| schema:text
| - Ilustrim - Pika kufitare në Jarinjë Foto: KALLXO.com
Rrena se mbi 30 mijë serbë kanë ikur nga Mitrovica në javën e fundit
Deklarata
“Serbët e Mitrovicës, mbi 30 mijë kanë ikur vetëm në këtë javë, njofton gazeta Koha”
Vlerësimi
Rrenë
Nuk ka asnjë informacion zyrtar se kanë ikur mbi 30 mijë serbë nga Mitrovica në javën e fundit, nga Mitrovica e Veriut apo edhe nga ajo e Jugut. Po ashtu asnjë gazetë me emrin ‘Koha’ apo ndonjë media tjetër e Kosovës apo e Serbisë nuk ka raportuar për një ngjarje të tillë. Gjithashtu Mitrovica e Veriut e cila është e banuar me shumicë serbe, sipas vlerësimit të popullsisë të vitit 2021 nga Agjencia e Statistikave të Kosovës, ka pasur 11,882 banorë, pra as sa gjysma e numrit 30 mijë sa është thënë në postimin e shpërndarë në “TikTok”. Derisa, të gjitha komunat me shumicë serbe në veri të Kosovës, Mitrovica e Veriut, Leposaviqit, Zubin Potokut dhe Zveçanit kanë 38,560 banorë në bazë të vlerësimit të popullsisë të vitit 2021 të realizuar nga ASK. Ndërsa Komuna e Mitrovicës së Jugut, sipas të njëjtit vlerësim të popullsisë që është publikuar nga ASK në qershor të vitit 2022, ka gjithsej 69,866 banorë.
Artikulli
Më 26 prill 2023, faqja “UÇK ma thojnë emrin” ka shpërndarë një fotografi me përshkrimin “serbët e Mitrovicës, mbi 30 mijë kanë ikur vetëm në këtë javë, njofton gazeta Koha”. Ky përshkrim është shoqëruar me një fotografi ku shihen disa vetura në kolonë.
Nuk ka asnjë informacion zyrtar se kanë ikur mbi 30 mijë serbë nga Mitrovica në javën e fundit, nga Mitrovica e Veriut apo edhe nga ajo e Jugut. Po ashtu asnjë gazetë me emrin ‘Koha’ apo ndonjë media tjetër e Kosovës apo e Serbisë nuk ka raportuar për një ngjarje të tillë.
Gjithashtu Mitrovica e Veriut e cila është e banuar me shumicë serbe, sipas vlerësimit të popullsisë të vitit 2021 nga Agjencia e Statistikave të Kosovës, ka pasur 11,882 banorë, pra as sa gjysma e numrit 30 mijë sa është thënë në postimin e shpërndarë në “TikTok”.
Derisa, të gjitha komunat me shumicë serbe në veri të Kosovës, Mitrovica e Veriut, Leposaviqit, Zubin Potokut dhe Zveçanit kanë 38,560 banorë në bazë të vlerësimit të popullsisë të vitit 2021 të realizuar nga ASK. Ndërsa Komuna e Mitrovicës së Jugut, e cila është me shumicë shqiptare, sipas të njëjtit vlerësim të popullsisë që është publikuar nga ASK në qershor të vitit 2022, ka gjithsej 69,866 banorë.
Ky postim është bërë me 26 prill 2023, disa ditë pas zgjedhjeve të jashtëzakonshme të mbajtura në katër komunat me shumicë serbe në veri të Kosovës: Mitrovicë e Veriut, Leposaviq, Zubin Potok dhe Zveçan.
7 ekipe të KALLXO.com e kanë monitoruar nga afër procesin e votimit më 23 prill 2023 në katër komunat me shumicë serbe dhe kanë raportuar për çdo zhvillim. Në këto komuna nuk është raportuar për asnjë incident. Të njëjtën e kanë thënë edhe institucionet e rendit në Kosovë.
Zgjedhjet e jashtëzakonshme në katër komunat me shumicë serbe në veri janë bojkotuar nga serbët. Nga rreth 1,500 votues sa kanë shfrytëzuar të drejtën e tyre për votë, në Leposaviq dhe Mitrovicë të Veriut ka dalë fituese Lëvizja Vetëvendosje ndërsa në Zveçan dhe Zubin Potok ajo e PDK-së.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)