| schema:text
| - Pretendimi i rremë se një suplement ndihmon në shërimin e prostatës
Deklarata
Këto tableta të lira do të kurojnë prostatitin për 5 ditë. Merrni një tabletë para gjumit!
Vlerësimi
Rrenë
Postimi “Këto tableta të lira do të kurojnë prostatitin për 5 ditë. Merrni një tabletë para gjumit!” është i rremë. Në këtë shkrim janë përdorë media fiktive. Revista që pretendohet që e ka publikuar këtë shkrim nuk është e regjistruar në Kosovë, ndërsa faqja e internetit nuk është medium edhe pse paraqitet si i tillë. Në këtë faqe janë dhënë pretendime të pabazuara për shërim të prostatitit. Ekspertët rekomandojnë që pacientet të konsultohen me mjekë për trajtim të sëmundjeve që prekin prostatën.
Artikulli
Më 13.05.2024, faqja në Facebook ‘Etessy’ (arkiva) ka publikuar një fotografi mbi të cilën shihen disa tableta dhe shkruan “Këto tableta të lira do të kurojnë prostatitin për 5 ditë. Merrni një tabletë para gjumit!”. Përveç kësaj në ilustrimin e publikuar në Facebook është vendosur edhe çmimi për këto tableta që është 6 euro.
Kur klikon mbi këtë ilustrim, linku të dërgon te një shkrim i gjatë në ueb-faqen ‘bio-plus.uno’ (arkiva), tema e të cilit është ‘Prostatiti’. Kjo faqe është prezantuar me emrin “Revista për Shëndetin e Burrave”.
Krypometër ka kërkuar nëse kjo revistë është funksionale në Kosovë, mirëpo nuk ka hasur në biznes të regjistruar më këtë emër në Kosovë apo media që është funksionale dhe që është anëtare e Këshillit të Mediave të Shkruara.
Edhe pse faqja e internetit “Revista për Shëndetin e Burrave” ka dizajn të një portali/media, ajo nuk është e tillë. Secilen prej rubrikave që janë në këtë faqe që klikohet (SHËNDETI I MASHKUJVE, KARRIERA DHE PUNA, RECETA PËR BEQARËT) të dërgon tek opsioni për blerjen e një ilaçi me emërin ‘Prostafix.
Artikulli rekomandon një produkt shëndetësor që pretendohet se shëron prostatitin. Në këtë rast bëhet fjalë për ‘Prostafix’. Në këtë artikull është prezantuar një rrefim i një burri, të cilit i është publikuar fotografia por jo edhe emri i tij.
Krypometër, duke përdorë veglat e kërkimit të fotografia ‘Yandex’ dhe ‘TinEye’, ka gjetur se fotografitë e përdorura janë për ilustrim të qifteve që mund të blihen apo shkarkohen nga interneti.
A janë këto ilaçe të regjistruara në Kosovë?
Agjencia e Kosovës për Produkte dhe Pajisje Medicinale është institucion i cili rregullon shitjen dhe importin e ilaçeve në Kosovë.
Ligji për Produkte dhe Pajisje Medicinale thotë se “produkti medicinal mund të plasohet në Republikën e Kosovës vetëm pas marrjes së Autorizimit për Marketing nga AKPPM”.
Krypometri ka kërkuar edhe tek lista e barnave që kanë autorizim marketingu në Kosovë nëse produkti i promovuar në këtë ueb faqe është i lejuar për tu shitur dhe tregëtuar në Kosovë.
Pas kërkimeve në faqen e Agjencisë për produkte dhe pajisje medicinale në Kosovë rezulton se Produkti Prostafix nuk është në listën e barërave me autorizim marketingu.
Mjekët: Mos blini ilaçe online
Krypometër ka kontaktuar me urologun Avni Fetahu, i cili ka thënë se trajtimi i sëmundjeve të prostatës bëhen bazuar në protokolet shëndetësore, të cilat parashohin edhe barnat që janë në shitje nëpër barnatore.
Ai ka thënë se ky ilaç nuk është pjesë e protokoleve. Sipas Fetahut, ilaçet që i përshkruajnë për sëmundjet e prostatës janë të licencuara.
Në një shkrim autorial, Urologu Rinor Dervishi kishte shkruar për problemet me prostatën dhe domosdoshmërinë që secili pacient të konsultohet me mjekë.
Dervishi kishte shkruar se “trajtimi i prostatës varion varësisht prej problemit dhe madhësisë se prostatës, nga terapia me barna e deri te largimi i prostatës me intervenim kirurgjikal”.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)