About: http://data.cimple.eu/claim-review/1941bcc48ffc86da7a44d993f21142b64fde111dfb464c916f900b21     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പശ്ചിമ ബംഗാളിൽ ചലച്ചിത്ര നടൻ നസറുദ്ദീൻ ഷായുടെ മകൾ സിപിഎം സ്ഥാനാർത്ഥിയായി മത്സരിക്കുന്നു എന്ന രീതിയിൽ ഒരു വീഡിയോ ഇപ്പോൾ സമൂഹ മാധ്യമങ്ങളിൽ വൈറലാണ്. വാഹനത്തിൽ പ്രചാരണം നടത്തുന്ന സിപിഎം സ്ഥാനാർത്ഥിയായ സ്ത്രിയെ വീഡിയോയിൽ കാണാം. "നടൻ നസറുദ്ദീൻ ഷായുടെ മകൾ പശ്ചിമ ബംഗാളിൽ CPIM സ്ഥാനാർത്ഥി" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചരിക്കുന്ന പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. വീഡിയോയിലുള്ള സിപിഎം സ്ഥാനാർത്ഥി സൈറാ ഷാ ഹലിം നസറുദ്ദീൻ ഷായുടെ മകളല്ല. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക് അന്വേഷണം പ്രചാരത്തിലുള്ള വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ ദൃശ്യങ്ങളടങ്ങുന്ന വീഡിയോ ടിവി9 ബാംഗ്ലയുടെ വാർത്തയിൽ ലഭ്യമായി. സൈറാ ഷാ ഹലിം, ലോക്സഭാ ഇലക്ഷൻ 2024 എന്ന ഇംഗ്ലീഷ് തലകെട്ടോടെയാണ് ഈ വീഡിയോ പോസ്റ്റ് ചെയ്തിരിക്കുന്നത്. ഇതിലൂടെ വീഡിയോയിലുള്ളത് സിപിഎം സ്ഥാനാർത്ഥിയായി സൌത്ത് കൊൽക്കത്തയിൽ നിന്നും മത്സരിക്കുന്ന സൈറാ ഷാ ഹലിം ആണ് വീഡിയോയിലുള്ളതെന്ന് വ്യക്തമായി. ടിവി9 ബാംഗ്ല യൂട്യൂബിൽ പങ്കിട്ട സൈറാ ഷാ ഹലിമിന്റെ പ്രചാരണ വീഡിയോ ചുവടെ കാണാം. സൈറാ ഷാ ഹലിം ബോളിവുഡ് നടൻ നസറുദ്ദീൻ ഷായുടെ മകളാണോ എന്ന കാര്യമാണ് ഞങ്ങൾ പിന്നീട് പരിശോധിച്ചത്. ഇതിനായി കീവേഡ് സെർച്ച് ചെയ്തപ്പോൾ രണ്ടുപേരുടെയും ബന്ധം വിവരിക്കുന്ന ഡിഎൻഎ ഇന്ത്യാന്യൂസ് യൂട്യൂബ് ചാനലിൽ പങ്കുവച്ചിട്ടുള്ളതായി കണ്ടെത്തി. 2.12 മിനിറ്റ് ദൈർഘ്യമുള്ള ഈ വീഡിയോയിൽ ഒരു മിനിറ്റ് മുതലുള്ള ഭാഗത്ത് ആരാണ് സൈറാ ഷാ ഹലിം എന്ന് വിശദമായി പറയുന്നുണ്ട്. സൈറാ ഷായുടെ പിതാവിന്റെ പേര് ലെഫ്റ്റനന്റ് ജനറൽ സമീർ ഉദ്ദിൻ ഷാ എന്ന് ഇതിലൂടെ വ്യക്തമാകുന്നു. ഇദ്ദേഹം നസറുദ്ദീൻ ഷായുടെ ജേഷ്ഠനാണ്. ഡെപ്യൂട്ടി ചിഫ് ഓഫ് ദി ആർമി സ്റ്റാഫ് എന്ന ഉന്നത പദവിയിൽ നിന്നും വിരമിച്ചയാളാണ് കൂടിയാണ് സമീർ ഉദ്ദിൻ ഷാ. പശ്ചിമ ബംഗാൾ നിയമസഭാ സ്പീക്കറായിരുന്ന ഹാഷിം അബ്ദുൾ ഹലിമിന്റെ മരുമകൾ കൂടിയാണ് സൈറാ ഷാ ഹലിം. ഇക്കാര്യങ്ങൾ വിശദീകരിക്കുന്ന ഡിഎൻഎ ഇന്ത്യാന്യൂസ് യൂട്യൂബ് ചാനലിലെ വീഡിയോ ചുവടെ കാണാം. എൻഡിടിവി യൂട്യൂബ് ചാനലിൽ പങ്കിട്ട ഷോർട്ട് വീഡിയോയിലും നസറുദ്ദീൻ ഷായുടെ ജേഷ്ഠന്റെ മകളാണ് സൈറാ ഷാ ഹലിം എന്ന് വ്യക്തമാക്കുന്നുണ്ട്. സൈറാ ഷായുടെ തെരഞ്ഞെടുപ്പ് പ്രചാരണം ആരംഭിച്ചത് സംബന്ധിച്ച വാർത്തയാണ് ഈ വീഡിയോയിലുള്ളത്. വീഡിയോ ചുവടെ കാണാം. 2022ൽ നടന്ന ഉപതെരഞ്ഞെടുപ്പിൽ ബാലിഗുഞ്ച് നിയമസഭാ സീറ്റിലും സൈറാ ഷാ ഹലിം മത്സരിച്ചിരുന്നു. തെരഞ്ഞെടുപ്പിൽ ത്രിണമുൽ കോൺഗ്രസ് സ്ഥാനാർത്ഥി ബാബുൽ സുപ്രിയോ ബാരലിനോട് പരാജയപ്പെട്ടുവെങ്കിലും സിപിഎം സ്ഥാനാർത്ഥിയായിരുന്ന സൈറാ ഷാ മുപ്പതിനായിരത്തിലധികം വോട്ടുകൾ നേടി. അന്ന് സൈറാ ഷാ ഹലിമിനെ സ്ഥാനാർത്ഥിയായി പ്രഖ്യാപിച്ചതിന് പിന്നാലെ സൈറായ്ക്ക് പിന്തുണയുമായി നസറുദ്ദീൻ ഷാ രംഗത്തെത്തിയിരുന്നു. ഇത് സംബന്ധിച്ച് 2022 ഏപ്രിൽ 5ന് ടൈംസ് എന്റർടൈൻമെന്റ് പ്രസിദ്ധീകരിച്ച റിപ്പോർട്ടിന്റെ സ്ക്രീൻഷോട്ട് ചുവടെ കാണാം. നസറുദ്ദീൻ ഷായുടെ മകളെ കുറിച്ചും ഞങ്ങൾ അന്വേഷിച്ചു. ആദ്യ ഭാര്യ പർവീൻ മുറാദിൽ ഹീബ ഷാ എന്നൊരു മകളാണ് നസറുദ്ദീൻ ഷായ്ക്കുള്ളത്. രണ്ടാം ഭാര്യ രത്ന പതക് ഷായിൽ ഇമാദ് ഷാ, വിവാൻ ഷാ എന്നീ രണ്ട് ആൺമക്കളുണ്ട്. 2023ൽ തന്റെ മകൾ ഹീബ ഷായുടെ ജനന സർട്ടിഫിക്കേറ്റിനായി 53 വർഷങ്ങൾക്ക് ശേഷം നസറുദ്ദീൻ ഷാ അപേക്ഷ നൽകിയെന്ന വാർത്തകൾ പുറത്ത് വന്നിരുന്നു. ഇത് സംബന്ധിച്ച് ന്യൂസ്18 പ്രസിദ്ധീകരിച്ച വാർത്ത ഇവിടെ വായിക്കാം. ലഭ്യമായ വിവരങ്ങളിൽ നിന്നും വൈറൽ വീഡിയോയിലുള്ളത് നടൻ നസറുദ്ദീൻ ഷായുടെ മകളല്ലെന്നും ജേഷ്ഠന്റെ മകൾ സൈറാ ഷാ ഹലിം ആണെന്നും വ്യക്തമായി. നടൻ നസറുദ്ദീൻ ഷായുടെ മകൾ പശ്ചിമ ബംഗാളിൽ സിപിഎം സ്ഥാനാർത്ഥി. വീഡിയോയിലുള്ള സിപിഎം സ്ഥാനാർത്ഥി സൈറാ ഷാ ഹലിം നടൻ നസറുദ്ദീൻ ഷായുടെ മകളല്ല. നസറുദ്ദീൻ ഷായുടെ ജേഷ്ഠൻ ലെഫ്റ്റനന്റ് ജനറൽ സമീർ ഉദ്ദിൻ ഷായുടെ മകളാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software