| schema:text
| - Video e fabrikuar përmes AI e Naim Murselit
Deklarata
“Hoqa qafe gruan para syve te fëmijëve tane”
Vlerësimi
Rrenë
Video në të cilin shihet duket folur Naim Murseli e publikuar me titull “Hoqa qafe gruan para syve te fëmijëve tane” është e rreme dhe e prodhuar përmes inteligjencës artificiale. Kjo video është prodhuar duke e shfrytëzuar një fotografi të Naim Murselit, të cilën e kishte publikuar në Facebook. Krypometri ka verifikuar se në vendimin e Gjykatës për caktimin e masës së paraburgimit është cituar Naim Murseli, i cili e ka mohuar përfshirjen e tij në rasin e vrasjes e gruas së tij.
Artikulli
Më 3 dhjetor 2023, faqja e Facebook-ut ‘Lajme Ferizaj’ (arkiva) ka publikuar një video-material në të cilën pretendohet se po flet Naim Murseli, i dyshuar për përfshirje në vrasjen e Liridona Ademajt.
Videoja mban mbishkrimin “Hoqa qafe gruan para syve te fëmijëve tane”.
Materiali është shpërndarë fillimisht në faqen e rrjetit social TikTok, eriddaja për t’u ripublikuar më pas edhe në faqe të tjera si gjithqkangabota (arkiva), kengekurbeti (arkiva) dhe parukeri2e (arkiva).
Krypometri ka kontrolluar vërtetësinë e videos duke gjetur se është përdorë një fotografi të Naim Murselit (arkiva) nga profili i tij zyrtar i tij, e cila pas përdorimit të AI (Inteligjencës Artificiale) është kthyer në video-material.
Avokati Ahmet Ahmeti kishte thënë se i mbrojturi i tij, Naim Murseli, nuk e ka kryer veprën penale në vend, kohë dhe mënyrë siç përshkruhet në dosjen e prokurorisë dhe nuk është i përfshirë në vrasje.
“I mbrojturi im nuk është fare i involvuar në kryerjen e këtyre veprave penale dhe nuk ka arsyje të përsërisë veprën penale se nuk e ka bërë”- kishte thënë avokati Ahmeti.
Përveç kësaj, në vendimin e Gjykatës për caktimin e paraburgimit për Naim Murselin është publikuar edhe një deklaratë e Murselit, i cili citohet të ketë thënë” “Unë nuk kam ikur nga vendi i ngjarjes, madje kam qenë vetë i rrezikuar dhe kam kërkuar ndihmë në të njëjtën kohë deri në ardhjen e Policisë.”
Naim Murselit i është caktuar masa e paraburgimit prej 30 ditësh, pasi i njëjti dyshohet se është urdhërdhënës për kryerjen e vrasjes së gruas së tij, Liridona Ademajt.
Ademaj kishte mbetur e vdekur në vendin e ngjarjes nga plaga që kishte marrë prej armës. Dyshohet se kishte shtënë Granit Plava, të cilit, sipas Prokurorisë, Murseli i kishte premtuar paraprakisht një shumë të hollash prej 30 mijë euro për të kryer vrasjen.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)