| schema:text
| - Postime që rrejshëm pretendojnë se mund të shërojnë prostatitin
Deklarata
Si arrita të rifitoj rininë dhe shëndetin tim seksual! Nëse vuani nga prostatiti dhe shkoni shpesh në tualet klikoni moshën tuaj dhe unë do t’ju them se çfarë të bëni
Vlerësimi
Me kos
Postimi “Si arrita të rifitoj rininë dhe shëndetin tim seksual! Nëse vuani nga prostatiti dhe shkoni shpesh në tualet klikoni moshën tuaj dhe unë do t’ju them se çfarë të bëni”- është i rremë. Në postim nuk tregohet se si mund të shërohet prostatiti. Faqja në Facebook Riftplus, që e ka publikuar këtë njoftim ka të publikuara edhe disa artikuj të tjerë për sëmundje të ndryshme, në gjuhë të ndryshme. Urologu Avni Fetahu ka thënë se trajtimi i sëmundjes së prostatës bëhet bazuar në protokolet shëndetësore, të cilat parashohin edhe barnat e aprovuara e që janë në shitje nëpër barnatore.
Artikulli
Më 30.08.2024 faqja në Facebook Riftplus (arkiva) ka publikuar një artikull me titull “Si arrita të rifitoj rininë dhe shëndetin tim seksual!”.
Në infografikën e publikuar shkruan se ‘nëse vuani nga prostatiti dhe shkoni shpesh në tualet klikoni moshën tuaj dhe unë do t’ju them se çfarë të bëni’.
Aty janë të ilustruara edhe moshat prej 40 deri në 65+ vjet.
Në secilën prej kategorive janë të vendosura edhe pemë e perime që supozohet se ndihmojnë në shërimin e prostatitit, varësisht prej moshës, mirëpo kur klikohen të dërgon tek një faqe e internetit “ogja.vihokas.com” (arkiva) që nuk ka lidhje fare me artikullin e faqes në Facebook, Riftplus (arkiva).
Krypometri ka kontrolluar edhe informacione të tjera të kësaj faqeje në Facebook, e cila del të jetë hapur më 21.09.2022.
Kjo faqe po ashtu ka të publikuar edhe disa artikuj të tjerë për sëmundje të ndryshme, në gjuhë të ndryshme.
A shërohet prostatiti me anë të pemëve dhe perimeve?
Krypometër ka kontaktuar me urologun Avni Fetahu, i cili ka thënë se trajtimi i sëmundjes së prostatës bëhet bazuar në protokolet shëndetësore, të cilat parashohin edhe barnat e aprovuara e që janë në shitje nëpër barnatore.
Sipas Fetahut, ilaçet që i përshkruajnë për sëmundjet e prostatës janë të licencuara dhe kanë Autorizimit për Marketing nga AKPPM siç parashihet në Ligjin për Produkte dhe Pajisje Medicinale.
Në një shkrim autorial, urologu Rinor Dervishi kishte shkruar për problemet me prostatën dhe domosdoshmërinë që secili pacient të konsultohet me mjekë.
Dervishi kishte shkruar se “trajtimi i prostatës varion varësisht prej problemit dhe madhësisë së prostatës, nga terapia me barna e deri te largimi i prostatës me intervenim kirurgjikal”.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)