| schema:text
| - Dieta e rreme për shërim të sëmundjeve të zemrës
Deklarata
Zemra juaj do të funksionojë si ora nëse ndaloni së ngrëni këto ushqime
Vlerësimi
Rrenë e kryptë
Postimi i artikullit me titullin “Mosha – nuk është pengesë për jetën! Akademiku 109-vjeçar ndau sekretin e jetëgjatësisë dhe shëndetit të shkëlqyeshëm” dhe me përshkrimin “Zemra juaj do të funksionojë si ora nëse ndaloni së ngrëni këto ushqime.” është rrenë. Në artikull nuk ofrohet asnjë dietë që bën që të shërohen sëmundjet e zemrës. Në këtë artikull janë përdorë emra fiktivë të mjekëve për të dhënë këshilla të rreme. Ky doktor është fiktiv dhe fotografia e publikuar kinse e tij, është e Warren Buffett, një biznesmeni amerikan. Drejtori i Kirurgjisë Vaskulare në QKUK, Hajriz Rudari për KALLXO.com tha se këto konstatime të artikullit nuk janë të vërteta dhe janë vetëm reklamë.
Artikulli
Më 16 shkurt 2023, faqja e Facebook-ut, “Serious things” ka publikuar artikullin me titullin “Mosha -nuk është pengesë për jetën! Akademiku 109-vjeçar ndau sekretin e jetëgjatësisë dhe shëndetit të shkëlqyeshëm”. I njëjti artikull është shpërndarë në Facebook me përshkrimin “Zemra juaj do të funksionojë si ora nëse ndaloni së ngrëni këto ushqime”.
Në fotografinë e postimit janë dhënë edhe deklarata si “Ndiqni tri rregulla bazë dhe do të harroni presionin e lartë” dhe “Mundni sëmundjet e zemrës dhe rivendosni jetën tuaj të vjetër pa kufi”.
Mirëpo, artikulli flet për diçka tjetër dhe nuk lidhet me këto përshkrime. Në artikull nuk flitet as për ushqime që nuk duhen konsumuar e as për rregulla bazë që duhen ndjekur.
Artikulli tregon se si një kardiolog sovjetik rus, i quajtur Arben Memolla ka mbërri moshën 109 vjeçare dhe sekreti i jetëgjatësisë së tij është përdorimi i çajit “HyperTea”, i cili rrejshëm pretendohet se bën pastrimin e venave.
Ky çaj thuhet se është ilaç dhe është krijuar nga Instituti i Kërkimeve të Kardiologjisë në Tiranë, i cili nuk ekziston fare.
Ky doktor është fiktiv dhe një kardiolog i tillë nuk figuron askund në internet. Fotografia e përdorur në këtë publikim është në fakt e një biznesmeni amerikan, të quajtur Warren Buffett.
Drejtori i Kirurgjisë Vaskulare në Qendrën Klinike Universitare të Kosovës, Hajriz Rudari tha se këto konstatime nuk janë të vërteta, por vetëm reklama.
“E tërë kjo është vetëm reklamë dhe aspak e vërtetë”– tha Rudari për KALLXO.com
Ai shtoi se artikuj të tillë të rremë ka edhe për sëmundje të tjera si kanceri, gangrena e të tjera.
Në fund të artikullit është mundësia e porositjes së këtij çaji dhe shkruan se është në zbritje nga 78 në 39 euro.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)