About: http://data.cimple.eu/claim-review/b999eddb43adf95d1794f988867b9471c4d85daf6eb2b0709e457bba     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സ്ത്രീകളും കൈക്കുഞ്ഞുങ്ങളും ഉള്പ്പെടെയുള്ള കുറച്ച് ആളുകള് ചെങ്കുത്തായ ഒരു കുന്നിറങ്ങി വരുന്ന വീഡിയോ സമൂഹമാധ്യമങ്ങളില് പ്രചാരത്തിലുണ്ട്. വളരെ അപകടകരമായ രീതിയിലാണ് കുന്നിന് മുകളിലെ പാത. പാക് അധിനിവേശ കാശ്മീരിലെ ബാള്ട്ടിസ്ഥാനില് നിന്നുള്ള വീഡിയോ എന്നാണ് പോസ്റ്റിലെ അവകാശവാദം. ' നമ്മള് ഭാരതീയര് സ്വര്ഗ്ഗത്തിലാണ് ജീവിക്കുന്നത്. ഈ വീഡിയോ കണ്ടോ? ബാള്ട്ടിയിലെ ജനങ്ങള് ആഴ്ചയില് ഒരിക്കല് മാത്രമാണ് ചന്തയില് പോകാറുള്ളത്.. കാരണം? ബാള്ട്ടിസ്ഥാന് .. PoK ( പാകിസ്ഥാന് ഒക്കുപൈയിഡ് കാശ്മീര്) യിലെ ഒരു പര്വ്വത പ്രദേശമാണ്.. ഗില്ജിത്ത് - ബാള്ട്ടിസ്ഥാന് .. ഈ സ്ഥലം കാരക്കോരം റെയിഞ്ചിന് അടുത്തായിട് (K2 പര്വ്വത കൊടുമുടി യുടെ തെക്ക് വശം) ഗില്ജിത്ത് പ്രദേശം കിഴക്കും ചൈനയുടെ സിംഗ്ജിയാംങ്ങ് വടക്കുമായി അതിര്ത്തി പങ്കിടുന്നു.' എന്നു തുടങ്ങുന്ന കുറിപ്പിനൊപ്പമാണ് വീഡിയോ പ്രചരിക്കുന്നത്. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഈ വീഡിയോ ബാള്ട്ടിസ്ഥാനില് നിന്നുള്ളതല്ല. AFWA അന്വേഷണം കൂറ്റന് പാറക്കെട്ടിനു വശത്തുള്ള ചെറിയ നടവഴിപോലെ തോന്നിക്കുന്ന ഭാഗത്തുകൂടി ഇറങ്ങി വരുന്ന സ്ത്രീയുടെ ചുമലിലായി ഒരു കുഞ്ഞിനെ കെട്ടിവച്ചിട്ടുണ്ട്. ഇതിനു താഴെയായി ഒഴുക്കുള്ള നദി കാണാനാകും. തൊട്ടിലിനു സമാനമായി ചെറിയ പെട്ടി പോലെ നിര്മിച്ച് അതില് ഒരു കുഞ്ഞിനെ കിടത്തി തോളില് തൂക്കിയിട്ടുള്ള മറ്റൊരു സ്ത്രീയും കൂട്ടത്തിലുണ്ട്. വളരെ ശ്രമകരമായാണ് ഇവര് നടന്നു നീങ്ങുന്നത്. ഈ വീഡിയോ ബാള്ട്ടിസ്ഥാന് മേഖലയിലെ ഗില്ജിത് പര്വത നിരയില് നിന്നുള്ളതാണെന്ന വിവരമാണ് പോസ്റ്റുകളില് പറയുന്നത്. അതുകൊണ്ട് തന്നെ ബാള്ട്ടിസ്ഥാനെപ്പറ്റിയാണ് ഞങ്ങള് ആദ്യം അന്വേഷിച്ചത്. പോസ്റ്റില് പറഞ്ഞിരിക്കുന്നതുപോലെ പാക് അധിനിവേശ കാശ്മീര്(POK) പ്രദേശമാണ് ബാള്ട്ടിസ്ഥാന് ഉള്പ്പെടുന്ന ഗില്ജിത് പര്വതമേഖല. കേന്ദ്ര ഭരണ പ്രദേശമായ ലഡാക്കിന്റെ വടക്ക് പടിഞ്ഞാറന് ഭാഗത്തായി സ്ഥിതി ചെയ്യുന്ന ഈ പ്രദേശം പാകിസ്ഥാന്, ചൈന. അഫ്ഗാനിസ്ഥാന് എന്നീ രാജ്യങ്ങളുമായി അതിര്ത്തി പങ്കിടുന്ന തന്ത്രപ്രധാന മേഖലയാണ്. ലോകത്തിലെ രണ്ടാമത്തെ കൊടുമുടിയായ കാരക്കോറം പര്വത നിരകളിലെ K2 ഉള്പ്പെടുന്ന പ്രദേശമാണിത്. ടിബറ്റന് വംശജരായ ബാള്ട്ടികള് എന്ന മുസ്ലീം ഗോത്രവര്ഗക്കാരാണ് ഇവിടെ താമസിക്കുന്നത്. ബാര്ലിയും പഴങ്ങളുമാണ് ഇവരുടെ കൃഷി. ബാള്ട്ടിസ്ഥാന് മേഖലയിലെ ആളുകളുടെ ജീവിത രീതിയുമായി ബന്ധപ്പെട്ട ചില വീഡിയോകളും ഞങ്ങള് പരിശോധിച്ചു. വളരെ മനോഹരമായ പ്രദേശമാണിത്. ഉയരം കൂടിയ മേഖലയാണെങ്കിലും റോഡുകളും മറ്റു സൗകര്യങ്ങളുമെല്ലാം ഇവിടെയുണ്ട്. മറ്റൊരു ശ്രദ്ധേയമായ കാര്യം ബാള്ട്ടിസ്ഥാനിലെ ജനങ്ങള് ഇന്ത്യയുമായുള്ള റീ യൂണിയന് ആവശ്യപ്പെട്ട് സമരം ചെയ്തിരുന്നു. ബാള്ട്ടിസ്ഥാനെക്കുറിച്ചുള്ള പോസ്റ്റിലെ വിവരണങ്ങളെല്ലാം ശരിയാണെങ്കിലും പ്രചരിക്കുന്ന വീഡിയോ അവിടുത്തേതല്ല. വീഡിയോയുടെ യഥാര്ഥ വസ്തുത പരിശോധിക്കാന് ഇതിന്റെ കീ ഫ്രെയ്മുകള് റിവേഴ്സ് ഇമേജില് തിരഞ്ഞു. ഇതില് നിന്ന് വീഡിയോ ബാള്ട്ടിസ്ഥാന് ഉള്പ്പെടുന്ന ഗില്ജിത്ത് പര്വത നിരകളില് നിന്നുള്ളതല്ലെന്നും ഇറാനില് നിന്നുള്ളതാണെന്നും മനസിലാക്കാനായി. ഇറാനിലെ സാഗ്രോസ് (Zagros) പര്വത നിരകളില് താമസിക്കുന്ന ഭക്ത്യാരി നൊമാഡ്സ് എന്ന് വിളിക്കപ്പെടുന്നവരാണിത്. ഇറാന്, വടക്കന് ഇറാഖ്, തെക്കുകിഴക്കന് തുര്ക്കി എന്നിവിടങ്ങളിലായി വ്യാപിച്ചു കിടക്കുന്ന ഒരു നീണ്ട പര്വതനിരയാണ് സാഗ്രോസ്. ഇറാന് മേഖലയില് താമസിക്കുന്ന ഗോത്രവര്ഗക്കാരായ ഇറാനിയന് നൊമാഡ്സ് ആണ് വീഡിയോയില് കാണുന്നവര്. തൊട്ടടുത്ത ഗ്രാമത്തിലേക്ക് ഇവര് പോകുന്നത് വളരെ ശ്രമകരമാണെങ്കിലും ഈ മേഖലയില് നിന്ന് മാറി താമസിക്കാന് ഇവര് താത്പര്യപ്പെടുന്നില്ല. ഇപ്പോള് പ്രചരിക്കുന്ന വീഡിയോയുടെ മികച്ച പതിപ്പ് ഒരു യുട്യൂബ് ചാനലില് പങ്കുവച്ചിട്ടുണ്ട്. ഇവരുടെ ജീവിത രീതി ചിത്രീകരിക്കാന് എത്തിയ ചാനല് സംഘമാണ് വീഡിയോ പകര്ത്തിയത്. 2023 മാര്ച്ച് 12ന് പങ്കുവച്ച വീഡിയോ താഴെ കാണാം. നൊമാഡ്സുകളുടെ ജീവി രീതിയെപ്പറ്റിയും ഞങ്ങള് തിരഞ്ഞു. 'സാഗ്രോസിന്റെ കാവല്ക്കാര്' എന്നാണ് ഇവരെ അറിയപ്പെടുന്നത്. സാഗ്രോസ് പര്വത നിരകളുടെ സ്വാഭാവികത ചോര്ന്നുപോകാതെ സംരക്ഷിക്കുന്നതിനാലാണ് ഈ വിളിപ്പേരു വന്നത്. ആടു വളര്ത്തലും, ഔഷധസസ്യ പരിപാലനവുമെല്ലാം ഇവരുടെ ജീവിത രീതിയുടെ ഭാഗമാണ്. നൊമാഡ്സുകളുടെ കൂടുതല് വീഡിയോകള് ലഭ്യമാണ്. സഞ്ചാരയോഗ്യമല്ലാത്ത പര്വതങ്ങളിലൂടെ കടന്നുപോകുന്ന ഇറാനിയന് നാടോടികളുടെ മറ്റൊരു വീഡിയോ ഇവിടെ കാണാം. ഇപ്പോള് പ്രചരിക്കുന്ന വീഡിയോയ്ക്ക് സമാനമായി ഇടുങ്ങിയ മലനിരകളിലൂടെ മറ്റൊരു നൊമാഡ്സ് കുടുംബം നടന്നുപോകുന്ന വീഡിയോയും ഞങ്ങള്ക്ക് ലഭ്യമായി ഇത് താഴെ കാണാം. അതായത്, ബാള്ട്ടിസ്ഥാനിലെ ഗില്ജിത് പര്വത നിരകളിലും സമാനമായ ഭൂപ്രകൃതിയാണെങ്കിലും പ്രചാരത്തിലുള്ള വീഡിയോ ഇറാനിലെ സാഗ്രോസ് പര്വത നിരകളില് നിന്നുള്ളതാണെന്ന് വ്യക്തം. പാക് അധിനിവേശ കാശ്മീരിലെ ബാള്ട്ടിസ്ഥാനില് നിന്നുള്ള വീഡിയോ. പ്രചാരത്തിലുള്ള വീഡിയോ ബാള്ട്ടിസ്ഥാനില് നിന്നുള്ളതല്ല. ഇറാനിലെ സാഗ്രോസ് പര്വത നിരകളില് നിന്നുള്ളതാണ്. ഇവിടെ അധിവസിക്കുന്ന ഭക്ത്യാരി നൊമാഡ്സ് എന്ന ഗോത്രവര്ഗക്കാരാണ് വീഡിയോയിലുള്ളത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software