| schema:text
| - Video e fabrikuar e Kurtit me Vuçiqin
Deklarata
Video e kryeministrit të Republikës së Kosovës, Albin Kurtit dhe Presidentit të Serbisë, Aleksandër Vuçiqit, e shpërndarë me mbishkrimin “Pedersko-šiptarska posla”.
Vlerësimi
Rrenë
Video e kryeministrit të Republikës së Kosovës, Albin Kurtit dhe Presidentit të Serbisë, Aleksandër Vuçiqit, e shpërndarë me mbishkrimin “Pedersko-šiptarska posla”, është e fabrikuar. Videoja është gjeneruar nga Inteligjenca Artificiale duke përdorur fotografitë e të dy protagonistëve, Vuçiqit dhe Kurtit, kur ata u takuan për herë të fundit, më 14.09.2023 në kuadër të Dialogut Kosovë- Serbi, me ndërmjetësim të BE.
Artikulli
Më 11.02.2025, faqja në instagram aleksandarbackovic (arkiva & arkiva & arkiva) ka publikuar një video në të cilën shihet kryeministri i Kosovës, Albin Kurti dhe presidenti i Serbisë, Aleksandër Vuçiq.
“Pedersko-šiptarska posla”- thuhet në përshkrim. Në video është edhe logoja e Tiktok që dëshmon se video për herë të parë është publikuar në këtë platformë. Krypometër përmes kërkimit në Tiktok ka gjetur videon e cila ishte publikuar me mbishkimin: “Diku larg kur fiken kamerat..Kurti dhe Vucic ne nje perqafim plot dashuri ♥️❤️♥️❤️♥️#kosovo #kurti #sarkazëm #vetull #kroaci🇭🇷”.
Pas analizimit të materialit, Krypometër ka vërejtur se videoja është gjeneruar me Inteligjencë Artificiale, duke përdorur fotografitë e të dy protagonistëve.
Përmes Pim Eyes, makinë që kërkon fotografitë përmes identifikimit të fytyrave, Krypometër ka gjetur fotografinë e Kurtit që është përdorur për të fabrikuar materialin.
Më tej, përmes kërkimit në po të njëjtin mjet Pim Eyes Krypometër ka gjetur fotografinë e Vuçiqit që është përdorur për të prodhuar videon e fabrikuar.
Kryeministri i Republikës së Kosovës, Albin Kurti dhe Presidenti i Serbisë, Aleksandër Vuçiq, u takuan për herë të fundit, më 14.09.2023, në kuadër të Dialogut Kosovë- Serbi me ndërmjetësim të ndërmjetësuesve të BE. Dhjetë ditë pas këtij takimi ndodhi sulmi terrorist në Banjskë, më 24.09.2023, në të cilin u vra togeri i Policisë së Kosovës, Afrim Bunjaku.
Më 03.12.2024, shefja e re e Politikës së Jashtme të Bashkimit Evropian, Kaja Kallas ka pritur në takime të ndara në Bruksel kryeministrin e Kosovës, Albin Kurti dhe Presidentin e Serbisë, Aleksandër Vuçiq.
Këto takime dypalëshe nuk ishin pjesë e Dialogut për normalizim të raporteve mes Kosovës dhe Serbisë, që ndërmjetësohet nga Bashkimi Europian.
“Sot u takova me Aleksandër Vuçiqin dhe me Albin Kurtin. Rruga e vetme për anëtarësim në BE është normalizimi i marrëdhënieve të tyre, në bazë të Marrëveshjes së Ohrit. E mirëprita gatishmërinë për të bashkëpunuar plotësisht pas sulmit të fundit terrorist në Ibër- Lepenc. Autorët duhet të përballen me drejtësinë.”- kishte shkruar Kallas në rrjetin social X.
Kurti tha pas takimit se me Kallasin ka diskutuar për çështjen e integrimit europian të Kosovës dhe për raportet me Serbinë fqinje, teksa tha se Kallas është “në kohën e duhur dhe në vendin e duhur”.
“Nga liderët që ka Europa sot, besoj se zonja Kallas është në kohën e duhur dhe në vendin e duhur. Ne kemi shpresa të mëdha që Kosova, që rajoni i Ballkanit Perëndimor do të përfitojë shumë sa i përket vlerave europiane, demokratike, mbështetjes ekonomike e financiare dhe paqes dhe sigurisë në përgjithësi.”- tha Kurti pas takimit.
Ndërsa, Vuçiq deklaroi se me Shefen e re të Diplomacisë së BE ka zhvilluar një bisedë “të hapur dhe të vështirë”.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)