About: http://data.cimple.eu/claim-review/0babc0b0e3d8086f0e33e1413bda2b747bb4cd929eac54badff5cc84     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കര്ഷക സമരവുമായി ബന്ധപ്പെട്ട് നിരവധി വ്യാജ വീഡിയോകളും ചിത്രങ്ങളും സമൂഹമാധ്യമങ്ങളില് പ്രചരിക്കുന്നുണ്ട്. സമരത്തിനെത്തിയ കര്ഷകര് തമ്മിലുള്ള വാക്കേറ്റം എന്ന രീതിയില് അത്തരത്തിലൊരു വീഡിയോ ഇപ്പോള് വൈറലാണ്. ഒരാള് കസേരയിലും ഏതാനും പേര് നിലത്തിരുന്നും സംസാരിക്കുന്നതാണ് ദൃശ്യം. സംസാരത്തിനിടയില് രണ്ടുപേര് പരസ്പരം കൈചൂണ്ടുന്നതായും കാണാം. "സമരം നടത്തുന്ന കര്ഷകര്ക്ക് ഏകാഭിപ്രായം ഉണ്ടെന്ന് ആരെങ്കിലും കരുതുന്നുണ്ടെങ്കില്....തെറ്റി..." എന്നുള്ള വിവരണത്തോടൊപ്പം പ്രചാരത്തിലുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഈ വീഡിയോ കര്ഷക സമരത്തില് നിന്നുള്ളതല്ല, ഹരിയാനയിലെ റോഡ് നിര്മാണവുമായി ബന്ധപ്പെട്ട ചര്ച്ചയാണ്. അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ദൃശ്യങ്ങള് ഉള്പ്പെടുന്ന ഒരു യുട്യൂബ് വീഡിയോ ലഭ്യമായി. 'Gurnam Singh charuni' എന്നഴുതിയ വീഡിയോ 2024 ജനുവരി 31നാണ് പോസ്റ്റ് ചെയ്തിട്ടുള്ളത്. സമാനമായ വീഡിയോ ഫെബ്രുവരി 2ന് 'ജാട്ട്_ക്ലബ്_ഓഫിഷ്യല്' എന്ന ഇന്സ്റ്റഗ്രാം പേജിലും പങ്കുവച്ചിട്ടുണ്ട്. ഇതിലെ കമെന്റ് സെക്ഷനില് സര്ദാര് ഗുര്നാം സിങ് ചരുനി സിന്ദാബാദ് എന്ന് എഴുതിയിട്ടുണ്ട്. എന്നാല് കൃത്യമായ വിവരണമില്ല. തുടര്ന്ന് ഗുര്നാം സിങ് ചരുനിയെപ്പറ്റി കീവേര്ഡ് സെര്ച്ച് ചെയ്തപ്പോള് ഹരിയാനയില് നിന്നുള്ള രാഷ്ട്രീയ പ്രവര്ത്തകനും കര്ഷക നേതാവുമാണ് അദ്ദേഹമെന്ന് മനസിലാക്കാനായി. ഭാരതീയ കിസാന് യൂണിയന്(BKU) ഹരിയാന നേതാവായ ഗുര്നാം സിങ് ചരുനി കര്ഷക സമരത്തിന്റെ മുന്നിരയിലുള്ള നേതാവാണ്. എന്നാല് ഇപ്പോള് പ്രചാരത്തിലുള്ള വീഡിയോ കര്ഷക സമരത്തില് നിന്നുള്ളതല്ല, മറ്റൊരു ചര്ച്ചയില് നിന്നുള്ളതാണ്. ചരുനിയുടെ വേരിഫൈഡ് സോഷ്യല് മീഡിയ പേജില് 2024 ജനുവരി 31ന് ഇതേ വീഡിയോ പങ്കുവച്ചിട്ടുള്ളതായി കണ്ടെത്തി. റോഡ് നിര്മാണത്തിന്റെ ഭാഗമായി കൃഷിയിടങ്ങളിലൂടെ അണ്ടര്പാസ് നിര്മിക്കുന്നതുമായി ബന്ധപ്പെട്ട വിഷയം നാഷണല് ഹൈവേ അതോറിറ്റി ഓഫ് ഇന്ത്യ(NHAI) അധികൃതരുമായി ചര്ച്ച നടത്തുന്ന ദൃശ്യമെന്നാണ് പോസ്റ്റില് വിവരിച്ചിട്ടുള്ളത്. കര്ഷക സമരം ആരംഭിക്കുന്നതിനും ദിവസങ്ങള്ക്ക് മുന്പ് മറ്റൊരു വിഷയത്തില് നടന്ന സമവായ ചര്ച്ചയുടെ വീഡിയാണിതെന്ന് വ്യക്തമായി. എന്നിരുന്നാലും ഏത് റോഡുമായി ബന്ധപ്പെട്ട ചര്ച്ചയാണിതെന്ന് പോസ്റ്റില് വ്യക്തമാക്കുന്നില്ല. ഇക്കാര്യത്തെപ്പറ്റി വിശദമായി അറിയുന്നതിന് ഞങ്ങള് ഗുര്നാം സിങ് ചരുനിയുമായി ബന്ധപ്പെടാന് ശ്രമിക്കുന്നുണ്ട്. അദ്ദേഹത്തിന്റെ പ്രതികരണം ലഭിക്കുന്ന മുറയ്ക്ക് വാര്ത്ത അപ്ഡേറ്റ് ചെയ്യുന്നതാണ്. ഗുര്നാം സിങ് ചരുനിയുടെ പ്രതികരണം ലഭ്യമായതിനാല് വാര്ത്ത അപ്ഡേറ്റ് ചെയ്യുകയാണ്. "ഹരിയാനയിലെ അംബാലയിലുള്ള തല്വണ്ടി ഗ്രാമത്തിലാണ് ഈ സംഭവം നടന്നത്. അവിടെ ഒരു പാലം നിര്മ്മിക്കുന്നുണ്ട്. നിലവിലെ റോഡില് നിന്നാണ് പാലത്തിന്റെ ഉയരം കണക്കാക്കിയത്. എന്നാല് റോഡിന് വശങ്ങളിലുള്ള മണ്പാതയില് നിന്ന് ഇത് കണക്കാക്കണമായിരുന്നു. മണ്പാത വളരെ താഴ്ചയിലാണ്. അവിടേയ്ക്ക് മണ്ണിട്ട് ഉയര്ത്തുന്നതിനുള്ള പണം ലാഭിക്കാനാണ് ഉദ്യോഗസ്ഥര് ഇത്തരത്തില് ചെയ്തത്. അതിനാലാണ് ഞങ്ങള് പ്രതിഷേധിച്ചത്. ഉദ്യോഗസ്ഥരുമായി ചര്ച്ച നടത്തുന്ന വീഡിയോ ആണിത് " ഗുര്നാം സിങ് ചരുനി 'ഇന്ത്യ ടുഡേ'യോട് പറഞ്ഞു. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ കര്ഷകസമരവുമായി ബന്ധപ്പെട്ടതല്ലെന്നും റോഡ് നിര്മാണവുമായി ബന്ധപ്പെട്ടുള്ളതാണെന്നും വ്യക്തമായി. കര്ഷക സമരത്തിനടെ പരസ്പരം തര്ക്കിക്കുന്ന സമരക്കാര്. പ്രചരിക്കുന്ന വീഡിയോയ്ക്ക് കര്ഷക സമരവുമായി ബന്ധമില്ല. 2024 ജനുവരി 31ന് ഭാരതീയ കിസാന് യൂണിയന് നേതാക്കളും NHAI അധികൃതരും തമ്മില് റോഡ് നിര്മാണത്തിന്റെ ഭാഗമായി ചര്ച്ച നടത്തുന്ന ദൃശ്യമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software