About: http://data.cimple.eu/claim-review/91b0664813fd2f52745d8c252432588741b0f7b5e0f8e9ae24fbb8fc     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തിരുവനന്തപുരം ജില്ലയിലെ കണിയാപുരത്ത് യുവതിയെ വീടിനുള്ളില് മരിച്ച നിലയില് കാണപ്പെട്ടിരുന്നു. കണിയാപുരം കരിച്ചാറ സ്വദേശിയായ ഷാനു(33) എന്ന വിജിയാണ് ജനുവരി 13ന് മരണപ്പെട്ടത്. സംഭവത്തില് ഷാനുവിനൊപ്പം താമസിച്ചിരുന്ന തമിഴ്നാട് സ്വദേശി അറസ്റ്റിലായിട്ടുണ്ട്. ഷാനുവിന്റെ മരണ വാര്ത്ത ഇപ്പോള് വര്ഗീയ ലക്ഷ്യങ്ങളോടെ സമൂഹമാധ്യമങ്ങളില് പ്രചരിക്കുകയാണ്. ഷാനു മുസ്ലീം ആയിരുന്നുവെന്നും ഹിന്ദുവിനൊപ്പം ഇറങ്ങിപ്പോയി അമ്പലത്തില് വച്ച് വിവാഹം ചെയ്യുകയും ഒടുവില് കൊല്ലപ്പെട്ടുവെന്നുമാണ് സമൂഹമാധ്യമങ്ങളിലെ പ്രചാരണം. "മതത്തിന്റെ വേലിക്കട്ട് പൊളിച്ച് സംഘിയോടൊപ്പം ഒളിച്ചോടി ക്ഷേത്രത്തില്പോയി വിവാഹം കഴിച്ച മുസ്ലിം യുവതി ഇന്ന് വീടിനുള്ളില് സമാധിയായി കാണപ്പെട്ടു " എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. മരണപ്പെട്ട ഷാനു മുസ്ലീമല്ല, ഈ സംഭവത്തിന് യാതൊരു വര്ഗീയ തലവുമില്ലെന്ന് പൊലീസ് സ്ഥിരീകരിച്ചു. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം ഷാനുവിന്റെ മരണം സംബന്ധിച്ച മാധ്യമ റിപ്പോര്ട്ടുകളാണ് ഞങ്ങള് ആദ്യം പരിശോധിച്ചത്. ജനുവരി 14ന് മാതൃഭൂമി ഓണ്ലൈന് നല്കിയ റിപ്പോര്ട്ട് പ്രകാരം കണിയാപുരം കരിച്ചാറയിലുള്ള വാടക വീട്ടിലാണ് ഷാനുവിന്റെ മൃതദേഹം കാണപ്പെട്ടത്. ജനുവരി 13ന് വൈകിട്ട് സ്കൂളില് നിന്ന് മക്കള് തിരിച്ചെത്തിയപ്പോഴാണ് മരണവിവരം പുറത്തറിയുന്നത്. രാവിലെ എട്ടരയോടെ മക്കള് സ്കൂളില് പോകുമ്പോള് ഷാനു വീട്ടിലുണ്ടായിരുന്നു. എട്ട് വര്ഷം മുന്പ് ആദ്യ ഭര്ത്താവ് മരണപ്പെട്ട ശേഷം ഷാനുവും മക്കളും വാടകവീട്ടിലാണ് താമസിച്ചിരുന്നത്. അടുത്തിടെ രംഗന് എന്ന തമിഴ്നാട് സ്വദേശിയെ ഷാനു വിവാഹം കഴിച്ചിരുന്നു. ഇയാള്ക്ക് വേണ്ടി പൊലീസ് തിരച്ചില് നടത്തുന്നതായും റിപ്പോര്ട്ടിലുണ്ട്. എന്നാല് വാര്ത്തകളിലൊന്നും തന്നെ സംഭവത്തിന് വര്ഗീയ വശമുള്ളതായി സൂചനയില്ല. ഷാനുവിനെ രംഗന് കയറുകൊണ്ട് കഴുത്ത് മുറുക്കി കൊലപ്പെടുത്തിയതാകുമെന്ന് പൊലീസ് സംശയിക്കുന്നതായി മനോരമ ന്യൂസും വാര്ത്ത നല്കിയിരുന്നു. റിപ്പോര്ട്ടിന്റെ സ്ക്രീന്ഷോട്ട് ചുവടെ കാണാം. ഷാനുവിന്റെ മരണം കൊലപാതകമാണെന്ന് സ്ഥിരീകരിച്ചതായും ഒപ്പം താമസിച്ചിരുന്ന രംഗന് എന്ന രംഗദുരൈ അറസ്റ്റിലായതായും ഇന്ന് വാര്ത്തകള് പുറത്തുവന്നിട്ടുണ്ട്. തിരുനെല്വേലി സ്വദേശിയായ രംഗനെ തെങ്കാശിയില് വച്ച് മംഗലപുരം പൊലീസും ഷാഡോ ടീമും ചേര്ന്നാണ് അറസ്റ്റ് ചെയ്തത്. ഇയാള് കുറ്റം സമ്മതിച്ചതായും വാര്ത്തയില് പറയുന്നു. കണ്ടല് നിയാസ് മന്സിലില് ഷാനു(വിജി) എന്നാണ് വാര്ത്തകളില് നല്കിയിട്ടുള്ളത്. ഇവര് മുസ്ലീം ആയിരുന്നോ എന്ന കാര്യമാണ് പിന്നീട് ഞങ്ങള് പരിശോധിച്ചത്. കേസ് അന്വേഷിക്കുന്ന മംഗലപുരം സിഐ ഹേമന്ത് കുമാറുമായി ഞങ്ങള് സംസാരിച്ചു. " കൊല്ലപ്പെട്ട സ്ത്രീ മുസ്ലീമല്ല, ഹിന്ദുവാണ്. അസ്വാഭാവിക മരണമായതിനാല് അവരോടൊപ്പം താമസിച്ചിരുന്നയാളെയാണ് ആദ്യം മുതല് പൊലീസ് അന്വേഷിച്ചത്. ഈ സംഭവത്തിന് യാതൊരു തരത്തിലും വര്ഗീയ വശമില്ല. കൊലപാതകത്തിലേക്ക് നയിച്ച കാരണം പൊലീസ് അന്വേഷിച്ച് വരികയാണ്. അതിനിടെയുള്ള ഇത്തരം പ്രചാരണങ്ങളൊക്കെ തികച്ചും വ്യാജമാണ്, " സിഐ ഇന്ത്യാ ടുഡേയോട് പറഞ്ഞു. ഷാനുവിനെ കുറിച്ചുള്ള കൂടുതല് വിവരങ്ങള്ക്കായി അവര് താമസിച്ചിരുന്ന ആണ്ടൂര്ക്കോണം ഗ്രാമപഞ്ചായത്തിലെ 18-ാം വാര്ഡ് മെമ്പര് എസ് സണ്ണി കുമാറുമായി ഞങ്ങള് സംസാരിച്ചു. സോഷ്യല് മീഡിയ പ്രചാരണം വ്യാജമാണെന്ന് സണ്ണി കുമാര് വ്യക്തമാക്കി. " ഷാനു താമസിച്ചിരുന്നത് കരിച്ചാറ ജുമാ മസ്ജിന് സമീപത്തുളള ഒരു മുസ്ലീം കുടുംബത്തിന്റെ ഉടമസ്ഥതയിലുള്ള വാടക വീട്ടിലാണ്. അതിനാലാണ് വാര്ത്തകളിലൊക്കെ അവരുടെ വിലാസം നിയാസ് മന്സില് എന്ന് വന്നിട്ടുള്ളത്. ഷാനുവിന്റെ കുടുംബത്തെ എനിക്ക് നേരിട്ടറിയാം. ശോഭന-രവി ദമ്പതികളുടെ മകളാണ് ഷാനു. ഷാനുവിന്റെ ആദ്യ ഭര്ത്താവ് എട്ടുവര്ഷത്തിന് മുന്പ് മരിച്ചു. തുടര്ന്ന് ഷാനു വിദേശത്ത് ജോലി തേടിപ്പോയി. ഈ സമയത്ത് ഷാനുവിന്റെ മാതാപിതാക്കള്ക്കൊപ്പമായിരുന്നു അവരുടെ മക്കള് കഴിഞ്ഞിരുന്നത്. ഷാനു തിരിച്ചെത്തിയ ശേഷമാണ് അവരുടെ മക്കള്ക്കൊപ്പം കഴിഞ്ഞിരുന്ന അമ്മ ശോഭന മകന്റെ വീട്ടിലേക്ക് പോയത്. തമിഴ്നാട് സ്വദേശി രംഗനുമായി അടുത്തിടെയാണ് താമസം ആരംഭിച്ചത്. അയാളും ഹിന്ദു ആണ്, " വാര്ഡ് മെമ്പര് സണ്ണി കുമാര് വ്യക്തമാക്കി. ഷാനുവിന്റെ സഹോദരന് ഷിനുവിനെയും ഞങ്ങള് ബന്ധപ്പെട്ടു. " ഞങ്ങള് ഹിന്ദു, തണ്ടാര് വിഭാഗത്തില്പ്പെട്ടവരാണ്. ഷാനുവിന്റെ ആദ്യ ഭര്ത്താവ് ചിറയന്കീഴ് ചെറുവള്ളിമുക്ക് സ്വദേശി ബിനുവും ഹിന്ദു ആയിരുന്നു. രണ്ടാമത്തെ വിവാഹം വിജി(ഷാനു) ഞങ്ങളെ അറിയിച്ചിരുന്നില്ല. ക്ഷേത്രത്തില് വച്ച് വിവാഹം കഴിച്ചുവെന്നാണ് ഇപ്പോള് മക്കളില് നിന്ന് അറിയാന് കഴിഞ്ഞത്. അവര് താമസിച്ചിരുന്നത് ഒരു മുസ്ലീമിന്റെ വീട്ടിലായിരുന്നു. എന്റെയും വിജിയുടെയും അര്ധ സഹോദരന് ഒരു മുസ്ലീം യുവതിയെയാണ് വിവാഹം ചെയ്തിട്ടുള്ളത്. അതല്ലാതെ ഞങ്ങള്ക്ക് മറ്റ് മതങ്ങളുമായി ബന്ധമില്ല. കൊലപാതകിയെ പിടിച്ചുവെന്ന് വാര്ത്തകളില് നിന്ന് കണ്ടിരുന്നു. ഞങ്ങള്ക്ക് കൂടുതല് വിവരങ്ങളൊന്നും അറിയില്ല. മക്കള് നല്ല ഷോക്കിലാണ്, " ഷിനു ഇന്ത്യാ ടുഡേയോട് പറഞ്ഞു. ലഭ്യമായ വിവരങ്ങളില് നിന്ന് കണിയാപുരത്ത് കൊല്ലപ്പെട്ട യുവതി മുസ്ലീം അല്ലെന്നും സംഭവത്തിന് വര്ഗീയ വശങ്ങളില്ലെന്നും വ്യക്തമായി. കണിയാപുരത്ത് മുസ്ലീം മതം ഉപേക്ഷിച്ച് ഹിന്ദുവിനൊപ്പം ഒളിച്ചോടിയ യുവതിയെ വീട്ടിനുള്ളില് കൊല്ലപ്പെട്ട നിലയില് കണ്ടെത്തി. കണിയാപുരത്ത് കൊല്ലപ്പെട്ട ഷാനു മുസ്ലീം അല്ല, ഹിന്ദുവാണ്. സംഭവത്തിന് വര്ഗീയ വശങ്ങളില്ലെന്ന് പൊലീസ് സ്ഥിരീകരിച്ചിട്ടുണ്ട്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software