About: http://data.cimple.eu/claim-review/0a513edbb1992a1e61329b101c31df656c345b790b808ab77d647bad     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • വൈദ്യുതി ചാര്ജ് വര്ധിപ്പിച്ചത് സാധാരണക്കാരായ ജനങ്ങള്ക്ക് തിരിച്ചടിയാണ്. ചെറിയ വര്ധനവാണ് നടപ്പാക്കുന്നതെന്ന് കെഎസ്ഇബി പറയുമ്പോഴും കോവിഡ് സാഹചര്യം പൂര്ണ്ണമായി മറികടക്കാനാവാത്ത ജനങ്ങള്ക്ക് കറണ്ട് ചാര്ജ് വര്ധന നല്കുന്ന ആഘാതം വളരെ വലുതാണ്. വൈദ്യുതി ചാര്ജ് വര്ധനയുമായി ബന്ധപ്പെട്ട വിവരങ്ങള് പങ്കുവച്ചുകൊണ്ട് സമൂഹമാധ്യമങ്ങളില് ചില തെറ്റിദ്ധരിപ്പിക്കുന്ന സന്ദേശങ്ങള് ഇപ്പോള് വൈറലാണ്. രണ്ടുമാസത്തിനിടെ റീഡിംഗ് എടുത്തുകൊണ്ട് കെഎസ്ഇബി ജനങ്ങളെ പറ്റിക്കുകയാണെന്നും റീഡിംഗ് പ്രതിമാസം എടുക്കുന്നതുവഴി പൊതുജനങ്ങള്ക്ക് വന് ലാഭം ഉണ്ടാകുമെന്നുമാണ് പോസ്റ്റുകളില് വിവരിക്കുന്നത്. ' വൈദ്യുതി ബില് ഓരോ മാസവും കിട്ടണമെന്ന് നമ്മള് ഓരോരുത്തരും ആവശ്യപ്പെടണം.. രണ്ട് മാസം കൂടുമ്പോള് 250 യൂണിറ്റ് ഉപയോഗിച്ചവര് യൂണിറ്റിന് 8 രൂപ വെച്ചു നല്കണം.. അതായത് 250x8 = 2000 രൂപ! ഒരു മാസത്തേക്ക് പകുതി വെച്ചു കണക്ക് കൂട്ടിയാല് 125 യൂണിറ്റ്.. യൂണിറ്റിന് 5 രൂപ, അതായതു 125x5= 625 രൂപ 625 വെച്ചു രണ്ട് മാസത്തേക്ക് 1250 രൂപ!' എന്നു തുടങ്ങുന്ന കുറിപ്പോടെ പ്രചരിക്കുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. പോസ്റ്റില് പറയുന്നതു പ്രകാരമല്ല കെഎസ്ഇബിയുടെ ബില് തുക കണക്കാക്കുന്നത്. AFWA അന്വേഷണം കെഎസ്ഇബി വൈദ്യുതി ചാര്ജ് കണക്കാക്കുന്ന രീതിയാണ് ഞങ്ങള് ആദ്യം പരിശോധിച്ചത്. ഇതില് നിന്ന് മനസിലാക്കാനായത് പ്രതിമാസം ബില് കണക്കാക്കിയാലും ദ്വൈമാസ ബില്ലിംഗ് രീതിയായാലും നിശ്ചിത തുക വരെയുള്ള ഉപയോഗത്തിന് താരിഫില് വ്യത്യാസമുണ്ടാകില്ല എന്നാണ്. ഇപ്പോള് പ്രചരിക്കുന്ന പോസ്റ്റുകള് അടിസ്ഥാന രഹിതമാണെന്നും വൈദ്യുതി ചാര്ജ് കണക്കാക്കുന്ന യഥാര്ഥ രീതി എന്താണെന്നും വ്യക്തമാക്കി കെഎസ്ഇബി ഔദ്യോഗിക ഫേസ്ബുക്ക് പേജില് പങ്കുവച്ച സന്ദേശം താഴെ കാണാം. ഇപ്പോഴത്തെ ബില്ലീംഗ് രീതി ആകെ ഉപയോഗിച്ച യൂണിറ്റിന്റെ പകുതി ഒരു മാസത്തെ ഉപയോഗമായി കണക്കാക്കും, ആ തുകയുടെ വൈദ്യുതി ചാര്ജ് കണ്ടെത്തിയ ശേഷം അതിന്റെ ഇരട്ടിയാണ് രണ്ടുമാസത്തെ തുകയായി നല്കുന്നത്. അതുകൊണ്ട് തന്നെ താരിഫ് റേറ്റിനെ ദ്വൈമാസ ബില്ലിംഗ് ബാധിക്കില്ല. കൂടാതെ ജിഎസ്ടി, മീറ്റര് വാടക തുടങ്ങിയ അഡിഷണല് തുക എല്ലാ മാസവും നല്കേണ്ടിയും വരുന്നില്ല. അതും ഉപഭോക്താക്കള്ക്ക് ലാഭമാണ്. തുക കണക്കാക്കുന്നതിന് കെഎസ്ഇബിയുടെ ഔദ്യോഗിക വെബ്സൈറ്റില് 'കെഎസ്ഇബി ബില് കാല്ക്കുലേറ്റര്' എന്ന സംവിധാനമുണ്ട്. ഇതുപയോഗിച്ച് ഉപഭോക്താക്കള്ക്ക് നേരിട്ട് ബില് തുക അറിയാം. അതായത് രണ്ട് മാസത്തില് ബില് കണക്കാക്കിയാലും അതത് മാസത്തില് കണക്കാക്കിയാലും നിശ്ചിത യൂണിറ്റിനുള്ളില് ഉപയോഗിക്കുന്ന വൈദ്യുതിയുടെ നിരക്കില് വ്യത്യാസമുണ്ടാകില്ല. 250 യൂണിറ്റ് എന്നത് ഡൊമസ്റ്റിക് ഉപഭോക്താക്കള്ക്ക് മിനിമം താരിഫില് ഉപയോഗിക്കാവുന്ന യൂണിറ്റാണ്. സോഷ്യല് മീഡിയ പോസ്റ്റില് പറയുന്നത് 250 യൂണിറ്റ് ഉപയോഗിച്ചാല് 8 രൂപ വച്ച് 2000 രൂപ ബില് തുക വരും എന്നാണ്. എന്നാല് KSEB അങ്ങനെയല്ല ബില് തുക കണക്കാക്കുന്നത്. 50 യൂണിറ്റ് വരെ 1.50 രൂപ നിരക്കിലാണ് വൈദ്യുതി ലഭ്യമാകുന്നത്. 50 മുതല് 100 യൂനിറ്റ് വരെ 3.95 രൂപ, 101 മുതല് 150 യൂണിറ്റ് വരെ 5 രൂപ എന്നിങ്ങനെ ഓരോ 50 യൂണിറ്റിലും ഒരോ സ്ലാബാണ് ഈടാക്കുക. ഉദാഹരണത്തിന് 250 യൂണിറ്റ് കണക്കാക്കുന്ന രീതി താഴെ കാണാം 50x1.5 + 50x3.95 + 50x5 + 50x5.8 +50x8 = 1,212.5 ഈ തുകയെ 2 കൊണ്ട് ഗുണിച്ച് രണ്ട് മാസത്തെ തുക കണക്കാക്കും. അതേസമയം, 250 യൂണിറ്റിന് മുകളില് ഉപയോഗിച്ചാല് ഈ സ്ലാബ് സംവിധാനം ലഭിക്കില്ല. 250 മുതല് 300 യൂണിറ്റ് വരെ ഒരേ നിരക്കായ 6.20 രൂപയാകും നല്കേണ്ടി വരുന്നത്. അത്തരത്തില് 500 യൂണിറ്റ് വരെ ഉയര്ന്ന നിരക്കില് ഉപയോഗിക്കാനാകും. ഇതു സംബന്ധിച്ച് കെഎസ്ഇബി 2021ല് ഒരു വിശദീകരണം നല്കിയിരുന്നു. ഇതില് പഴയ താരിഫും നിരക്കുമാണ് ഉള്ളതെങ്കിലും ഈ രീതിയില് തന്നെയാണ് വൈദ്യുതി നിരക്ക് കണക്കാക്കുന്നത്. വൈദ്യുതി ചാര്ജ് വര്ധനവ് കെഎസ്ഇബി വൈദ്യുതി നിരക്ക് വര്ധിപ്പിച്ചത് ഇക്കഴിഞ്ഞ ജൂണ് 25 മുതലാണ്. നിലവിലുണ്ടായിരുന്ന നിരക്കിനേക്കാള് 6.6% തുക വര്ധിപ്പിക്കാനാണ് അനുമതിയുള്ളത്. പുതുക്കിയ നിരക്കനുസരിച്ച് 50 യൂണിറ്റ് വരെ വൈദ്യുതി ഉപയോഗിക്കുന്നവര്ക്ക് ചാര്ജ് വര്ധനവ് ബാധകമല്ല. 51 മുതല് 100യൂണിറ്റ് വരെ 25 പൈസയുടെ വര്ധനവുണ്ടായിട്ടുണ്ട്. 101-150 വരെ 20 പൈസ, 151-200 വരെ 40 പൈസ എന്നിങ്ങനെ 500 യൂണിറ്റ് വരെ വൈദ്യുതി ഉപയോഗിക്കുന്ന ഗാര്ഹിക ഉപഭോക്താക്കള്ക്ക് 60 പൈസവരെ ഉയര്ത്തിയിട്ടുണ്ട്. കെഎസ്ഇബിയുടെ പുതുക്കിയ നിരക്കിലുള്ള താരിഫും മറ്റു വിവരങ്ങളും സംബന്ധിച്ച് ഇലക്ട്രിസിറ്റി റെഗുലേറ്ററി കമ്മിഷന് പുറപ്പെടുവിച്ച ഉത്തരവ് ഇവിടെ കാണാം. ഇതില് വിവരിക്കുന്ന പുതുക്കിയ നിരക്കിന്റെ പട്ടിക താഴെ കാണാം. രണ്ട് മാസം കൂടുമ്പോള് റീഡിംഗ് എടുക്കുന്നതുമൂലം മീറ്റര്വാടക, ജിഎസ്ടി, ഡ്യൂട്ടി തുടങ്ങിയ മറ്റു നിരക്കുകളില് കുറവ് ലഭിക്കുന്നത് ഉപഭോക്താക്കള്ക്ക് ഗുണകരണമാണ്. സ്ലാബ് ഉയരുന്നതനുസരിച്ച് ഈ തുകയില് വ്യത്യാസം വരുന്നതിനാല് ഉപഭോക്താക്കള് അനാവശ്യമായി വൈദ്യുതി ഉപയോഗിക്കില്ല എന്നതാണ് കെഎസ്ഇബിയുടെ കണക്കുകൂട്ടല്. മുന്പ് കെഎസ്ഇബി ബില് തുക സംബന്ധിച്ച് ഒരു യുട്യൂബ് ചാനല് നല്കിയ തെറ്റിദ്ധരിപ്പിക്കുന്ന വീഡിയോ വൈറലായപ്പോള് ഇതിന്റെ സത്യാവസ്ഥ വ്യക്തമാക്കി ഇന്ത്യാ ടുഡേ നല്കിയ ഫാക്ട് ചെക്ക് റിപ്പോര്ട്ട് ഇവിടെ വായിക്കാം. ലഭ്യമായ വിവരങ്ങളില് നിന്ന് ഗാര്ഹിക ഉപയോക്താക്കളുടെ മിനിമം വൈദ്യുതി സ്ലാബ് കണക്കാക്കുന്നത് ഉപയോഗത്തിന്റെ അടിസ്ഥാനത്തിലാണെന്നും ഇതേപ്പറ്റിയുള്ള സമൂഹമാധ്യമ പ്രചാരണങ്ങള് തെറ്റിദ്ധരിപ്പിക്കുന്നതാണെന്നും മനസിലാക്കാം. രണ്ട് മാസം കൂടുമ്പോള് വൈദ്യുതി ചാര്ജ് കണക്കാക്കുന്നതുകൊണ്ട് ബില് തുക വര്ധിക്കുന്നു. പോസ്റ്റില് പറയുന്നതുപ്രകാരമല്ല കെഎസ്ഇബി വൈദ്യുതി ചാര്ജ് കണക്കാക്കുന്നത്. മിനിമം താരിഫ് വരെയുള്ള ഉപയോഗം ടെലിസ്കോപിക്ക് രീതിയിലാണ് കണക്കാക്കുന്നത്. നിശ്ചിത പരിധിക്കപ്പുറത്തെ ഉപയോഗത്തിനാണ് കൂടുതല് തുക നല്കേണ്ടി വരുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software