About: http://data.cimple.eu/claim-review/05a07d2e2581445c03817395321d9054982c0ed9197bbbcc74a8f9d8     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മദ്യനയ അഴിമതി കേസില് ജയിലിലായിരുന്ന ഡല്ഹി മുഖ്യമന്ത്രി അരവിന്ദ് കെജ്രിവാളിന് മെയ് 10ന് സുപ്രീം കോടതി ഇടക്കാലജാമ്യം അനുവദിച്ചിരുന്നു. അതിനിടെ കെജ്രിവാളിന്റെ ജാമ്യത്തിലുള്ള സന്തോഷപ്രകടനമായി കാനഡയില് സിഖുകാര് റാലി നടത്തിയെന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് പ്രചരിക്കുന്നുണ്ട്. പ്രധാനമന്ത്രി നരേന്ദ്രമോദിയെ ജയിലില് അടച്ചതായി കാണിക്കുന്ന ഒരു നിശ്ചല ദൃശ്യം റാലിയില് കാണാം. കെജ്രിവാളിന് ഐക്യദാര്ഢ്യം അര്പ്പിച്ചുകൊണ്ടാണ് റാലിയെന്നാണ് പോസ്റ്റുകളില് പറയുന്നത്. "കെജ്രിവാളിന് ഇടക്കാല പരോള് കിട്ടിയ ശേഷം കാനഡയില് ഖാലിസ്ഥാന് വിഘടവാദികളുടെ ആഘോഷപ്രകടനം! കെജ്രിവാള് എത്ര ആഴത്തിലാണ് വിദേശങ്ങളില് വേരൂന്നിയിരിക്കുന്നത്!? *ഇന്ത്യയ്ക്കെതിരെ എന്തു കുതന്ത്രവും പ്രയോഗിക്കാന് ഒരു മടിയും കണിക്കാത്ത ഏറ്റവും അപകടകാരിയായ രാജ്യദ്രോഹിയാണ് പരോളില് ഇറങ്ങിയിരിക്കുന്നതെന്നറിയുക! " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചാരത്തിലുള്ള പോസ്റ്റുകള് തെറ്റദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. കാനഡയില് സിഖുകാര് നടത്തിയ പ്രകടനത്തിന് കെജ്രിവാളിന്റെ ഇടക്കാല ജാമ്യവുമായി ബന്ധമില്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് മെയ് ആറിന് RB Beats എന്ന യുട്യൂബ് പേജില് സമാനമായ വീഡിയോ പങ്കുവച്ചിട്ടുള്ളതായി കണ്ടെത്തി. 'Nagar Kirtan Malton-Rexdale' എന്നാണ് വീഡിയോയ്ക്ക് തലക്കെട്ട് നല്കിയിട്ടുള്ളത്. അതേസമയം, അരവിന്ദ് കെജ്രിവാളിന് ഇടക്കാല ജാമ്യം ലഭിച്ചത് മെയ് 10നാണ്. അതായത് കെജ്രിവാളിന് ജാമ്യം ലഭിക്കുന്നതിനും ദിവസങ്ങള്ക്ക് മുന്പ് തന്നെ വീഡിയോ പ്രചാരത്തിലുണ്ട്. യുട്യൂബ് വീഡിയോയില് നിന്നുള്ള സൂചന ഉപയോഗിച്ച് തിരഞ്ഞപ്പോള് ഇതു സംബന്ധിച്ച മാധ്യമ റിപ്പോര്ട്ടുകള് ലഭ്യമായി. 2024 മെയ് ഏഴിന് 'ദി പ്രിന്റ്' നല്കിയ റിപ്പോര്ട്ടില് വൈറല് വീഡിയോയുടെ സ്ക്രീന്ഷോട്ട് നല്കിയിട്ടുണ്ട്. ടൊറന്റോയിലെ സിഖ് ഘോഷയാത്രയില് പ്രധാനമന്ത്രി നരേന്ദ്ര മോദിയെ തടവുകാരനായി ചിത്രീകരിച്ച നിശ്ചല ദൃശ്യം ഉള്പ്പെടുത്തിയ സംഭവത്തെ ഇന്ത്യ അപലപിച്ചതായാണ് റിപ്പോര്ട്ട്. അതിര്ത്തിക്കുള്ളില് 'ക്രിമിനല്, വിഘടനവാദികള്ക്ക്' സുരക്ഷിത ഇടം നല്കുന്നുവെന്ന വിമര്ശനമാണ് കാനഡയ്ക്കെതിരെ ഇന്ത്യ ഉന്നയിച്ചത്. മെയ് ആറിന് ടൊറാന്റോയിലെ മാള്ട്ടണില് സിഖുകാര് നടത്തിയ നഗര് കീര്ത്തന് എന്ന റാലിയിലാണ് 'കാനഡയുടെ സിറ്റിസണ് കോടതി' എന്ന് എഴുതിയ ബാനറിന് കീഴില് തടവുകാരന്റെ ജമ്പ്സ്യൂട്ടില് പ്രധാനമന്ത്രി മോദിയുടെ കട്ടൗട്ട് ഉള്പ്പെടുത്തിയത്. എന്നാല് അരവിന്ദ് കെജ്രിവാളിന്റെ ഇടക്കാല ജാമ്യവുമായി ബന്ധപ്പെട്ട് റിപ്പോര്ട്ടില് യാതൊരു പരാമര്ശവുമില്ല. വാര്ത്തയില് നിന്നുള്ള സ്ക്രീന് ഷോട്ട് താഴെ കാണാം. കാനഡയിലെ വിവാദ റാലി സംബന്ധിച്ച് ഇന്ത്യ ടുഡേ പ്രസിദ്ധീകരിച്ച റിപ്പോര്ട്ടില് ഒന്റാറിയോ ഗുരുദ്വാര കമ്മറ്റി(OGC)യാണ് റാലി സംഘടിപ്പിച്ചതെന്ന് വ്യക്തമാക്കുന്നുണ്ട്. വിശദമായ പരിശോധനയില് കാനഡയിലെ നഗര് കീര്ത്തന് റാലിയെപ്പറ്റി ഒജിസിയുടെ ഒഫിഷ്യല് സോഷ്യല് മീഡിയ പേജില് നരവധി പോസ്റ്റുകള് പങ്കുവച്ചിട്ടുള്ളതായി കണ്ടെത്തി. 325-ാമത് ഖല്സാ സജ്നാ ദിവസ്, 1984 ജൂണില് ശ്രീ ഹര്മന്ദിര് സാഹിബിന് നേരെ നടത്തിയ ആക്രമണത്തിന്റെ 40-ാം വാര്ഷികം എന്നിവയെ അനുസ്മരിച്ചുകൊണ്ടാണ് മെയ് ആഞ്ചിന് മാള്ട്ടനില് നിന്ന് സിഖ് ആത്മീയ കേന്ദ്രമായ റെക്സ്ഡെയ്ലിലേക്ക് നഗര് കീര്ത്തന് പരേഡ് നടത്തിയതെന്ന് ഒജിസി വിശദമാക്കുന്നുണ്ട്. ലഭ്യമായ വിവരങ്ങളില് നിന്ന് കാനഡയില് സിഖുകാര് നടത്തിയ 'മോദി വിരുദ്ധ' റാലിയ്ക്ക് അരവിന്ദ് കെജ്രിവാളിന്റെ ജാമ്യവുമായി ബന്ധമില്ലെന്ന് വ്യക്തമായി. അരവിന്ദ് കെജ്രിവാളിന് ജാമ്യം അനുവദിച്ചതില് ആഘോഷിക്കാന് കാനഡയില് സിഖുകാര് 'മോദി വിരുദ്ധ' റാലി നടത്തി. ഓപ്പറേഷന് ബ്ലൂസ്റ്റാര്, ഖല്സാ സജ്നാ ദിവസ് എന്നിവയുടെ സ്മരണാര്ഥം മെയ് അഞ്ചിന് കാനഡയിലെ മാള്ട്ടണില് സിഖുകാര് നടത്തിയ നഗര് കീര്ത്തന് റാലിയില് നിന്നുള്ള വീഡിയോയാണിത്. കെജ്രിവാളിന് ഇടക്കാല ജാമ്യം അനുവദിക്കുന്നതിനും ദിവസങ്ങള്ക്ക് മുന്പായിരുന്നു റാലി.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software