিডিঅ’টো 42 মিনিটতকৈও অধিক দীঘল। ইয়াৰ বৰ্ণনাতো, এই ভিডিঅ’টোক ইৰানী যাযাবৰৰ বুলি বৰ্ণনা কৰা হৈছে।
এই চেনেল আৰু ভাইৰেল ভিডিঅ’টোত দেখা শিশু আৰু আন মানুহবিলাকো একে। ইউটিউব চেনেলত আপলোড কৰা ভিডিঅ’টো সম্পূৰ্ণ স্পষ্ট।
এইটো নিশ্চিত কৰিবলৈ, আমি ইৰাণী যাযাবৰসকলৰ জীৱনৰ ওপৰত তথ্যচিত্ৰ আপলোড কৰা ইউটিউব চেনেল DENA ৰ সৈতে যোগাযোগ কৰিছিলো। তেওঁলোকে জনালে-“এয়া হৈছে ইৰাণ আৰু এইবোৰ হৈছে জাগ্ৰোছৰ হেলনীয়া ভূমি”। ইয়াৰ অৰ্থ হৈছে ম্যানমাৰ বা মণিপুৰৰ সৈতে ইয়াৰ কোনো সম্পৰ্ক নাই।
25 জুলাইত আজতক ৰ ৱেবছাইটত প্ৰকাশিত প্ৰতিবেদনত লিখা হৈছে, “দুটা সম্প্ৰদায়ৰ মাজত চলি থকা হিংসাত্মক ঘটনাৰ মাজত মণিপুৰত অনুপ্ৰৱেশৰ খবৰ পোৱা গৈছে”। মণিপুৰ চৰকাৰে উদ্বেগ প্ৰকাশ কৰিছে যে অসম ৰাইফলছে মণিপুৰত 718 জন শৰণাৰ্থীৰ অনুপ্ৰৱেশৰ খবৰ দিছে। মণিপুৰ চৰকাৰে ইয়াক সংবেদনশীল বুলি বৰ্ণনা কৰিছে। অসম ৰাইফলছ কৰ্তৃপক্ষৰ পৰা এক বিতং প্ৰতিবেদন বিচৰা হৈছে। মে মাহৰ পৰা ৰাজ্যখনত সংঘটিত হিংসাত্মক ঘটনাত 150 জনৰো অধিক লোক নিহত হৈছে।”
অৱশেষত, আমি ভিডিঅ’টো মিছা দাবীৰে ভাইৰেল কৰা ব্যৱহাৰকাৰী জনৰ প্ৰ’ফাইল স্কেন কৰিলোঁ। 2010 চনৰ ডিচেম্বৰৰ পৰা থকা ফেচবুক ব্যৱহাৰকাৰীসকল আহমেদাবাদত বাস কৰে। ব্যৱহাৰকাৰীসকল এটা বিশেষ আদৰ্শৰ দ্বাৰা প্ৰভাৱিত।
ইয়াৰ পূৰ্বেও মণিপুৰৰ হিংসাৰ নামত বহুতো ভুৱা আৰু বিভ্ৰান্তিকৰ পোষ্ট ভাইৰেল হৈ পৰিছিল। বিশ্বাস নিউজে এনে বহুতো পোষ্টৰ অনুসন্ধান কৰিছে আৰু সেইবোৰৰ সত্যতা উলিয়াই আনিছে। তথ্য পৰীক্ষাৰ প্ৰতিবেদন ইয়াত পঢ়িব পাৰি।
উপসংহাৰঃ ম্যানমাৰৰ পৰা মণিপুৰলৈ অবৈধ অনুপ্ৰৱেশৰ দাবীৰ সৈতে ভাইৰেল হোৱা ভিডিঅ’টো ইৰাণৰ। ভাইৰেল ভিডিঅ’টোৰ ম্যানমাৰ বা মণিপুৰৰ সৈতে কোনো সম্পৰ্ক নাই।
- Claim Review : এই লোকসকলে গোপনে ম্যানমাৰৰ পৰা মণিপুৰত প্ৰৱেশ কৰিছে।
- Claimed By : FB User- অনন্ত গান্ধী
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)