| schema:text
| - Fact Check: સલમાન ખાનનો લગભગ ચાર વર્ષ જૂનો વીડિયો ભ્રામક દાવા સાથે વાયરલ
- By: Sharad Prakash Asthana
- Published: Feb 17, 2023 at 10:48 AM
નવી દિલ્હી (વિશ્વાસ ન્યૂઝ): સલમાન ખાનનો વાયરલ વીડિયો જૂન 2019ના રોજ પ્રસારિત થનારા કપિલ શર્મા શોનો ભાગ છે. સોશિયલ મીડિયા પર વાયરલ થયેલો દાવો ભ્રામક છે.
સલમાન ખાનને લઈને સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે સલમાન ખાને કહ્યું છે કે તેમના પૂર્વજો જમ્મુના ડોગરા રાજપૂત હતા.
વિશ્વાસ ન્યૂઝને તેની તપાસમાં જાણવા મળ્યું કે જૂન 2019માં કપિલ શર્માના શૉમાં સલમાન ખાને કહ્યું હતું કે તેઓ માત્ર પઠાણ પરિવારમાંથી જ નથી. તેમની માતા અને નાની મરાઠી જ્યારે નાના ડોગરા રાજપૂત હતા. વાયરલ વીડિયો આ જ શૉનો છે.
શું છે વાયરલ પોસ્ટ
ફેસબુક યુઝર ‘કૃતિકા રાજપૂત ‘ (આર્કાઇવ લિંક)એ 6 ફેબ્રુઆરીના રોજ સલમાન ખાનનો એક વીડિયો શેર કરીને લખ્યું કે, મારા પૂર્વજો જમ્મુના ડોંગરા રાજપૂત હતા- સલ્લુભાઈ. અભિનંદન સલીમૂન સ્વીકારી તો લીધું કે તેઓ રાજપૂત છે…!! શુભેચ્છા બંધ ન થવી જોઈએ…!! બધાને રાજપૂત જ બનવું છે.
તપાસ
વાયરલ દાવાની તપાસ કરવા માટે અમે સૌથી પહેલા કીવર્ડ્સ સાથે ગૂગલ પર ઓપન સર્ચ કર્યું. આમાં વીડિયો સેક્શનમાં અમને International Dogra Society ફેસબુક પેજ પર સંબંધિત એક વીડિયો (આર્કાઇવ લિંક) મળ્યો. 1 જાન્યુઆરી, 2020ના રોજ પોસ્ટ કરાયેલા આ વીડિયોમાં સલમાન કહી રહ્યા છે કે તેમના નાની મરાઠા હતા અને નાના ડોગરા રાજપૂત હતા. આ વીડિયો વાયરલ વીડિયોની થોડી લાંબી ક્લિપ છે. પોસ્ટમાં લખ્યું છે કે, When Salman Khan spoke about his Dogra lineage!Son of Mrs Sushila Charak and grandson of Baldev Singh Charak.
SET ઈન્ડિયાની YouTube ચેનલ પર કપિલ શર્માના શૉનો સંપૂર્ણ વીડિયો મળ્યો. તેને 27 ડિસેમ્બર 2019ના રોજ અપલોડ કરવામાં આવ્યો છે. તેનું ટાઈટલ છે, 2019. | The Kapil Sharma Show Season 2-Ep 45 -Fun With Salman & Katrina-1st Jun’19। મતલબ કે આ વીડિયો 1 જૂન 2019ના શૉનો છે. આમાં 19.53 સેકન્ડથી વાયરલ વીડિયો જોઈ શકાય છે. આમાં સલમાન કહે છે, ‘હું માત્ર પઠાણ પરિવારમાંથી નથી. મમ્મી મરાઠી છે અને નાની મરાઠી હતા. અમારા નાના જમ્મુ અને કાશ્મીરના ડોગરા રાજપૂત હતા. જેટલા પણ વોરિયર બ્લડ છે, અમારી અંદર છે. અમારી એક માં છે, હેલન આંટી, તેઓ બર્મીઝ છે.’
હર જિંદગીમાં 29 એપ્રિલ 2021ના રોજ છપાયેલા અહેવાલ મુજબ, સલમાન ખાનનો પરિવાર ઘણો મોટો છે. સલમાનના પિતાએ સુશીલા ચરક સાથે લગ્ન કર્યા હતા. લગ્ન પછી સુશીલાએ પોતાનું નામ બદલીને સલમા ખાન રાખ્યું હતું. બંનેને ત્રણ પુત્ર અને એક પુત્રી છે. આમાં સલમાન, અરબાઝ અને સોહેલ ખાન અને પુત્રીનું નામ અલવીરા છે. સુશીલાની માતા મહારાષ્ટ્રીયન અને પિતા ડોગરા રાજપૂત હતા. એટલે કે સલમાનના નાની મરાઠા અને નાના ડોગરા રાજપૂત હતા.
વન ઈન્ડિયામાં 18 ઓગસ્ટ, 2021ના રોજ પ્રકાશિત થયેલા અહેવાલમાં લખવામાં આવ્યું છે કે સલમાનના પરદાદા અફઘાનિસ્તાન છોડીને મધ્યપ્રદેશના ભોપાલમાં સ્થાયી થયા છે. તેમના પૂર્વજો અલાકોઝાઈ પશ્તુન હતા. તેમના પિતા સલીમ ખાન ફિલ્મ ઈન્ડસ્ટ્રીના જાણીતા વ્યક્તિ છે.
અમે આ વિશે મુંબઈમાં એન્ટરટેનમેન્ટ પત્રકાર પરાગ છાપેકર સાથે વાત કરી. તેમનું કહેવું છે કે, ‘વાયરલ વીડિયો કપિલ શર્માના શૉનો છે, જે 2019માં પ્રસારિત થયો હતો.’
ફેસબુક પેજ ‘કૃતિકા રાજપૂત’ની પ્રોફાઈલને અમે સ્કેન કરી. આ મુજબ તે કોલકાતા રહેવાસી છે અને એક ખાસ વિચારધારાથી પ્રેરિત છે.
નિષ્કર્ષ: સલમાન ખાનનો વાયરલ વીડિયો કપિલ શર્મા શૉનો ભાગ છે, જે જૂન 2019ના રોજ પ્રસારિત થયો હતો. સોશિયલ મીડિયા પર વાયરલ થયેલો દાવો ભ્રામક છે.
- Claim Review : સલમાન ખાને કહ્યું છે કે તેના પૂર્વજો જમ્મુના ડોગરા રાજપૂત હતા.
- Claimed By : FB User- કૃતિકા રાજપૂત
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)