| schema:text
| - 500 രൂപ നല്കി രജിസ്റ്റര് ചെയ്താല് ആജീവനാന്ത ക്യാന്സര് ചികിത്സ സൗജന്യമായി ലഭിക്കുമെന്ന പേരില് ഒരു സന്ദേശം സമൂഹമാധ്യമങ്ങളില് വൈറലാണ്. തിരുവനന്തപുരം റീജ്യണല് ക്യാന്സര് സെന്ററിന്റേതെന്ന പേരിലാണ് സന്ദേശം പ്രചരിക്കുന്നത്.
'
*500/- രൂപയ്ക്ക് ആജീവനാന്ത കാന്സര് സുരക്ഷ*
•••••••••••••••••••••••••••••••••••••••••••••••••••••••
*Cancer ന് ഇന്ന് ചെലവുകുറഞ്ഞ പരിശോധനാരീതികള് ലഭ്യമാണ്. ഡോക്ടറുടെയോ ആസ്പത്രിയുടെയോ സഹായംപോലും ആവശ്യമില്ലാതെ ചെയ്യാം.* ഇത് ആരും അത്ര ഗൗരവമായി എടുക്കുന്നില്ല. ഇതുമൂലം നിത്യദുരിതത്തിലേക്കും കഷ്ടപ്പാടിലേക്കും വഴിതെളിയുന്നു. Cancer മൂലം കുടുംബത്തിന്റെ സാമ്പത്തികഭദ്രത തകരുന്നു.
കാന്സര് ചികിത്സ ചെലവേറിയതാണ്. കുടുംബത്തിന്റെ സാമ്പത്തികഭദ്രത കാന്സര് തകര്ക്കും. അതൊഴിവാക്കാന് കാന്സര് കെയര് ഫോര് ലൈഫില് അംഗമായി ചേരണം. വെറും 500 രൂപയ്ക്ക് 50,000 രൂപയുടെ ആജീവനാന്ത കാന്സര് പരിരക്ഷ ഉറപ്പുവരുത്താനുള്ള പദ്ധതിയാണ് തിരുവനന്തപുരം റീജ്യണല് കാന്സര് സെന്ററിന്റെ കാന്സര് കെയര് ഫോര് ലൈഫ്.
*കുടുംബത്തിലെ ഒരംഗത്തിന് 500/- രൂപ കൊടുത്താല 50,000/- രൂപയുടെ സൗജന്യ ചികിത്സലഭിക്കും. 1,000/- രൂപയ്ക്ക് ഒരുലക്ഷം രൂപയുടെ ചികിത്സലഭിക്കും. 1,500 രൂപയ്ക്ക് ഒന്നരലക്ഷം രൂപയുടെ ചികിത്സ ലഭിക്കും 2,000 രൂപ മുടക്കിയാല രണ്ടുലക്ഷം രൂപയുടെ ചികിത്സലഭിക്കും.10,000 രൂപ മുടക്കിയാല് 10 ലക്ഷം രൂപയുടെ ചികിത്സലഭിക്കും. ഒറ്റത്തവണ മാത്രം അടച്ചാല് മതി.*' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത്തരമൊരു സ്കീം ഇപ്പോള് ആര്സിസിയില് നിലവിലില്ല.
AFWA അന്വേഷണം
സംസ്ഥാന സര്ക്കാര് പദ്ധതിയാണെന്നും, പ്രധാനമന്ത്രിയുടെ പേരില് കേന്ദ്രസര്ക്കാര് നടപ്പിലാക്കുന്ന പദ്ധതിയാണെന്നും രണ്ട് തരത്തിലുള്ള പ്രചാരണമുണ്ട്. വര്ഷങ്ങളായി ഈ സന്ദേശം പ്രചരിക്കുന്നതാണെന്നും മനസിലാക്കാനായി. പദ്ധതിയുടെ വിശദാംശങ്ങള് അറിയാന് ഞങ്ങള് ആദ്യം ഗൂഗിള് സെര്ച്ച് ചെയ്തു. എന്നാല് കൃത്യമായ വിവരം ലഭ്യമായില്ല. തുടര്ന്ന് ആര്സിസിയുടെ വെബ്സൈറ്റ് പരിശോധിച്ചു. ഇതില് രോഗികള്ക്ക് സഹായകരമാകുന്ന നിരവധി പദ്ധതികളെപ്പറ്റി പരാമര്ശമുണ്ടെങ്കിലും പോസ്റ്റില് പ്രചരിക്കുന്നതുപോലെ 500 രൂപ അടച്ചാല് ആജീവനാന്ത ചികിത്സാ സൗകര്യം എന്ന പദ്ധതി കണ്ടെത്താനായില്ല.
കേന്ദ്ര-സംസ്ഥാന സര്ക്കാരുകളുടെ വിവിധ ചികിത്സാ സഹായ പദ്ധതികളും സ്വകാര്യ ട്രസ്റ്റുകളുടെ പദ്ധതികളുമെല്ലാം ഈ ലിസ്റ്റില് വ്യക്തമാക്കുന്നുണ്ട്. സംസ്ഥാന സര്ക്കാരിന്റെ സുകൃതം, താലോലം, ചിസ് പ്ലസ്, കാരുണ്യ തുടങ്ങിയ കുട്ടികള്ക്കും മുതിര്ന്നവര്ക്കുമായ നിരവധി സഹായ പദ്ധതികളും എന്ഡോസള്ഫാന് ഇരകള്ക്കായുള്ള ചികിത്സാ പദ്ധതി, സര്ക്കാര് ജീവനക്കാര്ക്കുള്ള ചികിത്സാ പദ്ധതി എന്നിവയെല്ലാം ഇതിലുണ്ട്. പ്രധാനമന്ത്രി ദേശീയ റിലീഫ് ഫണ്ട്, രാഷ്ട്രീയ ആരോഗ്യ നിധി തുടങ്ങി കേന്ദ്ര സര്ക്കാരിന്റെ ക്യാന്സര് ചികിത്സാ പദ്ധതിയും ലഭ്യമാണ്. ഇവയെല്ലാം ഉള്ക്കൊള്ളുന്ന വെബ്സൈറ്റിലെ പ്രസക്ത ഭാഗം താഴെ കാണാം.
കൂടുതല് വിശദീകരണത്തിനായി ഞങ്ങള് റീജ്യണല് ക്യാന്സര് സെന്ററില് ബന്ധപ്പെട്ടു. പബ്ലിക് റിലേഷന്സ് വകുപ്പില് നിന്ന് നല്കിയ വിവരം അനുസരിച്ച് നിലവില് ഇത്തരമൊരു പദ്ധതി ആര്സിസിയില് ഇല്ല. ' മുന്പ് ആര്സിസിയില് ഒരു വെല്ഫെയല് സ്കീം നിലവിലുണ്ടായിരുന്നു. 1986ല് ആരംഭിച്ച ഈ സ്കീം പ്രകാരം 100 രൂപ അടച്ച് അംഗത്വമെടുത്താല് രണ്ട് വര്ഷം കഴിഞ്ഞ് രോഗബാധിതരായാല് ആജീവനാന്തം ചികിത്സാ ഇളവ് ലഭ്യമായിരുന്നു. 1991ല് ഇത് നിര്ത്തലാക്കി. പിന്നീട് 1992 മുതല് 1997 വരെ പ്രീമിയം തുക ഉയര്ത്തി 500 രൂപ ആക്കിയശേഷം പദ്ധതി പുനരാരംഭിച്ചു. പിന്നീട് 97 മുതല് പദ്ധതി അല്പം കൂടി വിപുലമാക്കി. പ്രീമിയം തുക 500 മുതല് 10,000 വരെയാക്കിയാണ് ഇത്തവണ പദ്ധതി നടപ്പാക്കിയത്. എന്നാല് 2014ല് ഇത് നിര്ത്തലാക്കി. പിന്നീട് ഇത്തരമൊരു വെല്ഫെയര് സ്കീം നിലവിലില്ല. എന്നാല് പദ്ധതിയില് അംഗത്വമെടുത്തവര്ക്ക് ഇതിന്റെ പ്രയോജനം ലഭ്യമാകുന്നുമുണ്ട്. ആദ്യ കാലഘട്ടത്തില് രോഗബാധിതരായാല് അധികം ചികിത്സാ സഹായ പദ്ധതികളൊന്നും ഉണ്ടായിരുന്നില്ല. അതിനാലാണ് ലാഭകരമായിരുന്നില്ലെങ്കിലും ഇത്തരമൊരു ചികിത്സാ സഹായം തുടര്ന്നു പോയത്. എന്നാലിപ്പോള് കേന്ദ്ര-സംസ്ഥാന സര്ക്കാരുകളുടെ നിരവധി പദ്ധതികള് നിലവിലുണ്ട്. അതിനാലാണ് ആര്സിസി വെല്ഫെയര് സ്കീം പൂര്ണ്ണമായി നിര്ത്തലാക്കിയത്. ' ആര്സിസി പിആര്ഓ വി.സുരേന്ദ്രന് നായര് ഇന്ത്യാ ടുഡേയോട് പറഞ്ഞു.
ഇപ്പോള് പ്രചാരത്തിലുള്ള സന്ദേശം വ്യാജമാണെന്ന് വ്യക്തമാക്കി നിരവധി തവണ ആര്സിസി അറിയിപ്പ് നല്കിയിരുന്നു. ഇപ്പോള് വീണ്ടും സന്ദേശം പ്രചരിക്കുുന്ന സാഹചര്യത്തില് പത്രക്കുറിപ്പ് ഇറക്കാമെന്നും അദ്ദേഹം വ്യക്തമാക്കി. മുന്പ് ആര്സിസി നല്കിയ ഒരു മുന്നറിയിപ്പ് സന്ദേശം താഴെ കാണാം.
ക്യാന്സര് ചികിത്സയ്ക്ക് ഉപയോദപ്രദമാകുന്ന നിരവധി പദ്ധതികളുണ്ട്. ഇവയെക്കുറിച്ച് ആര്സിസി വെബ്സൈറ്റില് വിശദമായി പ്രസിദ്ധീകരിച്ചിട്ടുണ്ട്. കുട്ടികള്ക്കും മുതിര്ന്നവര്ക്കും പ്രയോജനം ലഭ്യമാകുന്ന ഇത്തരം പദ്ധതികളുടെ ആധികാരിക വിവരം ഇവിടെ വായിക്കാം.
ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റില് പറയുന്നതുപോലെ 500 രൂപയ്ക്ക് ആജീവനാന്ത ക്യാന്സര് ചികിത്സ എന്ന വാദം തെറ്റിദ്ധരിപ്പിക്കുന്നതാണെന്ന് വ്യക്തം.
500 രൂപയ്ക്ക് ആജീവനാന്ത ക്യാന്സര് ചികിത്സാ പദ്ധതിയുമായി തിരുവനന്തപുരം ആര്സിസി.
ഇത്തരമൊരു പദ്ധതി ആര്സിസിയില് നിലിവിലില്ല. 1986 മുതല് 2014വരെ വിവിധ വെല്ഫെയര് സ്കീമുകള് ആര്സിസി നടപ്പാക്കിയിരുന്നെങ്കിലും ഇവ ഇപ്പോഴില്ല. 2014വരെ പദ്ധതിയുടെ ഭാഗമായിരുന്നവര്ക്ക് പ്രയോജനം ലഭിക്കുമെങ്കിലും പുതുതായി ചേരാന് സാധിക്കില്ല. കേന്ദ്ര-സംസ്ഥാന സര്ക്കാരുകളുടെ നിരവധി ക്യാന്സര് ചികിത്സാ പദ്ധതികള് നിലവിലുണ്ട്, ഇവ ആര്സിസി വെബ്സൈറ്റില് പ്രസിദ്ധപ്പെടുത്തിയിട്ടുണ്ട്.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)