About: http://data.cimple.eu/claim-review/dbaad9cbb64ce395838a7249a09244a655e9b990cf88fa1c42bb6d96     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ലോക്സഭാ തെരഞ്ഞെടുപ്പിനായുള്ള സ്ഥാനാര്ഥി നിര്ണ്ണയം സംസ്ഥാനത്ത് പുരോഗമിക്കുകയാണ്. എല്ലാ മണ്ഡലങ്ങളിലും സ്ഥാനാര്ഥികളെ പ്രഖ്യാപിച്ച് എല്ഡിഎഫ് ആദ്യഘട്ട തയാറെടുപ്പുകള് പൂര്ത്തിയാക്കി. യുഡിഎഫ്, എന്ഡിഎ മുന്നണികളുടെ സ്ഥാനാര്ഥി നിര്ണയവും ഉടന് ഉണ്ടാകുമന്ന് റിപ്പോര്ട്ടുകളുണ്ട്. അതിനിടെ തൃശൂര് എംപി ടി.എന് പ്രതാപന്റെ ഫണ്ടില് നിന്ന് 30 ലക്ഷം രൂപ മാത്രമാണ് കഴിഞ്ഞ അഞ്ചുവര്ഷത്തിനുള്ളില് ചെലവഴിച്ചതെന്ന രീതിയില് ഒരു പ്രചാരണം സമൂഹമാധ്യമങ്ങളില് വൈറലാണ്. "തൃശ്ശൂര്കാര് ജയിപ്പിച്ചു വിട്ട MP TN പ്രതാപന് തൃശ്ശൂരിന്റെ വികസനത്തിന് വേണ്ടി അനുവദിച്ച 9.8 കോടി രൂപയില് ചിലവാക്കിയത് വെറും 30 ലക്ഷം രൂപ... പാര്ലമെന്റില് പോയി 2 ഹൈമാസ്റ്റ് ലൈറ്റ് ന് വേണ്ടി അപേക്ഷിച്ചു അതാണ് 5വര്ഷം TN പ്രതാപന് തന്റെ MP ഫണ്ട് ഉപയോഗിച്ച് നടത്തിയ തൃശ്ശൂര് വികസനം..." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. 8.05 കോടി രൂപ ടിഎന് പ്രതാപന് എംപിയുടെ ഫണ്ടില് നിന്ന് അനുവദിച്ചതായി രേഖകള് വ്യക്തമാക്കുന്നു. അന്വേഷണം ടിഎന്. പ്രതാപന് എംപിയുടെ ഫണ്ട് വിനിയോഗം സംബന്ധിച്ച ഔദ്യോഗിക രേഖകളാണ് ഞങ്ങള് ആദ്യം പരിശോധിച്ചത്. മിനിസ്ട്രി ഓഫ് സ്റ്റാറ്റിസ്റ്റിക്സ് ആന്ഡ് പ്രോഗ്രാം ഇംപ്ലിമെന്റേഷന് വെബ്സൈറ്റില് ഇതുസംബന്ധിച്ച വിശദാശങ്ങള് നല്കിയിട്ടുണ്ട്. രേഖപ്രകാരം രണ്ട് പേര്ക്ക് ഒഴികെ മറ്റെല്ലാ എംപിമാര്ക്കും 17 കോടി രൂപയാണ് ഫണ്ടില് നിന്ന് അനുവദിച്ചിട്ടുള്ളത്. ഇതില് പ്രതാപന് ഏഴ് കോടി രൂപയുടെ ഭരണാനുമതി ലഭിച്ചിട്ടുണ്ട്. ബാക്കിയുള്ളത് പലിശസഹിതം 10.08 കോടി രൂപയാണ്. ഇത് ചെലവഴിക്കാത്ത തുകയാണ്. ലോക്കല് ഏരിയ ഡെവലപ്മെന്റ് ഡിവിഷന് സ്കീം (MPLADS) ഫണ്ടില് നിന്ന് 29.67 കോടി രൂപയാണ് ടിഎന് പ്രതാപന് ആവശ്യപ്പെട്ടത്. ഇതിലാണ് 18.62 കോടി രൂപ അനുവദിച്ചത്. എന്നാല് അദ്ദേഹം ചെലവഴിച്ചത് 8.05 കോടി രൂപയാണ്. അതായത് സ്റ്റാറ്റിസ്റ്റിക്സ് മന്ത്രാലയത്തിന്റെ കണക്കു പ്രകാരം 113.01 ശതമാനം തുക ടിഎന് പ്രതാപന് വിനിയോഗിച്ചിട്ടുണ്ട്. എംപി ഫണ്ട് വിനിയോഗത്തില് നാലാം സ്ഥാനമാണ് അദ്ദേഹത്തിനുള്ളത്. ഒന്നാം സ്ഥാനം ശശി തരൂരിനാണ്. അനുവദിച്ച തുകയില് 124.87 ശതമാനമാണ് തരൂര് ചിലവഴിച്ചത്. അതേസമയം, ഏറ്റവും കൂടുതല് എംപി ഫണ്ട് നേടിയെടുത്തത് എന്.കെ പ്രേമചന്ദ്രനാണെങ്കിലും (9.5 കോടി)അദ്ദേഹം 103.51 ശതമാനമാണ് ചെലവഴിച്ചത്. ലിസ്റ്റിന്റെ പ്രസക്ത ഭാഗം താഴെ കാണാം. ഇതേ വെബ്സൈറ്റില് നല്കിയിട്ടുള്ള MP wise Statement അല്പം കൂടി വിശദമായി തുകയെപ്പറ്റി വ്യക്തമാക്കുന്നുണ്ട്. 2019 മുതല് 2022 വരയുള്ള കണക്കുകളാണ് ഇതിലുള്ളത്. സ്ക്രീന്ഷോട്ട് താഴെ കാണാം. തൃശൂരിലെ കഴിഞ്ഞ അഞ്ചു വര്ഷക്കാലയളവിലെ പ്രോഗ്രസ് സംബന്ധിച്ച് ടിഎന് പ്രതാപന് എംപി നടത്തിയ വാര്ത്താസമ്മേളനത്തിന്റെ വിശദാംശങ്ങളും ഞങ്ങള്ക്ക് ലഭിച്ചു.2024 ജനുവരി 24ന് കേരള കൗമുദി പ്രസിദ്ധീകരിച്ച റിപ്പോര്ട്ട് പ്രകാരം ആകെ 236 പദ്ധതികള്ക്ക് ഫണ്ട് നല്കിയതായി എംപി വ്യക്തമാക്കിയിട്ടുണ്ട്. മുന് എംപി സിഎന് ജയദേവന്റെ കാലത്ത് അനുവദിച്ച 2.5 കോടി രൂപയും ചേര്ത്ത് 19.5 കോടി രൂപ ലഭ്യമായി. ഇതില് ഏഴുകോടിയുടെ പദ്ധതികള് പൂര്ത്തിയായി. 12.13 കോടിയുടെ പ്രവൃത്തികള് നടന്നുവരുന്നതായും ടി.എന് പ്രതാപന് അറിയിച്ചതായാണ് റിപ്പോര്ട്ട്. മണ്ഡലത്തില് നടപ്പാക്കിയ പദ്ധതികളുടെ വിശദീകരണവും റിപ്പോര്ട്ടിലുണ്ട്. തൃശൂര് മണ്ഡലത്തിലെ എംപി ഫണ്ട് വിനിയോഗം സംബന്ധിച്ച് ജില്ലാ കളക്ടര് പങ്കെടുത്ത അവലോകന യോഗത്തിന്റെ വാര്ത്ത പിആര്ഡി വെബ്സൈറ്റിലും നല്കിയിട്ടുണ്ട്. കേരളകൗമുദി നല്കിയ വാര്ത്തയുടെ സ്ക്രീന്ഷോട്ട് താഴെ കാണാം. പ്രചാരത്തിലുള്ള പോസ്റ്റുകളിലെ വെബ്സൈറ്റിനെപ്പറ്റിയും ഞങ്ങള് അന്വേഷിച്ചു. MPLADS ഫണ്ടിനെപ്പറ്റിയുള്ള വിശദാംശങ്ങളാണ് ഇതില് നല്കിയിട്ടുള്ളത്. ഈ വെബ്സൈറ്റില് ടിഎന് പ്രതാപന് എംപി അരിമ്പൂര് ഗ്രാമപഞ്ചായത്തിലെ സുബ്രമണ്യ ക്ഷേത്രത്തിനും, സെന്റ് തെരേസാസ് ഷിപ് ചര്ച്ചിനും എതിര്വശങ്ങളിലായി 39,8000 രൂപ വീതമുള്ള ഓരോ ഹൈമാസ്റ്റ് ലൈറ്റുകള് സ്ഥാപിച്ചതായി കാണുന്നുണ്ട്. കൂടാതെ അദ്ദേഹത്തിന് MPLADS ല് നിന്ന് അനുവദിച്ച തുകയും ചെലവഴിച്ച തുകയും സംബന്ധിച്ച വിവരങ്ങളും ഇതോടൊപ്പമുണ്ട്. ഇവ താഴെ കാണാം. മുകളില് നല്കിയത് MPLADS ഫണ്ടില് നിന്ന് മാത്രമുള്ള തുകയാണ്. മറ്റ് പദ്ധതികളും ചേര്ത്താണ് മൊത്തം ചെലവഴിച്ച തുക കണക്കാക്കുന്നത്. MPLADS-ന് കീഴില്, പാര്ലമെന്റ് അംഗങ്ങളുടെ പങ്ക് പ്രവൃത്തികളുടെ ശുപാര്ശ വരെ മാത്രമായി പരിമിതപ്പെടുത്തിയിട്ടുണ്ട്. പ്രവൃത്തികള് അനുവദിക്കുകയും നടപ്പിലാക്കുകയും പൂര്ത്തിയാക്കുകയും ചെയ്യേണ്ടത് അതത് ജില്ലാ അതോറിറ്റിയുടെ ചുമതലയാണ്. ചെലവിന്റെ കൃത്യമായ കണക്കുകള് ജില്ലാ അധികാരികളുടെ പക്കല് മാത്രമേ ലഭ്യമാകൂ എന്നും സ്റ്റാറ്റിസ്റ്റിക്സ് വകുപ്പിന്റെ വെബ്സൈറ്റില് വ്യക്തമാക്കിയിട്ടുണ്ട്. വിശദാംശങ്ങള്ക്കായി ഞങ്ങള് ടിഎന് പ്രതാപന് എംപിയുടെ പേഴ്സണല് സ്റ്റാഫ് അംഗത്തെ ബന്ധപ്പെട്ടു. "സോഷ്യല് മീഡിയ പ്രചാരണം കണ്ടിരുന്നു. വെബ്സൈറ്റില് ഒരു പക്ഷേ തുക അപ്ഡേറ്റ് ആകാത്തതായിരിക്കാം. ഇക്കാര്യത്തെപ്പറ്റി അധികൃതരുടെ ശ്രദ്ധയില്പ്പെടുത്തിയിട്ടുണ്ട്. എംപിമാരുടെ ഫണ്ട് സംബന്ധിച്ച കണക്കുകള് ലോക്സഭാ വെബ്സൈറ്റിലും ലഭ്യമാണ്, " ടിഎന് പ്രതാപന്റെ സ്റ്റാഫംഗം പറഞ്ഞു. ടിഎന് പ്രതാപന് ഇപ്പോള് സ്നേഹ സന്ദേശ യാത്രയുടെ തിരക്കിലായതിനാല് അദ്ദേഹത്തോട് സംസാരിക്കാന് ഞങ്ങള്ക്ക് സാധിച്ചില്ല. എന്നിരുന്നാലും ലഭ്യമായ രേഖകള് പ്രകാരം സോഷ്യല് മീഡിയ പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. തൃശൂര് എംപി ടിഎന് പ്രതാപന് അഞ്ച് വര്ഷത്തിനിടെ ചെലവഴിച്ചത് 30 ലക്ഷം രൂപ മാത്രം. ടിഎന് പ്രതാപന്റെ എംപി ഫണ്ടില് നിന്ന് ഇതുവരെ 8.05 കോടി രൂപ ചെലവഴിച്ചതായി രേഖകളുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software