| schema:text
| - Rrena se MASHTI ofron mbi 70 kurse falas
Deklarata
Nga gushti i vitit 2024, Ministria e Arsimit e Kosovës do të ofrojë kurse arsimore falas për të gjithë personat e moshës 18 vjeç e lart. Ka mbi 75 kurse për të zgjedhur, dhe ju do të fitoni një diplomë dhe një mundësi pune të paguar mirë pas përfundimit
Vlerësimi
Rrenë
Postimi “Nga gushti i vitit 2024, Ministria e Arsimit e Kosovës do të ofrojë kurse arsimore falas për të gjithë personat e moshës 18 vjeç e lart. Ka mbi 75 kurse për të zgjedhur, dhe ju do të fitoni një diplomë dhe një mundësi pune të paguar mirë pas përfundimit”- është i rremë. Ministria e Arsimit Shkencës, Teknologjisë dhe Inovacionit nuk ka publikuar asnjë njoftim për ofrimin e kurseve falas për qytetarët e Kosovës. Kjo Ministri ka thënë se postimi është i rremë, pasi ata nuk ofrojnë kurse të tilla.
Artikulli
Më 06.08.2024 faqja në Facebook ‘Noah Harris’ (arkiva) ka publikuar një postim përmes të cilit pretendon se është faqe zyrtare e Ministrisë së Arsimit, Shkencës, Teknologjisë dhe Inovacionit (MASHTI) dhe se do të ofrojë kurse falas.
“Nga gushti i vitit 2024, Ministria e Arsimit e Kosovës do të ofrojë kurse arsimore falas për të gjithë personat e moshës 18 vjeç e lart. Ka mbi 75 kurse për të zgjedhur, dhe ju do të fitoni një diplomë dhe një mundësi pune të paguar mirë pas përfundimit”- shkruan në këtë postim.
Të dhënat në Facebook për këtë faqe thonë se e njëjta më 17.08.2024 e ka ndryshuar emrin në “The Great Courses” (arkiva) dhe menaxhohet nga shteti i Filipineve.
Në infografikën e publikuar nga kjo faqe është vendosur edhe Flamuri i Kosovës së bashku me emrin e Ministrisë së Arsimit, Shkencës, Teknologjisë dhe Inovacionit (MASHTI).
Në postim është vendosur edhe një ceritifikatë e cila pretendohet se merret në fund të këtyre kurseve, si dhe premtohet “punë me pagesë të lartë”.
Por kur klikon mbi këtë infografikë, të dërgon tek faqja e internetit ‘onlinecourse-class.shop’ (arkiva), në të cilën nuk ka asnjë informacion lidhur me këtë lajmërim për kurse falas që kinse mundësohen nga MASHTI.
Krypometër ka kontrolluar faqet zyrtare të MASHTI-t nëse ata kanë bërë ndonjë njoftim për ofrim të kurseve falas. Në faqen në Facebook dhe në faqen e internetit të Ministrisë së Arsimit nuk është publikuar asnjë njoftim për ofrim falas të kurseve për nxënës.
Krypometri ka pyetur për këtë zyrtarë të Ministrisë së Arsimit.
Ata kanë demantuar këtë informacion duke thënë se MASHTI nuk ofron kurse falas dhe se ky lajmërim nuk është nga ky dikaster.
“Javë më parë i kemi denoncuar në institucionet që i trajtojnë krimet kibernetike këto faqe të cilat në rrjete sociale po e keqpërdorin emrin dhe logon e MASHTI. Njëjtë do të veprojmë edhe kësaj here”- thuhet në përgjigjen e këtij dikasteri.
Kjo Ministri në një përgjigje për Krypometër ka thënë se postime të tilla po bëhen nga profile të rrejshme që paraqiten si të Minitrisë së Arsimit dhe se kjo Ministri nuk ofron kurse apo trajnime të tilla.
Në ligjin për Arsimin Parauniversitar në Republikën e Kosovës thuhet se “Ministria mban përgjegjësinë kryesore për planifikimin, caktimin e standardeve dhe sigurimin e cilësisë së sistemit të arsimit parauniversitar”.
Të pjesa e ligjit (neni 5) që përcaktohen rregullat për organizmin dhe menaxhimin e arsimit dhe aftësimit parauniversitar janë listuar obligimet e MASHTI-t, por në asnjë pikë nuk përmendet obligimi për të organizuar kurse gjatë pushimit të verës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)