About: http://data.cimple.eu/claim-review/07f1015e59c63c0c78457f2062866e4d94e1c82baea85ca2c6b15d79     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കേരളത്തിൽ വൈദ്യുതി നിരക്കുകൾ വർധിപ്പിച്ചതിന് പിന്നാലെ കെഎസ്ഇബിയെയും സംസ്ഥാന സർക്കാരിനെയും വിമർശിച്ചുകൊണ്ട് നിരവധി ആളുകളാണ് രംഗത്തെത്തുന്നത്. ഇതിനിടെ കെഎസ്ഇബി വയനാട്ടിലെ ദുരന്ത മേഖലയിൽ നൽകിയ വൈദ്യുതിക്കായി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും 9 കോടി രൂപ ഈടാക്കി എന്ന രീതിയിൽ ഒരു പോസ്റ്റ് സമൂഹമാധ്യമങ്ങളിൽ പ്രചരിക്കുന്നുണ്ട്. "ദുരന്ത മേഖലയിൽ വൈദ്യുതി നൽകിയതിന് മുഖ്യമന്ത്രിയുടെ ദുരിതാശ്വാസനിധിയിൽ നിന്ന് KSEB വാങ്ങിയത് 9 കോടി" എന്നെഴുതിയ പോസ്റ്ററടങ്ങുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നവയാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. കെഎസ്ഇബി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം വാങ്ങിയിട്ടില്ല. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ പോസ്റ്ററിൽ ആരോപിക്കുന്ന കാര്യങ്ങളുമായി ബന്ധപ്പെട്ട കീവേഡ് സെർച്ചുകൾ നടത്തിയെങ്കിലും ഇത്തരം റിപ്പോർട്ടുകളൊന്നും കണ്ടെത്താനായില്ല. അതുകൊണ്ട് തന്നെ കൂടുതൽ വ്യക്തതയ്ക്കായി ഞങ്ങൾ വൈദ്യുതി വകുപ്പ് മന്ത്രി കെ കൃഷ്ണൻകുട്ടിയുടെ ഓഫീസുമായി ബന്ധപ്പെട്ടു. "പ്രചാരണം അടിസ്ഥാനരഹിതമാണ്. കെഎസ്ഇബി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം ക്ലൈം ചെയ്തിട്ടില്ല. കെഎസ്ഇബിക്ക് ഉണ്ടായ നാശനഷ്ടങ്ങളാണ് സംസ്ഥാന സർക്കാർ ഹൈക്കോടതിയിൽ സമർപ്പിച്ച കണക്കിൽ 9 കോടി രൂപയെന്ന് കാണിച്ചിരിക്കുന്നത്. ഈ തുക മുഖ്യമന്ത്രിയുടെ ദുരിതാശ്വാസ നിധിയിൽ നിന്നും കെഎസ്ഇബി വാങ്ങിയിട്ടില്ല. കെഎസ്ഇബി ദുരിതാശ്വാസ നിധിയിലേക്ക് 20 കോടി രൂപയോളം സംഭവന നൽകുകയാണ് ചെയ്തിട്ടുള്ളത്. വയനാട്ടിലെ ദുരന്തമേഖലയിൽ ആറ് മാസം സൌജന്യ വൈദ്യുതിയും കെഎസ്ഇബി നൽകുന്നുണ്ട്" മന്ത്രിയുടെ ഓഫീസ് സ്റ്റാഫായ ഉണ്ണികൃഷ്ണൻ വ്യക്തമാക്കി. മുഖ്യമന്ത്രിയുടെ ദുരിതാശ്വാസ നിധിയിലേക്ക് കെഎസ്ഇബി 10 കോടി രൂപ കൈമാറി എന്ന് വ്യക്തമാക്കുന്ന വാർത്ത മാധ്യമങ്ങൾ 2024 സെപ്റ്റംബർ മാസത്തിൽ തന്നെ പ്രസിദ്ധീകരിച്ചിട്ടുണ്ട്. കെഎസ്ഇബി ജീവനക്കാരിൽ നിന്നും സമാഹരിക്കുന്ന തുകയുടെ ആദ്യ ഗഡുവാണ് 10 കോടി രൂപയെന്ന് റിപ്പോർട്ടുകൾ വ്യക്തമാക്കുന്നു. ഇത് സംബന്ധിച്ച് 24 ന്യൂസ് ഓൺലൈൻ പ്രസിദ്ധീകരിച്ച വാർത്ത ഇവിടെ വായിക്കാം. 2024 ഡിസംബർ 11ന് വൈദ്യുതി വകുപ്പ് മന്ത്രി കെ കൃഷ്ണൻകുട്ടിയുടെ ഔദ്യോഗിക ഫേസ്ബുക്ക് പേജിൽ കെഎസ്ഇബി പത്ത് കോടി രൂപ കൂടി മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയെന്ന് വ്യക്തമാക്കുന്നുണ്ട്. 'ചൂരല്മല ദുരന്തം ; കെ.എസ്.ഇ.ബി. രണ്ടാം ഗഡുവായി 10 കോടി രൂപ കൈമാറി. ഇതുവരെ ആകെ നല്കിയത് 20 കോടി രൂപ' എന്ന് തുടങ്ങുന്ന ഫേസ്ബുക്ക് പോസ്റ്റിൽ മൂന്നാം ഗഡു ശേഖരിക്കുന്ന മുറയ്ക്ക് നൽകുന്നതാണെന്ന് വ്യക്തമാക്കുന്നുണ്ട്. ഈ ഫേസ്ബുക്ക് പോസ്റ്റിന്റെ സ്ക്രീൻഷോട്ട് ചുവടെ കാണാം. വയനാട്ടിലെ ദുരന്തമേഖലയിലെ ജനങ്ങളിൽ നിന്നും ആറ് മാസത്തേക്ക് വൈദ്യുതി ചാർജ് ഈടാക്കരുതെന്ന് 2024 ആഗസ്റ്റ് 6ന് മന്ത്രി കെ കൃഷ്ണൻകുട്ടി നിർദേശം നൽകിയിരുന്നു. മേപ്പാടി പഞ്ചായത്തിലെ 10, 11, 12 വാർഡുകളിൽ വൈദ്യുതി എത്തിക്കുന്ന കെഎസ്ഇബിയുടെ ചൂരൽമല എക്സ്ചേഞ്ച്, ചൂരൽമല ടവർ, മുണ്ടക്കൈ, കെ.കെ. നായർ, അംബേദ്കർ കോളനി, അട്ടമല, അട്ടമല പമ്പ് എന്നീ ട്രാൻസ്ഫോർമറുകളുടെ കീഴിൽ കണക്ഷൻ വരുന്ന ആളുകൾക്കാണ് സൌജന്യമായി ആറ് മാസത്തേക്ക് വൈദ്യുതി നൽകാൻ കെഎസ്ഇബി തീരുമാനിച്ചത്. ഇത് സംബന്ധിച്ച മനോരമ ഓൺലൈൻ നൽകിയ വാർത്ത ഇവിടെ വായിക്കാം. വയനാട് ദുരന്തത്തിന്റെ പശ്ചാത്തലത്തിൽ മുഖ്യമന്ത്രി നടത്തിയ വാർത്താ സമ്മേളനത്തിലും ഇക്കാര്യം പ്രതിപാദിച്ചിട്ടുണ്ട്. ദുരന്തബാധിത മേഖലകളിൽ സൌജന്യമായി വൈദ്യുതി നൽകുമെന്നും കിട്ടാനുള്ള കുടിശ്ശിക ഈടാക്കരുതെന്ന് നിർദേശം നൽകിയിട്ടുള്ളതായും മുഖ്യമന്ത്രി പിണറായി വിജയൻ പറയുന്ന വീഡിയോ ചുവടെ കാണാം. സംസ്ഥാന സർക്കാർ ഹൈക്കോടതിയിൽ സമർപ്പിച്ച കണക്കിൽ SDRF മാനദണ്ഡങ്ങൾ അനുസരിച്ച് ദുരന്ത ബാധിത പ്രദേശത്തിൻ്റെ വീണ്ടെടുക്കലിനും പുനർനിർമ്മാണത്തിനുമുള്ള പ്രധാന പൊതു ചെലവുകൾ എന്ന വിഭാഗത്തിൽ കെഎസ്ഇബിക്ക് 9 കോടി രൂപയെന്ന് കാണിച്ചിട്ടുണ്ട്. ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ ഇക്കാര്യം ചൂണ്ടിക്കാട്ടി ഫേസ്ബുക്കിൽ ഒരു പോസ്റ്റും പങ്കുവച്ചിട്ടുണ്ട്. ഈ പോസ്റ്റിലും കെഎസ്ഇബി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം വാങ്ങിയതായി പറയുന്നില്ല. ഈ ഫേസ്ബുക്ക് പോസ്റ്റ് ഇവിടെ കാണാം. ലഭ്യമായ വിവരങ്ങളിൽ നിന്നും വയനാട്ടിലെ ദുരന്തമേഖലയിൽ വൈദ്യുതി നൽകിയതിന് മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് കെഎസ്ഇബി 9 കോടി രൂപ വാങ്ങി എന്ന തരത്തിലുള്ള പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. വയനാട്ടിലെ ദുരന്തമേഖലകളിൽ വൈദ്യുതി നൽകിയതിന് മുഖ്യമന്ത്രിയുടെ ദുരിതാശ്വാസ നിധിയിൽ നിന്നും കെഎസ്ഇബി പണം വാങ്ങി. കെഎസ്ഇബി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും പണം വാങ്ങിയിട്ടില്ല. കെഎസ്ഇബിക്ക് ഉണ്ടായ നാശനഷ്ടങ്ങളുടെ കണക്കെടുത്താണ് കോടതിയിൽ സമർപ്പിച്ച രേഖയിൽ 9 കോടി രൂപ എന്ന് കാണിച്ചിരിക്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software