| schema:text
| - Fact Check: ડાન્સ કરતા વિરાટ કોહલી અને ક્રિસ ગેલનો જુનો વીડિયો WPL 2024 સાથે જોડીને વાયરલ
વિશ્વાસ ન્યૂઝની તપાસમાં જાણવા મળ્યું કે વિરાટ કોહલીના અલગ-અલગ વીડિયોને લઈને કરવામાં આવી રહેલા દાવા ભ્રામક છે. આ વીડિયો જૂના છે, તેનો તાજેતરની WPL 2024માં રોયલ ચેલેન્જર્સ બેંગલોરની જીત સાથે કોઈ જ સંબંધ નથી. કેટલાક લોકો જૂના વીડિયોને તાજેતરના જણાવીને શેર કરી રહ્યાં છે.
- By: Jyoti Kumari
- Published: Mar 29, 2024 at 11:17 AM
નવી દિલ્હી (વિશ્વાસ ન્યૂઝ) રોયલ ચેલેન્જર્સ બેંગ્લોરે વુમેન્સ પ્રીમિયર લીગ 2024ની બીજી સીઝનની ફાઈનલમાં દિલ્હી કેપિટલ્સને હરાવીને ખિતાબ પોતાના નામે કરી લીધો છે. જે બાદ સોશિયલ મીડિયા પર વિરાટ કોહલીનો એક વીડિયો વાયરલ થઈ રહ્યો છે. જેમાં વિરાટ કોહલીને ક્રિસ ગેલની સાથે ડાન્સ કરતા જોઈ શકાય છે. ઘણા યુઝર્સ વિરાટ કોહલીના ડાન્સના અલગ-અલગ વીડિયોને તાજેતરના જણાવીને શેર કરી રહ્યા છે.
વિશ્વાસ ન્યૂઝની તપાસમાં આ દાવો ભ્રામક નીકળ્યો. વિરાટ કોહલીનો આ વીડિયો વર્ષ 2016નો છે. જ્યારે વિરાટ કોહલી અને ક્રિસ ગેલની વચ્ચે ડાન્સ કોમ્પિટિશન યોજાઈ હતી અને બંનેએ જોરદાર ડાન્સ કર્યો હતો. વાસ્તવમાં વિરાટ કોહલીના અલગ-અલગ સમયના વીડિયોને તાજેતરના વુમન પ્રીમિયર લીગ 2024 સાથે જોડીને શેર કરવામાં આવી રહ્યા છે.
શું થઈ રહ્યું છે વાયરલ?
ફેસબુક યુઝર ‘anushka kumari’એ (આર્કાઇવ લિંક) વાયરલ વીડિયોને શેર કરતા લખ્યું છે, “WPL જીત્યા બાદ વિરાટ કોહલીનું રિએક્શન. વિરાટ કોહલીએ ક્રિસ ગેલને બોલાવ્યા અને ડાન્સ કર્યો.”
ફેસબુક યુઝર Movies 2024 (આર્કાઇવ લિંક) એ પણ વિરાટ કોહલી સહિત અન્ય ક્રિકેટરોનો એક વીડિયો શેર કર્યો છે. જેની સાથે દાવો કરવામાં આવ્યો છે કે, ”વિરાટ કોહલી ડાન્સ women ટીમ RCB win”
ફેસબુક યુઝર્સ CricketStudioreport (આર્કાઇવ લિંક)એ પણ વિરાટ કોહલીનો એક વીડિયો શેર કર્યો છે. જેની સાથે દાવો કરવામાં આવ્યો છે કે, “WPLમાં RCBના ચેમ્પિયન બનવાની ખુશીમાં વિરાટ કોહલી જીતના નશામાં ડાન્સ કરવા લાગ્યા. જુઓ આખો વીડિયો.”
તપાસ
વિરાટ કોહલીના વાયરલ વીડિયોની અમે એક-એક કરીને તપાસ કરી. અમે સૌથી પહેલા કોહલી અને ક્રિસ ગેલના વીડિયોને સંબંધિત કીવર્ડ્સ સાથે સર્ચ કર્યો. અમને વીડિયો સંબંધિત સમાચાર વર્ષ 2016માં ઘણી ન્યૂઝ વેબસાઈટ પર મળ્યા. અમર ઉજાલાની વેબસાઈટ (આર્કાઈવ લિંક) પર 28 એપ્રિલ 2016ના રોજ વીડિયો સંબંધિત સમાચાર મળ્યા. પ્રકાશિત સમાચાર જણાવવામાં આવ્યું છે કે, ”રોયલ ચેલેન્જર્સ બેંગ્લોરના ક્રિકેટર ક્રિસ ગેલ અને કેપ્ટન વિરાટ કોહલી આ તસવીરમાં ખૂબ જ ખુશ દેખાઈ રહ્યા છે. બંનેની વચ્ચે ડાન્સ કોમ્પિટેશન ચાલી રહ્યું છે. આ વીડિયોમાં ગિટાર RCBના જ ઓલરાઉન્ડર શેન વોટસન વગાડી રહ્યા છે.”
વાયરલ વીડિયો સાથે જોડાયેલા અન્ય સમાચાર અહીં જોઈ શકાય છે.
બીજો વીડિયો
તપાસમાં આગળ અમે બીજો વીડિયો, જેમાં વિરાટ કોહલીની સાથે અન્ય ક્રિકેટરોને જોઈ શકાય છે, તેને સર્ચ કર્યો. અમે વીડિયોના સ્ક્રીનશોટને ગૂગલ ઈમેજ પર અપલોડ કર્યો. સ્પોર્ટ્સ કીડાની વેબસાઈટ પર વીડિયો સંબંધિત સમાચાર મળ્યા. 22 મે 2022ના રોજ પ્રકાશિત થયેલા સમાચારમાં વીડિયોના સ્ક્રીનશૉટનો ઉપયોગ કરવામાં આવ્યો છે. પ્રકાશિત સમાચાર અનુસાર, “વીડિયો IPL 2022નો છે, જ્યારે મુંબઈ ઈન્ડિયન્સે દિલ્હી કેપિટલ્સને હરાવ્યા બાદ રોયલ ચેલેન્જર્સ બેંગ્લોરે આ રીતે ખુશી મનાવી હતી.”
રોયલ ચેલેન્જર્સ બેંગ્લોરે પણ તેમના એક્સ હેન્ડલ પર વીડિયો સાથે જોડાયેલી તસવીરોને 22 મે 2022ના રોજ શેર કરી હતી.
ત્રીજો વીડિયો
તપાસને આગળ વધારતા અમે વિરાટ કોહલીના મેદાન પર ડાન્સ કરવાના વીડિયોને શોધ્યો. સંબંધિત કીવર્ડ્સ સાથે સર્ચ કરતાં અમને Eros Now ના વેરિફાઈડ ફેસબુક પર વીડિયો અપલોડ કરેલો મળ્યો. વીડિયો (આર્કાઇવ લિંક)ને 16 ઓક્ટોબર 2020ના રોજ શેર કરવામાં આવ્યો હતો.
વીડિયો સંબંધિત સમાચાર અમને india.comની વેબસાઈટ પર મળ્યા. 15 ઓક્ટોબર 2020ના રોજ પ્રકાશિત થયેલા સમાચાર જણાવવામાં આવ્યું છે કે, “IPLમાં પંજાબની ટીમ સામેની મેચ પહેલા વિરાટ કોહલીનો એક વીડિયો ખૂબ વાયરલ થઈ રહ્યો છે, જેમાં તેઓ નાના બાળકની જેમ તમામ ચિંતાઓને છોડીને ગ્રાઉન્ડ પર ડાન્સ કરતા જોવા મળી રહ્યા છે.”
વાયરલ દાવા અંગે અમે એકવાર ફરી ગૂગલ પર સર્ચ કર્યું. Jagran.com પર 17 માર્ચ 2024ના પ્રકાશિત સમાચાર અનુસાર, ”RCB મેન્સ ટીમના પૂર્વ કેપ્ટન વિરાટ કોહલીએ (આર્કાઇવ લિંક) મહિલા ટીમની જીત પર ઈન્સ્ટાગ્રામ પર સ્ટોરી શેર કરી. તેમણે મહિલા ટીમની તસવીર શેર કરી અને લખ્યું ‘સુપરવુમન’. કોહલીએ વીડિયો કોલ દ્વારા સ્મૃતિ મંધાનાને જીત બદલ અભિનંદન પાઠવ્યા હતા. તેની એક તસવીર RCBએ તેના સોશિયલ મીડિયા હેન્ડલ પર શેર કરી છે.”
વીડિયોને લઈને અમે અમે દૈનિક જાગરણના સ્પોર્ટ્સ એડિટર અભિષેક ત્રિપાઠી સાથે સંપર્ક કર્યો. તેમણે વીડિયોને જૂના ગણાવ્યા છે.
અંતે અમે વાયરલ પોસ્ટને શેર કરનાર યુઝરના એકાઉન્ટને સ્કેન કર્યું. અમને જાણવા મળ્યું કે યુઝરને 8 હજારથી વધુ લોકો ફોલો કરે છે. પ્રોફાઇલ પર હાજર માહિતી અનુસાર, યુઝર વારાણસીનો રહેવાસી છે.
निष्कर्ष: વિશ્વાસ ન્યૂઝની તપાસમાં જાણવા મળ્યું કે વિરાટ કોહલીના અલગ-અલગ વીડિયોને લઈને કરવામાં આવી રહેલા દાવા ભ્રામક છે. આ વીડિયો જૂના છે, તેનો તાજેતરની WPL 2024માં રોયલ ચેલેન્જર્સ બેંગલોરની જીત સાથે કોઈ જ સંબંધ નથી. કેટલાક લોકો જૂના વીડિયોને તાજેતરના જણાવીને શેર કરી રહ્યાં છે.
- Claim Review : WPL જીત્યા પછી વિરાટ કોહલીનો ડાન્સ.
- Claimed By : ફેસબુક યુઝર- anushka kumari
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)