About: http://data.cimple.eu/claim-review/efae3930107418e60a9916019d605f83d294eba8535719560a741132     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കേരള ലോട്ടറികളിൽ വച്ച് ഏറ്റവും കൂടുതൽ തുക സമ്മാനമായി നൽകുന്ന തിരുവോണം ബമ്പറിന്റെ നറുക്കെടുപ്പ് ഒക്ടോബർ 9നാണ് നടന്നത്. ഈ ലോട്ടറിയുമായി ബന്ധപ്പെട്ട് നിരവധി വീഡിയോകളും ഫോട്ടോകളുമെല്ലാം സമൂഹമാധ്യമങ്ങളിൽ പ്രചരിക്കുന്നുണ്ട്. ഇപ്പോഴിതാ കിലുക്കം സിനിമയിൽ ലോട്ടറി അടിക്കുന്നതായി കാണിക്കുന്ന സീനിൽ പറയുന്ന അതേ ലോട്ടറി നമ്പർ തന്നെയാണ് ഓണം ബമ്പറിനുമുള്ളത് എന്ന രീതിയിൽ ഒരു വീഡിയോ പ്രചരിക്കുന്നുണ്ട്. ചിലർ തമാശയായിട്ടാണ് ഇത് പങ്കുവയ്ക്കുന്നതെങ്കിലും മറ്റ് ചിലർ അത്ഭുതത്തോടെയാണ് വീഡിയോ ഷെയർ ചെയ്യുന്നത്. "അന്ന് കിലുക്കം സിനിമയിൽ അടിച്ച അതെ നമ്പർ ഇന്ന് ഫസ്റ്റ് പ്രൈസ് ഓണം ബമ്പർ" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. കിലുക്കം സിനിമയിലെ വീഡിയോ എഡിറ്റ് ചെയ്താണ് പ്രചരിപ്പിക്കുന്നത്. അന്വേഷണം വൈറൽ വീഡിയോ സൂക്ഷ്മമായി പരിശോധിച്ചപ്പോൾ കണ്ട് പരിചയമുള്ള സീനിൽ ചില മാറ്റങ്ങൾ വന്നിട്ടുള്ളതായി ശ്രദ്ധയിൽപ്പെട്ടു. രേവതി അവതരിപ്പിച്ച കഥാപാത്രമാണ് പത്രം വായിച്ച് ലോട്ടറിയുടെ നമ്പർ പറയുന്നത്. തുടക്കം മുതലുള്ള ഓരോ നമ്പർ പറയുമ്പോഴും ഇന്നസെന്റ് അവതരിപ്പിച്ച കഥാപാത്രം ഞെട്ടലോടെ അത് കേൾക്കുന്നു. ഈ നമ്പർ കൃത്യമാണോ എന്നറിയാനായി ഞങ്ങൾ യൂട്യൂബിൽ സിനിമയിലെ സീൻ തിരഞ്ഞ് കണ്ടെത്തി. കാമധേനുവിന്റെ ഫലം എന്ന് തുടങ്ങി ലോട്ടറി നമ്പർ പറയുന്നത് വരെയുള്ള ഭാഗം യൂട്യൂബ് വീഡിയോയിൽ പരിശോധിച്ചപ്പോൾ ലോട്ടറിയുടെ നമ്പർ KL72078431 എന്നാണ് പറയുന്നതെന്ന് വ്യക്തമായി. ഓരോ നമ്പരായിട്ടാണ് രേവതിയുടെ കഥാപാത്രം നമ്പർ പറയുന്നത്. ഇതിൽ നിന്നും ചില നമ്പരുകൾ പറയുന്ന ഭാഗം മാത്രം എടുത്താണ് വൈറൽ വീഡിയോ നിർമ്മിച്ചിരിക്കുന്നത്. യൂട്യൂബ് വീഡിയോ ചുവടെ കാണാം. ഇത്തവണത്തെ തിരുവോണം ബമ്പർ നറുക്കെടുപ്പിൽ TG434242 എന്ന നമ്പരിനാണ് ഒന്നാം സമ്മാനം ലഭിച്ചത്. കർണാടക സ്വദേശി അൽത്താഫാണ് ഈ ടിക്കറ്റിന്റെ ഉടമ. കർണാടക പാണ്ഡ്യപുര സ്വദേശിയായ അൽത്താഫ് മെക്കാനിക്കായി ജോലി ചെയ്യുകയാണ്. വയനാട്ടിലെ ബന്ധുവീട്ടിൽ എത്തിയപ്പോഴാണ ലോട്ടറി എടുത്തത്. ഇദ്ദേഹം 15 വർഷമായി ലോട്ടറിയെടുക്കുന്നയാളാണെന്ന് മാതൃഭൂമി ന്യൂസ് റിപ്പോർട്ടിൽ പറയുന്നു. കൽപ്പറ്റ എസ്ബിഐ ബ്രാഞ്ചിലെത്തിയാണ് അൽത്താഫ് ലോട്ടറി ടിക്കറ്റ് കൈമാറിയത്. ഇത് സംബന്ധിച്ച വാർത്ത ഇവിടെ വായിക്കാം. ലഭ്യമായ വിവരങ്ങളിൽ നിന്നും കിലുക്കം സിനിമയിലെ സമ്മാനാർഹമായ ലോട്ടറിയുടെ നമ്പർ ഇത്തവണത്തെ ഓണം ബമ്പർ സമ്മാനം നേടിയ നമ്പരിന് സമാനമാണെന്ന രീതിയിൽ പ്രചരിക്കുന്ന വീഡിയോ എഡിറ്റ് ചെയ്തതാണെന്ന് വ്യക്തമായി. ഓണം ബമ്പർ സമ്മാനം നേടിയ ലോട്ടറി ടിക്കറ്റിന്റെ നമ്പരും കിലുക്കം സിനിമയിൽ പറയുന്ന ലോട്ടറി നമ്പരും ഒന്നാണ്. വീഡിയോ എഡിറ്റ് ചെയ്തതാണ്. കിലുക്കം സിനിമയിലെ ലോട്ടറി നമ്പർ KL72078431 ആണ്. ഓണം ബമ്പർ സമ്മാനം നേടിയ നമ്പർ TG434242 ആണ്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software