| schema:text
| - ഇസ്രയേല്-പലസ്തീന് സംഘര്ഷത്തിന്റെ പശ്ചാത്തലത്തില് ഇരു രാജ്യങ്ങളെയും അനുകൂലിച്ചും പ്രതികൂലിച്ചും സമൂഹമാധ്യമങ്ങളില് സജീവമായ പ്രചാരണമുണ്ട്. ഇപ്പോഴത്തെ സംഘര്ഷത്തില് നിന്നുള്ളതാണെന്ന് അവകാശപ്പെട്ട് നിരവധി വീഡിയോകളും ചിത്രങ്ങളുമെല്ലാം വൈറലായി പ്രചരിക്കുന്നുണ്ട്. അതിനിടെ പലസ്തീനെ അനുകൂലിക്കുന്നവര് ഇസ്രയേലിന്റെ ഉത്പന്നങ്ങള് ബഹിഷ്ക്കരിക്കണമെന്ന് ആഹ്വാനം ചെയ്യുന്ന പോസ്റ്റുകള് സോഷ്യല് മീഡിയയില് വൈറലാണ്. ബഹിഷ്ക്കരിക്കേണ്ട ഇസ്രയേലിന്റെ ഉത്പന്നങ്ങളാണെന്ന് അവകാശപ്പെട്ട് ഒരു വീഡിയോ ആയിട്ടാണ് ഇവ പ്രചരിക്കുന്നത്.
"ഇസ്രായേല് ഉത്പന്നങ്ങള് ബഹിഷ്കരിക്കുക" എന്നുള്ള കുറിപ്പിനൊപ്പമുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, പ്രചാരത്തിലുള്ള വീഡിയോയിലെ ഉത്പന്നങ്ങള് ഒന്നും തന്നെ ഇസ്രയേലിന്റേതല്ലെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി.
അന്വേഷണം
പത്തൊന്പത് സെക്കന്റ് ദൗര്ഘ്യമുള്ള വീഡിയോയില് ചോക്ലേറ്റ്, സോഫ്റ്റ് ഡ്രിങ്ക്സ് എന്നിങ്ങനെയുള്ള ഏതാനും ഭക്ഷ്യോത്പന്നങ്ങളാണുള്ളത്. ഇവ ഓരോന്നും ഞങ്ങള് പരിശോധിച്ചു. ഡയറി മില്ക്ക്, കെഎഫ്സി, കൊക്കകോള, ലെയ്സ്, കിറ്റ് ക്യാറ്റ് & മാഴ്സ്, കോര്നെറ്റോ, മൈലോ, ഓപേര്സ്, അക്വാഫിന എന്നീ ഉത്പന്നങ്ങളാണ് വീഡിയോയിലുള്ളത്. ഇവ ഓരോന്നും ഏത് രാജ്യത്തിന്റെ തനത് ഉത്പന്നമാണെന്ന് പരിശോധിക്കാം.
1.ഡയറി മില്ക്ക്(Diary Milk)- ഇംഗ്ലണ്ടിലെ ബര്മിംഗ്ഹാമില് 1831ല് ജോണ് കാഡ്ബറി എന്നയാള് ആരംഭിച്ച ചോക്ലേറ്റ് നിര്മാണ ഫാക്ടറിയായ കാഡ്ബറിയുടെ ഉത്പന്നമാണിത്. വളരെ പ്രശസ്തമായ കാഡ്ബറി കമ്പനിക്ക് ഇന്ന് മറ്റനേകം പ്രൊഡക്ടുകളുണ്ട്.
2.കെഎഫ്സി(KFC)-കെന്റക്കി ഫ്രൈഡ് ചിക്കന് എന്ന കെഎഫ്സി കോര്പ്പറേഷന്, കെന്റക്കിയിലെ ലൂയിവില്ലെ ആസ്ഥാനമായി പ്രവര്ത്തിക്കുന്ന ഒരു അമേരിക്കന് ഫാസ്റ്റ് ഫുഡ് റെസ്റ്റോറന്റ് ശൃംഖലയാണ്.1952 സെപ്റ്റംബര് 24ന് കേണല് സാന്ഡേഴ്സ്, പീറ്റ് ഹാര്മാന് എന്നിവര് ചേര്ന്ന് ആരംഭിച്ച KFC ഇന്ന് 150 ഓളം രാജ്യങ്ങളില് പ്രവര്ത്തിക്കുന്നുണ്ട്.
3.കൊക്ക കോള(Coca cola)- യുഎസിലെ ജോര്ജിയ ആണ് കൊക്ക കോളയുടെ മാതൃരാജ്യം. 1886 മെയ് 8-ന് ജോര്ജിയയിലെ അറ്റ്ലാന്റയില് ഡോ. ജോണ് സ്റ്റിത്ത് പെംബര്ട്ടണ് ആണ് കൊക്കകോള നിര്മ്മിച്ചത്. ഫാന്റ, സ്പ്രൈറ്റ് തുടങ്ങി 200 ഓളം ബ്രാന്റ് ഉത്പന്നങ്ങള് ഇന്ന് കൊക്കോ കോളയ്ക്കുണ്ട്.
4.ലെയ്സ്(Lay's)- യുഎസ് ആസ്ഥാനമായ സ്ഥാപനമാണ് ലെയ്സ് എന്ന ഉരുളക്കിഴങ്ങ് ചിപ്സ് നിര്മാതാക്കള്. 75 വര്ഷമായി ലെയ്സ് പ്രവര്ത്തിച്ചു വരുന്നതായി അവരുടെ ഔദ്യോഗിക വെബ്സൈറ്റില് വിശദമാക്കുന്നു. യുഎസ്, കാനഡ എന്നിവിടങ്ങളിലെ ഫാമുകളില് വിളിയിക്കുന്ന ഒന്നാംക്ലാസ് ഉരുളക്കിഴങ്ങാണ് ലെയ്സ് നിര്മാണത്തിന് ഉപയോഗിക്കുന്നതെന്നാണ് കമ്പനി അവകാശപ്പെടുന്നത്.
5. കിറ്റ് ക്യാറ്റ്(KitKat)- സ്വിറ്റ്സര്ലന്റിലെ വെവെയ്(Vevey) നഗരത്തില് ഹെന്റി നെസ്ലെ എന്ന ഫാര്മസിസ്റ്റ് 1860ല് സ്ഥാപിച്ച നെസ്ലെ എന്ന സ്ഥാപനത്തിന്റെ പ്രൊഡക്ടുളില് ഒന്നാണ് കിറ്റ് ക്യാറ്റ്. ബേബി ഫുഡ് ഉത്പാദന രംഗത്തെ പ്രധാന കമ്പനിയായ നെസ്ലെ, ചോക്ലേറ്റ് നിര്മാണം ആരംഭിച്ചത് 1904ല് ആണ്.
മാഴ്സ്(Mars)- അമേരിക്കിയിലെ വെര്ജീനിയയില് 1911ല് ആരംഭിച്ച മാഴ്സ് പെറ്റ്ഫുഡ് നിര്മാതാക്കളാണ്. സ്നിക്കേഴ്സ് ഉള്പ്പെടെയുള്ള നിരവധി ചോക്ലേറ്റ് ബ്രാന്റുകള് മാഴ്സിനുണ്ട്.
6. കോര്നെറ്റോ(Cornetto)- യുണീലിവര് യുകെ& അയര്ലന്റ് കമ്പനിയുടെ പ്രൊഡക്ടാണ് കോര്നെറ്റോ. ഇറ്റലിയിലെ നേപ്പിള്സ് ആസ്ഥാനമായ സ്പൈക്ക(Spica) എന്ന ഐസ്ക്രീം നിര്മാണ കമ്പനി 1959ലാണ് കോര്നെറ്റോ പുറത്തിറക്കിയത്.
7.മൈലോ(Milo)-സ്വിറ്റ്സര്ലന്റ് ആസ്ഥാനമായ നെസ്ലെയുടെ മറ്റൊരു പ്രൊഡക്ടാണ് മൈലോ. 1930ലാണ് നെസ്ലെ ഇത് പുറത്തിറക്കിയത്.
8.ഓപേര്സ്(Olper's)- പാകിസ്ഥാനിലെ മില്ക്ക് ഡ്രിങ്ക് നിര്മാതാക്കളാണ് ഓപേഴ്സ്.
9.അക്വാഫിന(Aquafina)-യുഎസ് കമ്പനിയായ അക്വാഫിന പ്രശസ്ത കുപ്പിവെള്ള നിര്മാതാക്കളാണ്. 1994ല് കന്സാസിലെ വിചിറ്റയില് തുടക്കമിട്ട അക്വാഫിന ഇന്ന് അമേരിക്കയിലെ മാത്രമല്ല ഒട്ടേറെ രാജ്യങ്ങളിലെ പ്രിയപ്പെട്ട കുപ്പിവെള്ള നിര്മാതാക്കളാണ്.
ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോയില് പറയുന്ന ഒരു പ്രൊഡക്റ്റും ഇസ്രയേലില് നിര്മിക്കുന്നവയല്ല. യുഎസ്, യുകെ, സ്വിറ്റ്സര്ലന്റ്, ഇറ്റലി, പാകിസ്ഥാന് എന്നീ രാജ്യങ്ങളിലെ വിവധ പ്രൊഡക്റ്റുകളാണ് ഇസ്രയേലിന്റെ ഉത്പന്നമെന്ന രീതിയില് ബഹിഷ്ക്കരണത്തിന് സോഷ്യല് മീഡിയയില് ആഹ്വാനം ചെയ്തിരിക്കുന്നതെന്ന് വ്യക്തമായി.
വീഡിയോയിലുള്ള ഇസ്രയേല് ഉത്പ്പന്നങ്ങള് ബഹിഷിക്കരിക്കുക.
പ്രചരിക്കുന്ന വീഡിയോയിലുള്ള ഒരു ഉത്പന്നം പോലും ഇസ്രയേലിന്റെ തനത് ബ്രാന്റ് അല്ല. യുഎസ്, യുകെ, ഇറ്റലി, സ്വിറ്റ്സര്ലന്റ്, പാകിസ്ഥാന് എന്നിവിടങ്ങളില് നിന്നുള്ള വിവിധ ഉത്പന്നങ്ങളാണിവ.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)