schema:text
| - Titulli çorientues për deklaratën e Kurtit
Deklarata
Kurti paralajmëron deputetët e tij: Nëse s’ punoni mirë, atëherë s’do të jeni në listat e ardhshme
Vlerësimi
Me kos
Kryeministri i Kosovës dhe kryetari i Lëvizjes Vetëvendosje, Albin Kurti nuk ka bërë së fundmi ndonjë deklarim sa i përket përformancës së deputetëve të kësaj partie, siç aludohet në lajmin e shpërndarë me 23 nëntor 2022. Kurti kishte folur për rëndësinë e përformancës së deputetëve të kësaj partie në mbledhjen e Këshillit të Përgjithshëm që është mbajtur me 28 gusht 2022.
Artikulli
Më 28 gusht 2022, faqja e internetit gazetaylli ka publikuar një artikull me titull: “Kurti paralajmëron deputetët e tij: Nëse s’ punoni mirë, atëherë s’do të jeni në listat e ardhshme”.
I njëjti tekst, më 23 nëntor 2022 është shpërndarë në disa faqe në facebook si: Exclusive Albania Today, Kronika Sot, Shqipet, Receta Gatimi dhe Info Ditore.
Titulli i këtij lajmi, në mënyrën se si është shkruar lë të nënkuptojë se kryeministri i Kosovës, Albin Kurti iu është drejtuar deputetëve me këtë deklaratë së fundi edhe pse artikulli është shkruar më 28 gusht 2022.
Kurti në mbledhjen e 48-të të Këshillit të Përgjithshëm të Lëvizjes Vetëvendosje, që është mbajtur me 28 gusht 2022, ka thënë se të gjithë deputetët kanë punuar mirë duke shtuar se nëse nuk përkushtohen, nuk do të jenë pjesë e listës për deputetë.
“Të gjithë deputetët kanë punuar mirë, dhe unë ju falënderoj përjetë e ju jam mirënjohës përditë për këtë gjë, por e keni mundësinë të shkëlqeni. Mirë nuk është shkëlqyeshëm. Midis jush mund të ketë edhe ministra e zëvendësministra të ardhshëm, e njerëz që udhëheqin projekte e procese sot, në të ardhmen, e ndoshta edhe një ditë kur unë nuk jam kryeministër, por nëse nuk përkushtoheni tash dhe këtu, në maksimum për programin e Lëvizjes, nëse nuk tregoni modesti e vetëpërmbajtje në jetën e përditshme dhe kudo ku jeni e tërë kohën, nëse nuk e ndihmoni qeverinë, gjasat janë që edhe në mesin e deputetëve që kemi sot do të ketë nga ata të cilët nuk do të jenë në lista herën e ardhshme”- kishte deklaruar Kurti.
|