| schema:text
| - Pretendime për shërimin e prostatitit duke përdorur figura të mjekëve ukrainas
Deklarata
Prostatiti një kërcënim për shëndetin e burrave ke nuk mund të injorohet. Prostata juaj është në rrezik, dhimbje urinim i shpeshtë e dhe ulje potensis…
Vlerësimi
Rrenë
Janë të rreme pretendimet “Prostatiti një kërcënim për shëndetin e burrave ke nuk mund të injorohet. Prostata juaj është në rrezik, dhimbje urinim i shpeshtë e dhe ulje potensis…” të bëra në një video të publikuar në një faqe në Facebook. Në këtë video pretendohet rrejshëm se një mjek është duke e rekomanduar një ilaç për shërimin e sëmundjeve të prostatës, por personi që flet është nga Ukraina. Urologu Rinor Derivishi thot se pacientët duhet të konsultohen me profesionistë për të trajtuar këto sëmundje, bazuar në protokollet dhe udhëzimet e fundit nga institucionet shëndetësore.
Artikulli
Më 10.01.2025, faqja në Facebook Physically jdl6 (arkiva) ka publikuar një video në të cilën pretendohet për një ilaç që bën shërimin e prostatitit.
“Prostatiti një kërcënim për shëndetin e burrave ke nuk mund të injorohet. Prostata juaj është në rrezik, dhimbje urinim i shpeshtë e dhe ulje potensis…”- thuhet ndër të tjera në këtë video.
Aty nuk bëhet i ditur emri i ndonjë produkti që do të shëronte prostatitin.
Në video shihet edhe një mjek i cili pretendohet se flet shqip, megjithatë ai nuk arrinë t’i shqiptojë disa fjalë në shqip.
Krypometër e ka verifikuar fotografinë e këtij mjeku dhe ka gjetur se kjo fotografi i takon mjekut ukrainas Evgeny Komarovsky. Ai është pediatër dhe nuk është urolog, si pretendohet në video.
Si trajtohet prostatiti?
Krypometër ka kontaktuar me urologun Rinor Derivishi, i cili ka thënë se pacientët trajtohen në bazë të protokolleve të cilat janë të bazuara në udhëzimet e fundit nga institucionet shëndetësore.
Ai ka thënë se kur prostata ka infeksion, ajo mund të trajtohet me ilaçe, mirëpo kur infeksioni rritet atëherë duhet trajtim tjetër.
“Prostata nëse është e infektuar, por jo e rritur, mund të trajtohet me ilaçe. Në momentin që rritet dhe bën pengesa në urinim, shërimi i vetëm mbetet intervenimi, ku janë disa metoda prej më pak invazive në ato me operacion të hapur.”- ka thënë urologu Rinor Dervishi.
Krypometër ka kontaktuar edhe me urologun Avni Fetahu, i cili ka thënë se trajtimi i sëmundjes së prostatës bëhet bazuar në protokollet shëndetësore, të cilat parashohin edhe ilaçet e aprovuara e që janë në shitje nëpër barnatore.
Sipas Fetahut, ilaçet që i përshkruajnë për sëmundjet e prostatës janë të licensuara dhe kanë Autorizim të Marketingut nga Agjensioni Kosovar për Produkte Pajisje Medicinale (AKPPM), si parashihet në Ligjin për Produkte dhe Pajisje Medicinale.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)