| schema:text
| - Fact Check : દેવઘર કોંગ્રેસના કાર્યાલયમાંથી નીટ પેપર લીકના આરોપીઓ ઝડપાયા હોવાનો દાવો ફેક
વિશ્વાસ ન્યૂઝની તપાસમાં વાયરલ પોસ્ટ ભ્રામક સાબિત થઈ. ઝારખંડના દેવઘરના કોંગ્રેસ કાર્યાલયમાંથી NEET UG કેસના આરોપીઓની ધરપકડ કરવામાં આવી હોવાનો દાવો કરતી પોસ્ટ ભ્રામક છે.
- By: Ashish Maharishi
- Published: Jul 3, 2024 at 05:15 PM
નવી દિલ્હી (વિશ્વાસ ન્યૂઝ)દેશમાં NEET પેપર લીક કેસમાં કાર્યવાહી ચાલી રહી છે. હવે આને જોડતો એક વીડિયો વાયરલ થઈ રહ્યો છે. દાવો કરવામાં આવી રહ્યો છે કે NEET પેપર લીકના 6 આરોપીઓ ઝારખંડના દેવઘર ખાતે આવેલા કોંગ્રેસ કાર્યાલયમાં છુપાયેલા હતા. વીડિયોમાં કેટલાક લોકોને દોરડું બાંધીને ગાડીમાં લઈ જતા જોઈ શકાય છે.
વિશ્વાસ ન્યૂઝે વાયરલ પોસ્ટની તપાસ કરી. જાણવા મળ્યું કે વાયરલ પોસ્ટ ખોટી છે. પટનાની હોસ્પિટલમાં મેડિકલ તપાસ બાદ લઈ જવામાં આવેલી રહેલા આરોપીઓના વીડિયોને દેવઘર કોંગ્રેસ કાર્યાલય સાથે જોડીને વાયરલ કરવામાં આવી રહ્યો છે. અમારી તપાસમાં સામે આવ્યું છે કે કોંગ્રેસ કાર્યાલયમાંથી 6 આરોપીઓની ધરપકડ કરવામાં આવી નથી.
શું થઈ રહ્યું છે વાયરલ?
ફેસબુક યુઝર મુકેશ સિંહે 27 જૂને એક વીડિયોને અપલોડ કરીને દાવો કર્યો કે, ”NEET પેપર લીકના 6 આરોપી ઝારખંડના દેવઘરના કોંગ્રેસ કાર્યાલયમાં છુપાયેલા હતા. pls see n forward to people n see real face of congress who are playing with students future.”
વાયરલ પોસ્ટના કન્ટેન્ટને અહીં જેમ છે તેમ જ લખવામાં આવ્યું છે. તેને સાચું માનીને અન્ય યુઝર્સ પણ વાયરલ કરી રહ્યા છે. પોસ્ટનું આર્કાઇવ વર્ઝન અહીં જુઓ.
તપાસ
વિશ્વાસ ન્યૂઝે તપાસની શરૂઆતમાં સૌથી પહેલા વાયરલ વીડિયો વિશે માહિતી એકઠી કરવાનું શરૂ કર્યું. વીડિયોની કીફ્રેમ્સ કાઢીને સર્ચ કરવા પર અમને અસલી વીડિયો ANIના એક્સ હેન્ડલ પર મળ્યો. તેને 23 જૂન, 2024ના રોજ અપલોડ કરતા લખવામાં આવ્યું હતું કે, UG NEET કેસમાં ધરપકડ કરાયેલા 6 આરોપીઓને મેડિકલ તપાસ બાદ પટનાની LNJP હોસ્પિટલમાં લઈ જવામાં આવ્યા હતા. આ આરોપીઓની બિહાર પોલીસે 21 જૂને ઝારખંડના દેવઘરથી ધરપકડ કરી હતી.
તપાસને આગળ વધારતા વિશ્વાસ ન્યૂઝે દેવઘરનું દૈનિક જાગરણ અખબાર ઓનલાઈન સર્ચ કર્યું. અમને 23 જૂને એક સમાચાર મળ્યા. એવું કહેવામાં આવ્યું હતું કે દેવઘર એઈમ્સની પાસે એક મકાનમાંથી પંકુ કુમાર, પરમજીત સિંહ ઉર્ફે બિટ્ટુ, ચિન્ટુ ઉર્ફે બલદેવ કુમાર, કાજુ ઉર્ફે પ્રશાંત કુમાર, અજીત કુમાર અને રાજીવ કુમારની ધરપકડ કરવામાં આવી હતી.
અમને Jagran.com પર પણ એક સમાચાર મળ્યા. તેને 22 જૂને પ્રકાશિત કરવામાં આવ્યા હતા. તેમાં એવું કહેવામાં આવ્યું હતું કે NEET પેપર લીક કેસમાં પટના પોલીસની ટીમે દેવઘર જિલ્લાના દેવીપુર પોલીસ સ્ટેશન વિસ્તારમાં AIIMSની સામે ભાડાના મકાનમાં દરોડો પાડ્યો હતો અને છ આરોપીઓની અટકાયત કરી હતી.
અમને પ્રભાત ખબરની વેબસાઈટ પર પણ આની સાથે સંબંધિત સમાચાર મળ્યા. વાઈરલ પોસ્ટમાં દેખાતી ઈમારત અને ANIની પોસ્ટમાં દેખાતી ઈમારત એક જ છે.
તપાસને આગળ વધારતા, વિશ્વાસ ન્યૂઝે દેવઘરના દૈનિક જાગરણના વરિષ્ઠ સંવાદદાતા આર.સી સિંહાનો સંપર્ક કર્યો. તેમની સાથે વાયરલ પોસ્ટ શેર કરી. તેમણે કહ્યું કે, દેવઘરમાં કોંગ્રેસનું આવું કાર્યાલય નથી, જેવું વીડિયોમાં જોવા મળી રહ્યું છે.
તપાસના અંતે, ભ્રામક દાવો કરનાર યુઝરની તપાસ કરવામાં આવી. યુઝર મુકેશ સિંહને આઠસોથી વધુ લોકો ફોલો કરે છે. આ એકાઉન્ટ વિશે આનાથી વધુ માહિતી ઉપલબ્ધ નથી.
निष्कर्ष: વિશ્વાસ ન્યૂઝની તપાસમાં વાયરલ પોસ્ટ ભ્રામક સાબિત થઈ. ઝારખંડના દેવઘરના કોંગ્રેસ કાર્યાલયમાંથી NEET UG કેસના આરોપીઓની ધરપકડ કરવામાં આવી હોવાનો દાવો કરતી પોસ્ટ ભ્રામક છે.
- Claim Review : NEET પેપર લીકના 6 આરોપીઓ ઝારખંડના દેવઘરના કોંગ્રેસ કાર્યાલયમાં છુપાયેલા હતા
- Claimed By : FB User Mukesh Singh
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)