| schema:text
| - Pretendimi i pabazuar për shërim të osteoporozës
Deklarata
Osteoporoza, receta për ta shëruar
Vlerësimi
Me kos
Titulli i artikulli ‘Osteoporoza, receta për ta shëruar’ nuk është i bazuar në fakte. Në brendi të artikullit është dhënë një recetë që pretendohet se e shëron sëmundjen e osteoporozës, pa treguar nëse e njëjta ka bazë shkencore. Agron Mahmuti theksoi se receta që është prezantuar si ilaç i Osteoporozës nuk ka bazë shkencore dhe se osteoporoza mjekohet me barëra sipas protokollit.
Artikulli
Më 21.03.2024, faqja në Facebook ‘Kosova Sot’,(arkiva) ka publikuar një artikull me titull, ‘Osteoporoza, receta për ta shëruar’.
I njëjti artikull është publikuar edhe në ueb faqen ‘kosova-sot.info’(arkiva).
Artikulli pretendon se ‘duke bluar farat e koprës, atëherë arrihet rezultat i hatashëm te dëmtimi i indeve’.
Po ashtu aty janë edhe disa këshilla e receta se si shërohet osteoporoza, sëmundja e kockave.
Për ta verifikuar këtë pretendim, Krypometri ka kontaktuar me dy ortopedë, Agron Mahmuti dhe Amir Veselin.
Agron Mahmuti, për Krypometër, ka thënë se pacientët që vuajnë nga kjo sëmundje duhet të konsultohen më specialistët, pasi trajtimi i hershëm i saj është i domosdoshëm.
Mahmuti ka thënë se recet që është prezantuar si ilaç i Osteoporozës nuk ka bazë shkencore.
“Kjo është recetë popullore por asesi nuk ka bazë shkencore. Osteoporozën e mjekojmë me barëra sipas protokollit”- tha për Krypometër Amir Veseli.
Ortopedi Amir Veseli ka thënë se kjo sëmundje trajtohet bazuar në protokolet shëndetësore që kanë bazë shkencore.
“Kjo recetë mund të jetë e bazuar në mjekësi alternative, pra popullore”- ka thënë ortopedi Agron Mahmuti.
Dr. Sylejman Rexhepi, në një shkrim autorial të publikuar në vitin 2014 në Telegrafi.com kishte dhënë shpjegime për diagnostifikimin e osteoporozës, si dhe kishte treguar metodat e trajtimit të saj. Sipas tij, Osteoporoza është sëmundje metabolike e kockave, që shoqërohet me humbje progresive të masës kockore, çrregullim të mikroarkitekturës kockore, rritjen e fragjilitetit dhe mundësinë e frakturave spontane.
“Osteoporoza është sëmundje e moshës së shtyrë. Është e rëndësishme për shkak të kostos së lartë të shpenzimeve të mjekimit dhe prevalencës së lartë të thyerjeve, të lidhura me lëndimet për shkak të dobësimit të reflekseve, pengesave në të pamurit, koordinimit të dobët të lëvizjeve dhe sëmundjeve neurologjike”- kishte shkruar Rexhepi në shkrimin e tij autorial.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)