About: http://data.cimple.eu/claim-review/9b8ff39a7abfdecb9b3cc7bcdeff3f4a06db346a5a95328a73abadce     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കര്ണാടകയിലെ ഹിജാബ് വിവാദത്തിനു ശേഷം സമൂഹമാധ്യമങ്ങളില് നിരവധി പ്രചാരണങ്ങള് സജീവമാണ്. മുസ്ലീം സ്ത്രീകളുടെ വസ്ത്രധാരണവുമായി ബന്ധപ്പെട്ട പോസ്റ്റുകളാണ് ഇവയില് ഏറെയും. അതിനിടെ മുസ്ലീം അഭയാര്ഥികളുടേത് എന്ന പേരില് ഇപ്പോള് സമൂഹമാധ്യമങ്ങളില് ഒരു ചിത്രം സജീവമാണ്. അറേബ്യന് രാജ്യമായ ലെബനനില് അഭയാര്ഥികളായെത്തിയ മുസ്ലീങ്ങളുടെ ചിത്രം എന്ന പേരിലാണ് ഇത് പങ്കുവയ്ക്കപ്പെടുന്നത്. 'മതേതര മലയാളികളുടൈ അറിവിലേക്കായി ലെബനോന് 1975 വരെ 65% കൃസ്ത്യന് ഭൂരിപക്ഷമായ മതേതര ജനാധിപത്യ രാജ്യമായിരുന്നു' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത് ലെബനനില് എത്തിയ മുസ്ലീം അഭയാര്ഥികളല്ല. AFWA അന്വേഷണം പ്രചരിക്കുന്ന ചിത്രം റിവേഴ്സ് ഇമേജില് സെര്ച്ച് ചെയ്തപ്പോള് നിരവധി മാധ്യമങ്ങള് ഈ ചിത്രം പ്രസിദ്ധീകരിച്ചിട്ടുള്ളതായി കണ്ടെത്താനായി. ഇതില് നിന്ന് ചിത്രം ലെബനനിലേതല്ല മറിച്ച് അല്ബേനിയയില് നിന്ന് ഇറ്റലിയിലെത്തിയ അഭയാര്ഥികളുടേതാണെന്ന് മനസിലാക്കാനായി. അല്ബേനിയന് മാധ്യമമായ എക്സിറ്റ് ന്യൂസില്(Exit news) 2020 ഓഗസ്റ്റ് എട്ടിന് പ്രിസിദ്ധീകരിച്ച ഒരു ലേഖനം ലഭ്യമായി. '29 Years Since Albanians Stormed Ship in Vlora, Bound for Bari' എന്ന തലക്കെട്ടോടെ പ്രസിദ്ധീകരിച്ച ലേഖനത്തില് പറയുന്നത് 20,000 അല്ബേനിയക്കാരുമായി ഇറ്റലിയിലെ ബാരിയിലേക്ക് പുറപ്പെട്ട വ്ലോറ എന്ന കപ്പലിനെപ്പറ്റിയാണ്. തെക്കുകിഴക്കന് യൂറോപ്പിലെ ഒരു ചെറുരാജ്യമാണ് അല്ബേനിയ. 1990കളുടെ തുടക്കത്തില് കമ്മ്യൂണിസ്റ്റ് പാര്ട്ടിക്കുണ്ടായ അപചയത്തെത്തുടര്ന്ന് രാജ്യം വിട്ടുപോയ അല്ബേനിയന് ജനതയുടെ അവസ്ഥ ഓര്മ്മപ്പെടുത്തുകയാണ് ഈ ലേഖനം. മറ്റു ചില മാധ്യമങ്ങളിലും, ഫോട്ടോ സ്റ്റോക്സിലും ഈ ചിത്രം കണ്ടൈത്താനായി. റെയര് ഹിസ്റ്റോറിക്കല് ഫോട്ടോസ് നല്കിയ ലേഖനത്തില് അല്ബേനിയന് അഭയാര്ഥികളുട നിരവധി ചിത്രങ്ങള് ഉള്പ്പെടുത്തിയിട്ടുണ്ട്. ഈ ചിത്രം മുന്പും ലബനന് തീരത്തെത്തിയ സിറിയന് അഭയാര്ഥികളുടേത് എന്ന രീതിയില് പങ്കുവയ്ക്കപ്പെട്ടിരുന്നു. എന്നാല് ലഭ്യമായ റിപ്പോര്ട്ടുകളിലൊന്നും അഭയാര്ഥികള് മുസ്ലീം വിഭാഗത്തില്പ്പെട്ടവരാണ് എന്ന് പ്രത്യേകിച്ച് എടുത്ത് പറയുന്നില്ല. എല്ലാ വിഭാഗം ജനങ്ങളും അല്ബേനിയയില് നിന്ന് പലായനം ചെയ്തിരുന്നു.ബാരി തീരത്തെത്തിയ അഭയാര്ഥികള് അക്രമാസക്തരായതായും പിന്നീട് ഇറ്റാലിയന് അധികൃതര് ഇവരെ സ്വീകരിച്ചതായും റിപ്പോര്ട്ടുകളിലുണ്ട്. ജര്മ്മനിയായിരുന്നു അഭയാര്ഥികളുടെ ലക്ഷ്യം. സമൂഹമാധ്യമങ്ങളില് ഈ ചിത്രം തെറ്റായി പങ്കുവയ്ക്കപ്പെട്ടപ്പോള് 2015ല് പോളിഫാക്ട് ഒരു ലേഖനം നല്കിയിരുന്നു. ഇത് ഇറ്റലിയില് നിന്നുള്ള ചിത്രമാണെന്ന് വ്യക്തമായെങ്കിലും ഫേസ്ബുക്ക് പോസ്റ്റില് പറഞ്ഞിരിക്കുന്നതുപോലെ 1975 കാലഘട്ടത്തില് സിറിയയില് നിന്ന് അഭയാര്ഥികള് ലെബനനില് എത്തിയിരുന്നോ എന്ന് ഞങ്ങള് തിരച്ചില് നടത്തി. അറേബ്യന് രാജ്യങ്ങളുമായി ബന്ധപ്പെട്ടുള്ള വിവരം പങ്കുവച്ചുകൈാണ്ട് ബിബിസി നല്കിയ ഒരു വാര്ത്ത ലഭ്യമായി. ക്രിസ്ത്യന് സമൂഹം ഭരണം നടത്തിയിരുന്ന അറേബ്യന് രാജ്യമാണ് ലെബനന്. ഇപ്പോള് മുസ്ലീം ജനസംഖ്യ താരതമ്യേന കൂടുതലാണെങ്കിലും ഭരണത്തില് ക്രിസ്ത്യന് വിഭാഗങ്ങള്ക്ക് പ്രധാന സ്ഥാനമുണ്ട്. ലെബനന് ഭരണഘടന പ്രകാരം രാജ്യത്തിന്റെ പ്രസിഡന്റ് ക്രിസ്ത്യന് വിഭാഗത്തില് നിന്നായിരിക്കണം. മറ്റൊരു സുപ്രധാന വിവരം സിറയയുടെ അയല്രാജ്യമാണ് ലെബനന്. അതുകൊണ്ടു തന്നെ പലായനം ചെയ്യുന്ന ജനത ഇത്തരത്തില് കൂറ്റന് കപ്പലില് വന്ന് ഇറങ്ങേണ്ട ആവശ്യമില്ലെന്നും വ്യക്തമാകും. ആഞ്ചു മണിക്കൂര് സഞ്ചരിച്ചാല് ഇരു രാജ്യങ്ങളുടെയും അതിര്ത്തികള് കടന്നു പോകാന് സാധിക്കും. ഇതു വ്യക്തമാകുന്ന മാപ്പ് ചിത്രം താഴെ കാണാം. സിറിയയും ലെബനനും തമ്മില് അതിര്ത്തി തര്ക്കങ്ങള് രൂക്ഷമായിരുന്നു. ലെബനന് ജനതയ്ക്ക് സിറിയന് അധിനിവേശം നേരിടേണ്ടി വന്നിട്ടുണ്ട്. എന്നിരുന്നാലും വിവിധ മതവിഭഗങ്ങള് വ്യക്തിസ്വാതന്ത്ര്യത്തോടെ ലെബനനില് കഴിയുന്നതായാണ് റിപ്പോര്ട്ടുകള് സൂചിപ്പിക്കുന്നത്. സുന്നി-ഷിയാ വിഭാഗങ്ങളിലുള്ള മുസ്ലീം ജനസംഖ്യ കൂടുതല് ഉണ്ടെങ്കിലും ലെബനന് ഒരു ഇസ്ലാം രാഷ്ടമല്ല. അതായത് 1975ന് ശേഷം ലെബനന് മുസ്ലീം രാഷ്ട്രമായി മാറിയെന്ന പോസ്റ്റിലെ വാദവും തെറ്റിദ്ധരിപ്പിക്കുന്നതാണെന്ന് വ്യക്തം. ലെബനനില് വന്നിറങ്ങിയ സിറിയന് അഭയാര്ഥികള്. ഇവര് വന്നതിനുശേഷമാണ് ലെബനന് മുസ്ലീം രാജ്യമായത്. ഇത് 1991ല് അല്ബേനിയയില് നിന്ന് ഇറ്റലിയിലെ ബാരിയില് എത്തിയ അഭയാര്ഥികളാണ്. ഇതിന് ലെബനനുമായി യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software