| schema:text
| - Mashtrimi se si një ilaç shëron diabetin
Deklarata
çdo qytetar i Kosovës me diabet ka të drejtën për kompensim në formën e 50%
Vlerësimi
Rrenë
Postimi “çdo qytetar i Kosovës me diabet ka të drejtën për kompensim në formën e 50%” është i rremë. Krypometri ka konstatuar se Radio Televizioni Shqiptar nuk ka publikuar materialin me këtë përmbajtje ndërsa burimet e cituara në artikull janë të falsifikuara.
Artikulli
Në ueb faqen cashkoval.com është publikuar një artikull me titull “16.09.2023 u mor një vendim i detyrueshëm për të luftuar kundër diabetit. Sipas urdhrit nr. 75R7218 me datën 01.07.2023, çdo qytetar i Kosovës me diabet ka të drejtën për kompensim në formën e 50% zbritje të çmimit të ilaçit.”- i cili rekomandon një produkt si ilaç për shërim të sëmundjes së diabetit.
Artikulli është shpërndarë nga faqja në facebook Yarkos_OK dhe materiali pretendohet se është shpërndarë në një faqe e cila ka dizajnin dhe logon e Radio Televizionit Shqiptar (RTSH).
Artikulli citon Dr. Aleksandr Markovic, që njëherë e paraqet si endokrinologe, ndërsa në fotografi është një person i gjinisë mashkullore.
Më datë 19./03/2023 Krypometri ka verifikuar nëse ky material është shpërndarë dhe është prodhim i RTSh-së.
Në kontrollin online në faqen www.rtsh.al Krypometri ka konstatuar se një publikim i tillë nuk është i publikuar në kanalin e këtij televizioni.
Për të verifikuar tutje, Krypometër ka kontaktuar me RTSh-në, për të verifikuar nëse lajmi është i tyre.
“Jo ky nuk është lajm i televizionit”- kanë thënë Kreshnik Merisinllari, përfaqësues i RTSh-së në një përgjigje telefonike për Krypometër me datë 19/09/2023.
Përpos dizajnit të faqes së publikuar i cili del të jetë i manipuluar, Krypometri ka verifikuar edhe pretendimet e tjera në artikull.
Artikulli promovon një produkt me emrin “Diastop+” i cili pretendohet se është preparat për shërimin e diabetit.
Por, të dhënat tregojnë se ky produkt nuk përdoret për shërimin e kësaj sëmundjeje në Kosovë.
“Produkti si më poshtë “Diastop+” nuk figuron në listën e produkteve që kanë Autorizim marketingu dhe që publikohet në ueb-faqen e AKPPM-së për çdo javë e azhuruar dhe mund të kenë qasje të gjithë dhe të verifikojnë vet produktet”- thuhet në përgjigjen e AKPPM-së të datës 14.09.2023.
Tutje, Kryepometër ka kontaktuar me telefon edhe me drejtoreshën e Klinikës së Endokrinologjisë, Merita Emini Sadiku, për të pyetur nëse e njeh këtë produkt.
“Jo nuk e përshkruajmë këtë produkt, mund të jetë suplement por jo medikament. Ka suplemente që ne i rekomandojmë por për këtë nuk kemi dëgjuar”- thuhet në përgjigjen e drejtoreshës së datës 19.09.2023.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)