| schema:text
| - Oliver Ivanoviq | Foto: BETA
Rrena mediale për ngritjen e aktakuzës në rastin Ivanoviq
Deklarata
Portali ‘Zëri.info’- “Prokurori i Prokurorisë Speciale të Kosovë, Sylë Hoxha, ka ngritur aktakuzë ndaj dy ish-policëve të Kosovës, Nedelko Spasojeviq dhe Marko Roshiq, me dyshimin se janë të përfshirë në vrasjen e liderit të SDP-së Oliver Ivanoviqit, më 16 janar 2018, në veri të Mitrovicës”
Vlerësimi
Rrenë
Artikulli i publikuar në Gazetën Zëri nuk është i saktë meqë lajmi është demantuar nga vetë prokurori i rastit i cili ka thënë se nuk ka aktakuzë për këtë rast.
Artikulli
Prokuroria Speciale e Kosovës ende nuk ka ngritur ndonjë aktakuzë në lidhje me vrajsen e politikan serb në Kosovë, Oliver Ivanoviq.
Megjithatë sot portali Zëri.info publikoi një artikull me titull “Ngrihet aktakuzë ndaj Nedelko Spasojeviqit e Marko Roshiqit, të dyshuar për vrasjen e Ivanoviqit”.
Në përmbajtje të këtij artikulli thuhet se Prokurori i Prokurorisë Speciale të Kosovë, Sylë Hoxha, ka ngritur aktakuzë ndaj dy ish-policëve të Kosovës, Nedelko Spasojeviq dhe Marko Roshiq, me dyshimin se janë të përfshirë në vrasjen e liderit të SDP-së Oliver Ivanoviqit, më 16 janar 2018, në veri të Mitrovicës.
Në ndërkohë KALLXO.com, ka kontaktuar me Prokurorin Sylë Hoxha, i cili mohoi të jetë ngritur ndonjë aktakuzë për rastin në fjalë.
“Jo nuk është e vërtetë, nuk kemi ngritur akoma aktakuzë, kur të ngrisim do të njoftoheni “, tha shkurt Prokurori Special, Sylë Hoxha.
Oliver Ivanoviq, kreu i një partie serbe të Kosovës të quajtur Liri, Demokraci dhe Drejtësi, u qëllua para zyrës së tij më 16 janar dhe vdiq më pas në spital.
Që nga janari i vitit 2018 kur kishte ndodhur vrasja e tij e deri më tani janë arrestuar shtatë persona duke përfshirë edhe zyrtarë policorë.
Organet e drejtësisë janë akoma në ndjekje të Milan Radojiqiq i cili dyshohet të ketë gisht në vrasje.
Dy të arrestuarit për të cilët portali ka raportuar se është ngritur aktakuzë, vazhdojnë të jenë akoma nën hetime.
Ngritja e aktakuzës nënkupton rastet kur pas fazës së hetimeve, Prokurori i shtetit vlerëson se ka prova të mjaftueshme se të dyshuarit kanë kryer veprën penale dhe të njëjtën e dorëzojnë në gjykatë e cila më pas ka për detyrë të vendosë në lidhje fajësinë e tyre.
Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA). Përmbajtja dhe rekomandimet e paraqitura nuk përfaqësojnë qëndrimin zyrtar të Ministrisë së Punëve të Jashtme të Norvegjisë dhe Fondacionit Kosovar për Shoqëri Civile (KCSF).
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)