Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact checks doneFOLLOW US
Fact Check
Claim
یہ ویڈیو اسرائیل کے نمبر 1 بم پروف میرکافا ٹینک کی ہے، جسے حماس نے تباہ کر دیا۔
Fact
ویڈیو ایک سال سے زائد پرانی اور یوکرین میں روسی ٹینک ٹی-90 اے کی تباہی کی ہے۔
حماس اور اسرائیل میں عارضی جنگ بندی کے بعد دونوں ممالک کے قیدیوں کو آزاد کیا جا رہا ہے۔ اب سوشل میڈیا پر ایک ویڈیو شیئر کی جا رہی ہے۔ جس میں سڑک پر تباہ شدہ ٹینک نظر آرہا ہے۔ دعویٰ کیا جار ہا ہے کہ ویڈیو میں تباہ شدہ نظر آرہا ٹینک اسرائیل کا سب سے قیمتی اور نمبر1 بم پروف میرکافا ٹینک ہے، جسے حماس نے تباہ کردیا ہے۔
ویڈیو کے ساتھ ایک فیس بک صارف نے کیپشن میں لکھا ہے کہ “یہ 16 ملین ڈالر کی خطیر رقم سے تیار کردہ دنیا کا نمبر1 بم پروف میرکافا ٹینک پڑا ہوا ہے۔ حماس کے جانبازوں کا کہنا ہے ہم نے غزہ میں بدر و احد کی طرح خدائی نصرت اترتی دیکھی ہے۔ ہم نے اپنے ہاتھوں سے تیار کردہ معمولی راکٹوں سے سینکڑوں میرکافا ٹینک اور بکتر بند گاڑیاں تباہ کر دیں”۔
تباہ شدہ اسرائیلی میرکافا ٹینک کا بتاکر شیئر کی گئی ویڈیو کے ایک فریم کو ہم نے گوگل ریورس امیج سرچ کیا۔ جہاں ہمیں 7 اپریل 2022 کو شیئر شدہ روب لی نامی ایکس ہینڈل پر وائرل ویڈیو ملی۔ جس میں اس ویڈیو کو روسی ٹینک ٹی-90 اے کی تباہی کا بتایا گیا ہے۔
مزید سرچ کے دوران ہمیں یہی ویڈیو 11 اپریل 2022 کو یوکرین ملیٹری نامی یوٹیوب چینل پر ملی۔ جس کا کیپشن یوکرینی زبان میں تھا۔ ترجمہ کرنے پر معلوم ہوا کہ یہ یوکرین میں روسی ٹینک ٹی-90 اے کے باقیات کا منظر ہے۔ اس ویڈیو سے متعلق میڈیا رپورٹس یہاں اور یہاں پڑھ سکتے ہیں۔
ایک رپورٹ کے مطابق میرکافا ٹینک اسرائیلی جنگی ٹینکوں کی ایک سیریز ہے، جو اسرائیل کی دفاعی افواج اور آئی ڈی ایف کا اہم جزو ہے۔
لہٰذا نیوز چیکر کی تحقیقات سے یہ ثابت ہوا کہ وائرل ویڈیو اسرائیل کے نمبر1 بم پروف میرکافا ٹینک کی نہیں ہے بلکہ یہ ایک سال سے زائد پرانی اور یوکرین میں روسی ٹینک ٹی-90 اے کے باقیات کی ہے۔
Sources
X post by @RALee85 on 07 April 2022
Video published by YouTube channel Ukrainian Military YouTube on 11 April 2022
Reports published by Obozrevatel and Charter97 on April 2022
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Mohammed Zakariya
November 9, 2023
Mohammed Zakariya
November 8, 2023
Mohammed Zakariya
November 1, 2023